Konvenzjoni dwar il-prevenzjoni u l-ġlieda kontra l-vjolenza fuq in-nisa (il-Konvenzjoni ta' Istanbul): is-sitwazzjoni u l-azzjonijiet li jridu jittieħdu
10.7.2013
Mistoqsija għal tweġiba orali O-000083/2013
lill-Kunsill
Artikolu 115 tar-Regoli ta’ Proċedura
Roberta Angelilli, Mikael Gustafsson, Antonyia Parvanova, Sonia Alfano, Martina Anderson, Francesca Barracciu, Paolo Bartolozzi, Elena Băsescu, Regina Bastos, Sandrine Bélier, Jean-Luc Bennahmias, Phil Bennion, Sergio Berlato, Mara Bizzotto, Franco Bonanini, Emine Bozkurt, Jerzy Buzek, Antonio Cancian, Maria Da Graça Carvalho, Michael Cashman, Nikos Chrysogelos, Minodora Cliveti, Sergio Gaetano Cofferati, Lara Comi, Anna Maria Corazza Bildt, Ricardo Cortés Lastra, Silvia Costa, Emer Costello, Andrea Cozzolino, Corina Creţu, Vasilica Viorica Dăncilă, Rachida Dati, Francesco De Angelis, Susy De Martini, Marielle de Sarnez, Anne Delvaux, Agustín Díaz de Mera García Consuegra, Leonidas Donskis, Isabelle Durant, Sari Essayah, Rosa Estaràs Ferragut, Tanja Fajon, Mariya Gabriel, Pat the Cope Gallagher, Iratxe García Pérez, Dolores García-Hierro Caraballo, Lidia Joanna Geringer de Oedenberg, Nathalie Griesbeck, Marian Harkin, Satu Hassi, Nadja Hirsch, Salvatore Iacolino, Sophia in 't Veld, Vincenzo Iovine, Liisa Jaakonsaari, Lívia Járóka, Sidonia Elżbieta Jędrzejewska, Teresa Jiménez-Becerril Barrio, Filip Kaczmarek, Seán Kelly, Nicole Kiil-Nielsen, Mojca Kleva Kekuš, Jürgen Klute, Lena Kolarska-Bobińska, Jan Kozłowski, Rodi Kratsa-Tsagaropoulou, Eduard Kukan, Giovanni La Via, Jean Lambert, Jörg Leichtfried, Barbara Lochbihler, Sabine Lösing, Petru Constantin Luhan, Astrid Lulling, Ulrike Lunacek, Marusya Lyubcheva, Jiří Maštálka, Clemente Mastella, Barbara Matera, Véronique Mathieu Houillon, Iosif Matula, Erminia Mazzoni, Edward McMillan-Scott, Roberta Metsola, Willy Meyer, Louis Michel, Claude Moraes, Claudio Morganti, Elisabeth Morin-Chartier, Tiziano Motti, Cristiana Muscardini, Norica Nicolai, Ria Oomen-Ruijten, Rolandas Paksas, Alfredo Pallone, Pier Antonio Panzeri, Antigoni Papadopoulou, Aldo Patriciello, Sirpa Pietikäinen, Jacek Protasiewicz, Evelyn Regner, Raül Romeva i Rueda, Licia Ronzulli, Oreste Rossi, Potito Salatto, Nikolaos Salavrakos, Marie-Thérèse Sanchez-Schmid, Amalia Sartori, Helmut Scholz, Giancarlo Scottà, Olga Sehnalová, Joanna Senyszyn, Sergio Paolo Francesco Silvestris, Nicole Sinclaire, Renate Sommer, Dimitar Stoyanov, Claudiu Ciprian Tănăsescu, Marc Tarabella, Salvatore Tatarella, Rebecca Taylor, Britta Thomsen, Silvia-Adriana Ţicău, Patrizia Toia, Giommaria Uggias, Oldřich Vlasák, Manfred Weber, Angelika Werthmann, Cecilia Wikström, Iva Zanicchi, Andrea Zanoni, Tadeusz Zwiefka, Doris Pack, Marco Scurria, Othmar Karas, Gianni Pittella
Il-Konvenzjoni tal-Kunsill tal-Ewropa dwar il-prevenzjoni u l-ġlieda kontra l-vjolenza fuq in-nisa u l-vjolenza domestika (il-Konvenzjoni ta' Istanbul) infetħet għall-firem f'Istanbul fil-11 ta' Mejju 2011. Hija l-ewwel strument legali Ewropew li ħoloq qafas leġiżlattiv komprensiv biex in-nisa jkunu protetti mill-forom kollha ta' vjolenza. Huwa importanti li jiġi osservat li l-Konvenzjoni ma tapplikax biss għan-nisa. Il-partijiet għall-Konvenzjoni huma wkoll imħeġġa biex japplikaw il-qafas protettiv tagħha għat-tfal, l-irġiel u l-anzjani li huma esposti għal vjolenza domestika.
Il-Konvenzjoni tidħol fis-seħħ meta tiġi rratifikata minn 10 pajjiżi, fejn 8 minnhom iridu jkunu stati membri tal-Kunsill tal-Ewropa. Fil-preżent, ġiet iffirmata minn 26 stat u rratifikata minn 5 (li minnhom, 2 biss huma Stati Membri tal-UE).
Minħabba l-fatt li l-ġlieda kontra l-forom kollha ta' vjolenza kontra n-nisa u l-bniet hija waħda mill-prijoritajiet tal-UE, il-Kunsill jista' jiddikjara:
– x'passi jew miżuri jistgħu jittieħdu sabiex isiru aktar malajr l-iffirmar u r-ratifika mill-Istati Membri tal-UE, kif ukoll mill-Unjoni Ewropea nnifisha;
– x'miżuri jistgħu jiġu implimentati biex jiġi introdott il-qafas tas-"sitt-Pijiet bl-Ingliż" dwar il-vjolenza kontra n-nisa (politika, prevenzjoni, protezzjoni, prosekuzzjoni, proviżjoni u sħubija), li l-Parlament Ewropew talab għalihom f'numru ta' okkażjonijiet;
– x'miżuri jistgħu jittieħdu b'għan li jiġu żviluppati inizjattivi effettivi u konsistenti li jappoġġjaw l-Istati Membri biex itemmu l-vjolenza kontra n-nisa, u li jistabbilixxu netwerks u komunikazzjoni bejn l-awtoritajiet nazzjonali ħalli jiġi żgurat li jsir progress f'dan il-qasam.
Imressqa: 10.7.2013
Mgħoddija: 11.7.2013
L-iskadenza għat-tweġiba: 1.8.2013