Zoznam 
 Predchádzajúci 
 Nasledujúci 
 Úplné znenie 
Doslovný zápis z rozpráv
Streda, 5. apríla 2006 - Štrasburg Revidované vydanie

6. Slávnostná schôdza - Malta
PV
MPphoto
 
 

  El Presidente. Señor Presidente de la República de Malta, es una gran satisfacción para mí recibirle hoy en el Parlamento Europeo y ofrecerle la oportunidad de dirigirse a los parlamentarios, que en estos últimos días han estado hablando mucho de su país.

Hoy está usted aquí como Jefe de Estado, pero conocemos muy bien su largo compromiso a favor de la integración europea, como Primer Ministro de su país, durante muchos años —los años de la trayectoria de Malta hacia la Unión—.

Hace casi tres años firmó usted el Tratado de Adhesión, que representaba la culminación de muchos años y muchos esfuerzos para que Malta fuese miembro de la Unión Europea.

Es un signo muy importante del consenso que hay hoy en Malta en torno a la integración europea el que, el pasado mes de julio, ustedes, su país, su Kamra tad-Deputati —la Cámara de Representantes de Malta—, ratificaran el Tratado Constitucional por unanimidad y que lo hiciesen después de que otros lo rechazaran.

(Aplausos)

Con ello lanzaron ustedes una señal muy clara en un momento difícil para la Unión y pusieron punto final a las divisiones políticas que habían caracterizado en su país el debate europeo.

Hoy, su presencia en este hemiciclo nos recuerda algo muy importante: la ampliación europea ha estado mirando hacia el Este mucho tiempo, hoy, Malta, en el Sur, nos trae el recuerdo de nuestra vocación mediterránea y de la necesidad de reforzar nuestro diálogo con los países de la cuenca mediterránea.

En efecto, su país está en la encrucijada del Mediterráneo y ha estado siempre en el centro de las políticas relativas a las fronteras meridionales de Europa. Hoy las relaciones con los países del Sur son el principal desafío geopolítico que se plantea a Europa y especialmente a su país, que está en la primera línea de este encuentro; en la primera línea de la llegada de muchos seres humanos que quieren ir a Europa, arriesgando su vida muchas veces, porque somos para ellos un nuevo Eldorado, que los atrae con la fuerza magnética que tiene el bienestar para los que sufren la más absoluta de las pobrezas.

Por eso sabemos que Malta se enfrenta hoy a un número muy importante de solicitantes de asilo y de inmigrantes que llegan a sus costas. Hemos estado hablando aquí de este tema. Hemos escuchado el informe que ha redactado una delegación del Parlamento Europeo que ha tenido ocasión de visitar los campos. Son el reflejo del desafío más importante al que tiene que responder Europa para defender y proteger los derechos de los seres humanos y construir las mejores relaciones con sus vecinos del Sur.

En estas circunstancias especiales, señor Presidente, su visita es muy bienvenida y, por ello, tendrá mucho interés para el Parlamento lo que usted nos pueda decir.

Gracias por estar con nosotros. Tiene usted la palabra.

(Aplausos)

 
  
MPphoto
 
 

  Edward Fenech-Adami, Président de la République de Malte. Sur President, onorevoli Membri tal-Parlament Ewropew, huwa pjaċir kif ukoll unur għalija li nindirizza lill-istituzzjoni tagħkom.

Bħala rappreżentant ta’ wieħed mill-pajjiżi li ssieħbu fl-Unjoni Ewropea fl-2004, qiegħed inġib miegħi esperjenza reċenti tat-tifsira tat-tkabbir, kemm f’termini ta’ x’inhu li pajjiż jgħaddi minnu fil-preparazzjoni għas-sħubija fl-Unjoni Ewropea, kif ukoll f’termini ta’ xi jfisser l-ewwel impatt tas-sħubija fuq Stat Membru ġdid.

Il-pajjiż tiegħi jħares lejn is-sħubija fl-Unjoni Ewropea bħala ritorn naturali lejn dar Ewropea li aħna nappartjenu għaliha. Aħna kburin li aħna parti mill-familja tan-nazzjonijiet li hi l-Unjoni Ewropea, bil-wirt spiritwali, kulturali u umanistiku tagħha kollu.

