TAIRISCINT I gCOMHAIR RÚIN maidir le cur i gcoinne an antoisceachais Ioslamaigh ar an leibhéal idirnáisiúnta

29.9.2021

de bhun Riail 143 de na Rialacha Nós Imeachta

Emmanouil Fragkos

B9‑0480/2021

Tairiscint i gcomhair rún ó Pharlaimint na hEorpa maidir le cur i gcoinne an antoisceachais Ioslamaigh ar an leibhéal idirnáisiúnta

Tá Parlaimint na hEorpa,

–  ag féachaint do na hiarrachtaí neamhrathúla a rinneadh le 20 bliain chun cur i gcoinne na sceimhlitheoireachta Ioslamaí,

 

–  ag féachaint do Riail 143 dá Rialacha Nós Imeachta,

 

A.  de bhrí go bhfuil líonraí Ioslamacha gníomhacha ag díriú ar shochaithe na hEorpa, tríd an sceimhlitheoireacht, trí chur isteach déimeagrafach/sóisialta agus trí bhagairt chogaidh;

 

Β.  de bhrí go bhfuil naisc ag na líonraí sin le rialtais na Tuirce, na Pacastáine, Chatar agus, níos déanaí fós, na hAfganastáine;

 

C.  de bhrí go bhfuil na rialtais thuas ag cur dlús lena gcuid gníomhaíochtaí agus lena gcuid dioscúrsa reitriciúil, agus dlúthnaisc le líonraí Ioslamacha á gcoimeád ag an am céanna;

 

1.  ag aithint gur gá athbhreithniú cuimsitheach a dhéanamh ar an straitéis frithsceimhlitheoireachta, agus tosaíocht á tabhairt do shreafaí imirce neamhdhleathacha a shrianadh láithreach agus go héifeachtach agus do chealla sceimhlitheoirí Ioslamacha a neodrú;

 

2.  á iarraidh ar an gCoimisiún agus ar an gComhairle straitéis il-leibhéil inmheánach agus sheachtrach atá comhleanúnach agus cuimsitheach a tharraingt suas laistigh den bhliain chun dul i ngleic leis an Ioslamachas radacach go héifeachtach agus go hinbhuanaithe ar an leibhéal idirnáisiúnta.