Aċċess għall-finanzi għall-SMEs fil-kuntest tar-rieżami tad-Direttiva dwar ir-Rappurtar Mhux Finanzjarju
30.3.2021
Mistoqsija għal tweġiba bil-miktub E-001756/2021
lill-Kummissjoni
Artikolu 138 tar-Regoli ta’ Proċedura
Josianne Cutajar (S&D)
L-irkupru ta' wara l-COVID-19 jippreżenta opportunità kruċjali biex jerġa' jitqies il-mudell kummerċjali tal-intrapriżi Ewropej biex tissaħħaħ ir-reżiljenza ekonomika tagħhom u jitħejjew għat-tranżizzjonijiet ambjentali u diġitali.
Minbarra dawn l-isfidi l-ġodda, l-intrapriżi Ewropej, b'mod partikolari l-intrapriżi mikro u żgħar, għadhom qed jiffaċċjaw kwistjonijiet kruċjali bħall-aċċess għall-finanzi. Il-likwidità, il-ġestjoni tal-flussi tal-flus u l-investiment fuq perjodu ta' żmien medju u twil għadhom ta' sfida u aspetti fundamentali li jeħtieġ jiġu mmonitorjati kuljum.
Il-Kummissjoni tinsab fil-proċess li tirrevedi d-Direttiva dwar ir-Rappurtar Mhux Finanzjarju: strument importanti li jqabbel l-intrapriżi mal-istrutturi ta' finanzjament, kemm jekk ikunu banek tradizzjonali, swieq kapitali jew pjazzamenti privati.
Bħal fil-partijiet kollha tal-leġiżlazzjoni tal-UE, il-proporzjonalità għandha l-għan li tikseb bilanċ bejn l-iżvelar u livell ġust ta' piżijiet amministrattivi u spejjeż ta' konformità, speċjalment għall-SMEs.
F'dan l-isfond, tista' l-Kummissjoni:
- 1.tagħti aktar tagħrif dwar il-parametri li jiżguraw il-proporzjonalità, b'attenzjoni speċifika għall-SMEs?
- 2.toffri assigurazzjonijiet li r-rekwiżiti regolatorji jkunu raġonevoli u proporzjonati għall-SMEs li jkunu qed ifittxu li jżidu l-finanzjament fil-forom ta' ekwità jew strumenti ta' dejn?