Il-mixja tagħna lejn is-sħubija ma kinitx ħafifa. Għaddejna minn dibattitu twil u iebes sakemm, tliet snin ilu, il-poplu Malti ħa deċiżjoni ċara u sovrana favur is-sħubija permezz ta’ referendum u mbagħad elezzjoni ġenerali. Dan id-dibattitu ħaj wassalna biex iddiskutejna l-merti u l-perikli tas-sħubija b’mod miftuħ u ħieles, waqt li analizzajna bir-reqqa l-impatt possibbli tas-sħubija f’termini mhux biss ekonomiċi, iżda wkoll politiċi u soċjali. F’dan is-sens, dan kien eżerċizzju li bih ressaqna lill-Ewropa lejn in-nies - eżerċizzju li aħna nagħmlu tajjeb jekk inkompluh.

Il-preparamenti għas-sħubija kienu ta’ piż għall-pajjiżi li ssieħbu fl-aħħar tkabbir. Huwa veru li qatt ma kien hemm tkabbir fuq din l-iskala. Iżda qatt qabel ma ġara li pajjiżi kandidati kienu mitluba jagħmlu riformi tant kbar bħala parti mill-preparamenti għas-sħubija. Irrid insellem lill-Istati Membri ġodda kollha ta’ l-Unjoni Ewropea talli għaddew minn proċess daqstant diffiċli. Daqstant irrid insellem ukoll lill-Unjoni Ewropa nnifisha għall-effett enormi li kellha bħala katalist meta ħeġġet lill-pajjiżi biex iħaddnu r-riformi.

Sikwit nitkellmu dwar il-pessimiżmu li ħakem lill-Ewropa wara ż-żewġ referenda li saru s-sena l-oħra meta t-Trattat Kostituzzjonali Ewropew ġie miċħud. Minn naħa l-oħra nonqsu milli nagħrfu biżżejjed is-suċċess tassew kbir li kellha l-Unjoni Ewropea meta assorbiet it-tkabbir b’mod tant naturali.

Mhux talli l-2005 ma kinetx l-‘annus horribilis’ ta’ l-Ewropa kif sostnew xi wħud, talli li kienet suċċess kbir għal Ewropa li wriet ruħha kapaċi li tilqa’ l-isfida ta’ l-akbar tkabbir storiku tagħha. Illum sikwit ninsew li t-tkabbir fil-fatt seħħ inqas minn sentejn ilu.

Dan ma jfissirx li l-ħajja wara s-sħubija hija faċli. Għall-kuntrarju, l-aġġustament għar-realtajiet tas-sħubija huwa diffiċli għal ekonomija daqskemm hu għas-soċjeta’. Dan jitlob lill-mexxejja li jieħdu deċiżjonijiet iebsin, li sikwit m’humiex popolari. Fil-fatt dawn id-deċiżjonijiet huma neċessarji, kemm jekk pajjiż jissieħeb fl-Unjoni Ewropea u kemm jekk le. Is-sħubija fl-Unjoni Ewropea sempliċiment tagħmel lil dawn id-deċiżjonijiet aktar reali, aktar eżiġenti, aktar inevitabbli.

Dak li ċertament huwa żbaljat hu, li nixħtu l-ħtija fuq l-Ewropa għar-riformi li m’humiex popolari, li fir-realta’ huma deċiżjonijiet li kull gvern responsabbli jkollu jieħu. Huwa żball li gvernijiet jixħtu l-ħtija fuq l-Ewropa għal dawn id-deċiżjonijiet diffiċli, u wara jieħdu l-kredtu għall-frott tagħhom.

Sur President, nixtieq naqsam ħsibijieti magħkom fuq għadd ta’ kwistjonijiet oħrajn.

Nibda b’xi riflessjonijiet fuq it-Trattat Kostituzzjonali Ewropew.

