B9-0475/2021

Mozzjoni għal riżoluzzjoni tal-Parlament Ewropew dwar l-istabbiliment ta' Fond Ewropew ta' Kumpens għall-Vittmi tal-"vaċċini kontra l-COVID-19"

Il-Parlament Ewropew,

– wara li kkunsidra l-Artikolu 143 tar-Regoli ta' Proċedura tiegħu,

A. billi l-Aġenzija Ewropea għall-Mediċini diġà rreġistrat madwar miljun każ ta' reazzjonijiet avversi insegwitu tal-injezzjoni ta' vaċċini kontra l-COVID-19:

- 435 779 għall-vaċċin Pfizer BioNTech,

- 373 285 għall-vaċċin AstraZeneca,

- 117 243 għall-vaċċin Moderna,

- 27 694 għall-vaċċin Janssen[1];

B. billi dawn ir-reazzjonijiet avversi xi drabi huma severi; billi, madwar 75 000 persuna kellhom effetti newroloġiċi serji wara li ħadu l-vaċċin Pfizer;

C. billi l-Aġenzija Ewropea għall-Mediċini tiddikjara li l-vaċċini kontra l-COVID-19 kellhom, fl-Unjoni Ewropea, eżitu fatali għal madwar 5 000 persuna:

- 4 198 għal Pfizer[2],

- 1 053 għal dak ta' AstraZeneca,

- 392 għall-vaċċin Moderna,

- 138 għall-vaċċin Janssen;

D. billi l-Kummissjoni Ewropea nnegozjat il-kuntratti ta' xiri u ma xtaqitx li l-laboratorji farmaċewtiċi jinżammu responsabbli; billi l-Membri tal-Parlament Ewropew ma kellhomx aċċess għall-kuntratti matul in-negozjati;

1. Jitlob lill-Kummissjoni tistabbilixxi fond ta' kumpens għall-vittmi tal-vaċċini kontra l-COVID-19;

2. Jagħti istruzzjonijiet lill-President tiegħu biex jgħaddi din ir-riżoluzzjoni lill-Kummissjoni u lill-Istati Membri.