Il-President. – Qabel ma nkomplu bid-dibattiti, se niftaħ is-sessjoni ta’ votazzjoni tal-lum.
Se nivvotaw dwar il-fajls kif indikati fl-aġenda.
Is-sessjoni ser tkun miftuħa mis-18.30 sat-19.45. Il-votazzjonijiet ser isiru bl-istess metodu użat fis-sessjonijiet parzjali li għaddew.
Għall-votazzjonijiet dwar l-immunitajiet, il-votazzjoni ser issir permezz ta’ vot sigriet. Il-Membri ser ikunu jistgħu jitfgħu il-vot tagħhom bil-mod tas-soltu iżda l-polza tal-vot li jirċievu għall-firma mhijiex se turi l-mod kif ivvutaw, iżda biss il-fatt li jkunu vvutaw.
Il-votazzjonijiet l-oħra kollha ser isiru bis-sejħa tal-ismijiet.
L-ispjegazzjonijiet tal-vot jistgħu jiġu ppreżentati bil-miktub. B’mod eċċezzjonali ser jiġu aċċettati spjegazzjonijiet tal-vot li jkun fihom massimu ta’ 400 kelma.
Niddikjara b’hekk miftuħa s-sessjoni ta’ votazzjoni.
Għandkom sat-19.45 biex tivvotaw u r-riżultati tal-votazzjonijiet ser jitħabbru għada fid-09.00