Sikurezza fit-toroq 2011-2020 - L-ewwel stadji lejn strateġija dwar korriment

21.5.2013

Mistoqsija għal tweġiba orali O-000061/2013
lill-Kummissjoni
Artikolu 115 tar-Regoli ta’ Proċedura
Brian Simpson
f'isem il-Kumitat għat-Trasport u t-Turiżmu

Fir-riżoluzzjoni tiegħu tas-27 ta' Settembru 2011 dwar is-sikurezza Ewropea fit-toroq 2011-2020[1] il-Parlament stieden lill-Kummissjoni tiżviluppa, sal-aħħar tal-2011, l-orjentazzjonijiet tal-politika tagħha dwar is-sikurezza fit-toroq fi programm ta' azzjoni sħiħa li jinkorpora sett dettaljat ta' miżuri, bi skedi ċari għall-implimentazzjoni tagħhom. B'mod partikolari, il-Parlament sejjaħ għal aktar miri ċari u li jistgħu jitkejlu għal tnaqqis ta' 40% fin-numru ta' nies li jsofru korrimenti kritiċi, ifformulati fuq il-bażi ta' definizzjoni uniformi.

Fid-dokument ta' ħidma reċenti tagħha dwar il-persunal bit-titolu "L-Ewwel pass lejn strateġija dwar korrimenti" (SWD(2013)94), il-Kummissjoni tippreżenta ħarsa ġenerali tal-progress li sar s'issa. Dan jikkonsisti prinċipalment minn ftehim dwar definizzjoni komuni ta' "korriment serju" u proċess għall-ġbir tad-data, li t-tnejn intlaqgħu tajjeb mill-Kumitat għat-Trasport u t-Turiżmu. Sfortunatament, madankollu, id-dokument ma jipproponix xi miżuri jew miri konkreti biex jitnaqqas l-għadd ta' persuni li jkorru fit-toroq tal-UE.

Fid-dawl tal-fatt li kull sena 1 500 000 persuna huma rrappurtati li korrew fit-toroq tal-UE, 300 000 minnhom serjament, il-Parlament jinsab imħasseb li, s'issa, l-ebda azzjoni konkreta ma jidher li ttieħdet.

Id-definizzjoni komuni ġdida tal-UE kif se twassal għal inizjattivi li jindirizzaw korriment serju? Il-Kummissjoni se tiddentifika l-aktar miżuri li jipprevjenu l-korriment?

Il-Kummissjoni meta se tfassal mira biex korrimenti serji jitnaqqsu sal-2020? Il-progress kif se jiġi mmonitorjat (f'termini ta' skeda, tragwardi, reviżjoni intermedja)?

Il-Kummissjoni meta se tadotta miżuri għall-protezzjoni tal-utenti vulnerabbli? Il-Kummissjoni se tfassal manwal dwar l-aħjar prassi tal-kura medika fuq il-post tal-persuni li jkunu korrew f'inċidenti tat-traffiku?

Imressqa: 21.5.2013

Mgħoddija: 23.5.2013

L-iskadenza għat-tweġiba: 30.5.2013

• [1]               ĠU C 56 E, 26.2.2013, p.54.