Għandna naċċettaw li kien hemm xi nuqqasijiet fil-mod kif il-proġett Kostituzzjonali kien propost, anki jekk dawn id-diffikultajiet għandhom x’jaqsmu aktar mal-forma milli mas-sustanza.

Per eżempju, għal Stati Membri ġodda l-proġett Kostituzzjonali deher li wasal kmieni wisq u b’għaġġla wisq. L-aspett taż-żmien jgħodd ukoll. U tassew, għal pajjiżi li kienu qegħdin iħejju ruħhom bi tbatija għas-sħubija, il-prospett li jbiddlu r-regoli tat-trattat dehru qishom eżerċizzju li jbiddel ir-regoli tal-logħba meta l-linja finali tat-tellieqa maratona kienet tidher fil-qrib.

Naf li t-Trattat Kostituzzjonali suppost li kellu jħaffef it-teħid tad-deċiżjonijiet fl-Unjoni ta’ sebgħa u għoxrin, iżda hi ħaġa ċara li ċittadini ta’ wħud mill-Istati Membri rawh mod ieħor. L-Unjoni li huma kienu kibru fiha kienet tbiddlet bit-tkabbir ta’ l-1995, u tbiddlet anki aktar bit-tkabbir ta’ l-2004 u - fl-isfond tal-globalizazzjoni - il-proġett Kostituzzjonali deher li se jġib miegħu stat ta’ tibdil mingħajr waqfien.

Għaldaqstant, meta nħarsu lura, naraw li seta’ kien aktar għaqli li dan il-proġett importanti ngħata aktar żmien, mhux biss sakemm l-għaxar stati ġodda sabu posthom, iżda wkoll sakemm il-ħamsa u għoxrin membru kollha, kellhom iż-żmien biex jadattaw ruħhom għar-realtajiet ġodda ta’ l-Unjoni Ewropea.

Tibqa’ l-kwistjoni, madankollu, dwar kif noħorġu mill-impasse preżenti.

M’hemmx għalfejn ngħidu li x-xewqat imfissra mill-popli fiż-żewġ pajjiżi li ma laqgħux it-Trattat Kostituzzjonali għandhom ikunu rispettati. Daqshekk ieħor id-deċiżjonijiet ta’ l-erbatax-il pajjiż li rratifikawh. F’pajjiżi, ngħidu aħna, it-Trattat Kostituzzjonali kien adottat mill-Parlament nazzjonali tagħna b’mod unanimu, u b’hekk kien issiġillat darba għal dejjem l-impenn tagħna favur is-sħubija, u nqata’ b’mod ċar mill-firdiet ta’ qabel.

Dan hu ż-żmien biex niddibattu u naqsmu l-fehmiet tagħna fuq it-triq li għandna quddiemna b’numru ta’ scenarios. Scenario minnhom hu li nibqgħu ma’ l-impenn magħmul mill-Kapijiet ta’ Stat jew Gvern firmatarji li jippruvaw isibu soluzzjoni fi ħdan il-Kunsill Ewropew jekk erbgħa minn ħamsa mill-Istati membri jkunu rratifikaw it-Trattat Kostituzzjonali u Stat Membru wieħed jew aktar ikollhom xi diffikulta’. Dan jirrendi neċessarja t-tkomplija tar-ratifikazzjoni sabiex il-proċess miftiehem ikun jista’ jkompli biex imbagħad naraw sewwa kif għandna nimxu ‘l quddiem.

Scenario ieħor jista’ jinkludi t-tfassil ta’ ‘Karta Ewropea’ mill-ewwel żewġ taqsimiet tat-Trattat Kostituzzjonali. Dan jista’ joffri liċ-ċittadini Ewropej dokument ċar u konċiż li iktar ikunu jistgħu jidentifikaw miegħu. It-taqsima l-oħra, tat-Trattat Kostituzzjonali, tista’ titqies fil-parti l-kbira tagħha ġa ratifikata bit-trattati eżistenti.

Scenario ieħor jista’ jinkludi t-tisħiħ tal-Protokol ta’ rwol tal-Parlamenti Nazzjonali b’mod partikolari l-estenzjoni ta’ rwol konsultattiv tagħhom fir-rigward tal-progett Ewropew.

Naturalment, hemm għażliet oħra li jistgħu jkunu kunsidrati. Dan hu l-iskop ta’ dan iż-żmien ta’ riflessjoni. Ejjew ma naħluhx.

Sur President, tmexxija Politika fl-Ewropa Sikwit nitkellmu dwar nuqqas ta’ tmexxija politika fl-Ewropa. Dan m’huwiex ġej minn nuqqas ta’ inizjattivi, żgur li mhux fl-Ewropa. Jekk xejn, dan jista’ jkun ġej minn nuqqas ta’ koerenza bejn l-inizjattivi. Għaliex kif nistgħu nistennew li jkun hemm tmexxija politika jekk uħud mill-inizjattivi tonqoshom il-koerenza?

X’koerenza għandna meta nisħqu fuq is-solidarjeta’ minn naħa waħda, u nonqsu li nagħtu mezzi finanzjarji xierqa minn naħa l-oħra? X’koerenza għandna jekk minn naħa nneħħu l-fruntieri u nerġgħu nibnu ostakoli minn naħa l-oħra? X’koerenza għandna jekk nagħmlu sejħa għal ħidma kollettiva, iżda mbagħad inħallu pajjiżi li jinsabu f’diffikulta’ jimxu t-triq kollha weħidhom?

Ma naħsibx li nuqqas ta’ tmexxija politika jista’ jkun attribwit lil istituzzjonijiet individwali tal-Komunita’, li l-inizjattivi u l-perseveranza tagħhom jitkellmu waħedhom. Jekk xejn, għandu jkun indirizzat xi nuqqas ta’ fiduċja fihom.

Il-fiduċja m’hix bħat-talenti, ma titwilidx magħna, iżda trid tinkiseb. Għalhekk hemm bżonn li nistaqsu lilna nfusna x’nistgħu nagħmlu biex terġa’ tinkiseb il-fiduċja fl-Unjoni Ewropea u fl-istituzzjonijiet tagħha.

Dan jista’ jsir billi nibnu rabta mill-ġdid mal-poplu. U hawn infaħħar il-ħidma tal-Kummissjoni li daħlet għax-xogħol iebes li tegħleb id-distanza li hemm miċ-ċittadini permezz tal-Pjan D. Bħala istituzzjoni eletta direttament f’livell Ewropew, il-Parlament Ewropew jinsab f’qagħda ideali biex jappoġġja x-xogħol tal-Kummissjoni. Il-bini ta’ rabta maċ-ċittadini m’hix kwistjoni ta’ aktar kliem. Hi kwistjoni ta’ aktar smiegħ. U jekk l-Ewropa tikkomunika aħjar tkun f’qagħda aħjar li tirrifletti l-aspirazzjonijiet ta’ l-Ewropej u li tagħti l-frott dwar dak kollu li jolqothom.

Sur President, minbarra li nikkomunikaw aħjar, biex insaħħu l-fiduċja rridu wkoll inkunu aktar effiċjenti fl-oqsma li l-Unjoni Ewropea hi mpenjata diġa’ fihom. Nistgħu nsaħħu l-fiduċja anki billi nuru li l-Unjoni Ewropea tista’ u trid tidħol f’inizjattivi komuni ġodda f’oqsma fejn qegħdin niffaċċjaw sfidi ġodda li ma jistgħux ikunu ttrattati minn pajjiżi individwali waħedhom. Irridu nassiguraw kontinwament li l-Unjoni Ewropea iżżid aktar u aktar valur lill-Istati Membri u liċ-ċittadini tagħha.

Iżda aktar importanti minn hekk, nistgħu nsaħħu l-fiduċja billi nuru li, aħna u nadottaw forom ta’ politika, meta nieħdu d-deċiżjonijiet, meta naġixxu kemm internament u kemm esternament, l-Unjoni Ewropea tkun kapaċi tagħti leħen lir-raġuni. B’dan nifhem Unjoni li b’mod konsistenti turi sens ta’ bilanċ u ġustizzja fl-iżvilupp tal-politika tagħha, fit-teħid tad-deċiżjonijiet tagħha, u wkoll fl-azzjonijiet tagħha ma’ pajjiżi oħra madwar id-dinja.

F’dan ir-rigward hemm xhieda biżżejjed li ġġegħelni nkun ottimista li l-fiduċja tista’ tassew terġa’ tinkiseb għaliex l-Unjoni qiegħda turi li hi lesta li tkun fuq in-naħa tar-raġuni. Ħalli nagħti xi eżempji:

Minħabba li jien ġej minn Malta jien ukoll osservatur tal-mod kif l-Unjoni Ewropea tfittex il-bilanċ bejn l-interessi tal-pajjiżi kbar u tal-pajjiżi żgħar. Minn dejjem kont konvint li l-Unjoni Ewropea m’huwiex id-daqs tal-pajjiż li inti tkun ġej minnu li jgħodd, iżda s-saħħa ta’ l-ideat tiegħek u ċ-ċarezza tal-viżjoni li jkollok. Id-daqs jgħodd ukoll, naturalment. Iżda l-Unjoni Ewropea hi unika fil-mod kif tiżviluppa mudell ta’ tmexxija li jibbilanċja l-interessi tal-kbar u taż-żgħar u sikwit tgħaqqad dawn l-interessi f’interessi komuni.

Dan hu valur li għandu jkun innutat. Huwa mertu li jagħmel lill-Ewropa dak li hi, għanja fid-diversita’ u mimlija rispett lejn id-differenzi evidenti tal-membri tagħha. Dan jista’ wkoll jispjega għala pajjiżi żgħar huma marbutin ħafna mal-proġett Ewropew u sewwasew mal-Metodu Komunitarju.

L-Unjoni Ewropea tkabbar l-influwenza tal-pajjiżi żgħar: issaħħaħ l-identita’ tagħhom, u xejn inqas l-identita’ lingwistika tagħhom, u tassew tifrex quddiemhom l-orizzonti wiesgħa tal-bqija ta’ l-Ewropa u tad-dinja.

Il-Parlament Ewropew ukoll għandu jkompli jibni dan il-bilanċ u jagħti widen lill-interessi partikulari tal-pajjiżi żgħar. L-Unjoni Ewropea ma tistax u ma għandhiex tkun direttorat ta' pajjiżi kbar.

Id-Direttiva tas-Servizzi hi eżempju ieħor ta’ fejn l-istituzzjonijiet Ewropej qegħdin jispikkaw bħala leħen tar-raġuni. Infaħħar ix-xogħol ta’ dan il-Parlament fit-tfassil ta’ kompromess fuq inizjattiva tant importanti. L-approvazzjoni wiesgħa tal-Kunsill Ewropew hi wkoll xhieda valida tax-xogħol tagħkom. Issa li nstab kompromess li jista’ jaħdem, wasal iż-żmien li l-proċess leġislattiv jitwassal malajr għall-konklużjoni tiegħu, biex iċ-ċittadini Ewropej ikunu jistgħu jaħsdu l-benefiċċji reali tas-suq tas-servizzi nterni.

Hekk ukoll, l-inizjattiva b’riżq politika komuni ta’ l-enerġija li tilqa’ l-isfida kbira ta’ provvista xierqa ta’ enerġija, hi żvilupp mixtieq ieħor li għalih il-Kummissjoni għandha tkun imfaħħra u appoġġjata. Huma inizjattivi bħal dawn li juru li l-Ewropa tassew tistħoqq il-fiduċja.

Iżda hemm sfidi oħrajn fejn l-Ewropa mxiet wisq inqas bil-mod u fejn l-azzjoni f’livell Ewropew hi meħtieġa dejjem iżjed. F’dawn l-oqsma jeħtiġilna naħdmu aktar biex nagħtu leħen lir-raġuni, biex naslu għal bilanċ ġust u għalhekk insaħħu l-fiduċja.

Inħoss li x-xogħol tal-Kummissjoni Ewropea dwar l-iżvilupp ta’ Politika Marittima għandu mportanza partikolari minħabba li jfittex li jqiegħed il-vantaġġ marittimu intrinsiku ta’ l-Ewropa bħala punt ewlieni fuq l-aġenda. Minbarra li jien ġej minn nazzjon marittimu antik, nistqarr mingħajr tlaqliq li l-wirt marittimu ta’ l-Ewropa għadu m’huwiex sfruttat biżżejjed f’livell Ewropew. Jeħtieġ nadottaw attitudni ħolistika. M’għandniex inħallu interessi ta’ żmien qasir f’ċerti oqsma jwarrbu l-pożizzjoni tagħna minn ta’ quddiem fil-kwistjonijiet marittimi fil-globalita’ tagħhom. Għandna nitħabtu biex immexxu d-dinja marittima aktar milli nippruvaw noħolqu l-ispazju privileġġjat tagħna fi ħdanha.

Il-fiduċja għandha tinkiseb mhux biss minn ġewwa l-Unjoni iżda wkoll minn barra. U hawn ukoll għandna nuru li għandna l-ħila nsaħħu l-fiduċja permezz tal-ġustizzja. Il-politika Ewro-Mediterranja tagħna hi eżempju ċar. Il-kumplessita’ ta’ dan ir-reġjun, li aħna naqsmu mal-ġirien tagħna, u r-rabta intrinsika tiegħu mal-proċess tal-paċi fil-Lvant Nofsani, isejħulna wisq aktar minn qatt qabel biex inkunu vuċi tar-raġuni. L-inċidenti reċenti li ġraw wara l-pubblikazzjoni ta’ ċerti ‘cartoons’ b’xorti ħażina kienu jfissru pass lura f’dan ir-rigward. Iżda jagħtuna opportunita’ biex nerġgħu nibnu l-fiduċja anki f’dan il-livell.

Sfida oħra ġejja mill-konsegwenzi ovvji iżda inevitabbli tal-globalizzazzjoni. It-tweġiba għal din l-isfida ma tistax tinstab fil-protezzjoniżmu jew fit-twarrib ta’ dak li kien miksub sa issa. Irid ikun hemm bilanċ ġust bejn il-konsegwenzi inevitabbli tal-kummerċ ħieles fuq naħa, u l-affermazzjoni tal-valuri ewlenin ta’ l-Ewropa, u mhux l-inqas il-mudell soċjali tagħna, min-naħa l-oħra. Tassew li m’hix ħaġa ħafifa li jinstab bilanċ bħal dan. Iżda ma nistgħux ninsew li huwa s-sens ta’ bilanċ u raġuni ta’ l-Ewropa li qiegħed jiddistingwiha aktar mill-atturi l-oħra fl-arena internazzjonali.

Sfida oħra li hi aktar viżibbli fil-livell uman hi l-isfida ta’ immigrazzjoni irregulari. Ftit jiem ilu delegazzjoni mill-istituzzjoni tiegħek żaret il-pajjiż tiegħi bħala parti mix-xogħol kurrenti tal-Parlament li żżur pajjiżi fl-Ewropa u barra minnha biex teżamina kemm hi kbira l-isfida ta’ l-immigrazzjoni irregulari. Din hi problema li bħalissa qiegħda tpoġġi piż qawwi fuq il-kapaċita’ ta’ numru ta’ Stati Membri, u mhux b’inqas fuq il-pajjiż tiegħi, li jlaħħqu ma’ l-influss li donnu ma jieqaf xejn ta’ nies, li ġejjin l-aktar mill-Afrika Sub-Sahara.

Kif id-delegazzjoni tiegħek setgħet tara, anki meta tkellmet ma’ l-immigranti u dawk li qegħdin ifittxu kenn, il-problema hi reali daqskemm hi urġenti. Minn naħa waħda, il-Mediterran qiegħed jiffaċċja katastrofi umana li fiha mijiet ta’ nies qegħdin jinqerdu huma u jfittxu li jaslu l-Ewropa, waqt li eluf oħra qegħdin jgħixu fl-inċertezza u f’kundizzjonijiet diffiċli wara li jkunu għamlu dan. Fl-istess waqt, il-pajjiżi li qegħdin jirċievu influss qawwi qegħdin jaraw li l-kapaċita’ u r-riżorsi tagħhom qegħdin jiġġebbdu lil hinn bil-limitu.

Hi ħaġa ċara li l-problema m’hix ta’ Malta biss, u lanqas ma hi l-problema ta’ xi pajjiż wieħed waħdu. Hi sfida komuni li teħtieġ sforz kollettiv. Iżda, irrid nenfasizza li l-problema ta’ Malta hija iżjed akuta, minħabba li Malta hija l-aktar stat membru popolat. L-Ewropa għandha bżonn urġenti ta’ Politika ta’ Immigrazzjoni li tista’ toffri tweġiba aktar konkreta lil din il-problema fil-kumplessita’ tagħha kollha. Tweġiba li toffri s-solidarjeta’ tipika ta’ l-Ewropa man-nies involuti f’din id-drama, mal-pajjiżi ta’ l-oriġini, iżda bl-istess mod mal-pajjiżi fejn jaslu l-ewwel fl-Ewropa li m’għandhomx il-mezzi li jiffaċċjaw din il-problema waħedhom.

Għalhekk nirringrazzja lill-Parlament Ewropew, u lill-membri tad-delegazzjoni li ġiet Malta, talli poġġew lil dan il-punt fl-aġenda tal-Parlament u talli semmgħu s-sejħa ta’ pajjiż għal azzjoni urġenti.

Sur President,

Jekk irridu nsaħħu l-fiduċja irridu nidhru li qegħdin inwieġbu b’mod effettiv għall-interessi tal-poplu. U biex nagħmlu dan hemm bżonn li nagħrfu l-burdata tal-poplu. Il-mexxejja politiċi m’għandhomx isegwu lill-poplu imma jmexxuh. Iżda daqstant ukoll m’għandhomx jimxu ‘l quddiem b’pass mgħaġġel iżżejjed, inkella jħallu lin-nies warajhom u jinqatgħu mir-realtajiet tad-dinja. Hawn ukoll għandu jinstab bilanċ.

Hemm numru ta’ valuri li jiddistingwu lill-Ewropa minn kontinenti oħra u lill-Unjoni Ewropea minn proġetti oħra ta’ integrazzjoni reġjonali fid-dinja. L-Ewropa hi diġa’ distinta għar-rabta sħiħa tagħha mal-valuri tal-paċi, tat-tolleranza, tad-drittijiet tal-bniedem, u tas-solidarjeta’. L-Unjoni Ewropea qiegħda ssir distinta dejjem aktar bħala vuċi tar-raġuni fost il-ġirien tagħha u fid-dinja.

Il-fatt li l-Ewropa tkun vuċi tar-raġuni jitlob minna li mmorru lil hinn mill-fruntieri ta’ l-egoiżmu nazzjonali tagħna u li naħdmu flimkien għall-ġid komuni tagħna. Irridu nkomplu nippreservaw dan il-valur kemm fl-azzjoni tagħna bejnietna u kemm ma’ pajjiżi oħrajn. Din hi l-Ewropa li ċ-ċittadini qegħdin jistennew minn għandna u din hi l-Ewropa li huma lesti li jafdaw.

Grazzi.

 
  
MPphoto
 
 

  El Presidente. Muchas gracias, señor Presidente, por sus palabras.

Estoy seguro de que su presencia aquí habrá servido a todos los parlamentarios para conocer mejor las dificultades que tiene su país.

Gracias por sus palabras de elogio al trabajo del Parlamento Europeo.

Espero también que el grito de alarma que han lanzado nuestros diputados al visitar su país haya sido escuchado por todos los responsables, y que, tanto su Gobierno, como las instituciones de la Unión, se apliquen eficientemente para conseguir que la política de acogida en Europa alcance mejores cotas de respeto a los ciudadanos de otros países que tratan de llegar a los nuestros.

(Aplausos)

 
  
  

PRESIDENCIA DEL SR. VIDAL-QUADRAS ROCA
Vicepresidente

 
Právne upozornenie - Politika ochrany súkromia