Il-Pakkett UEM ppubblikat mill-Kummissjoni Ewropea fis-6 ta' Diċembru 2017

16.5.2018

Mistoqsija għal tweġiba orali O-000047/2018
lill-Kummissjoni
Artikolu 128 tar-Regoli ta’ Proċedura
Roberto Gualtieri, f'isem il-Kumitat għall-Affarijiet Ekonomiċi u Monetarji

Rigward il-ġabra ta' proposti li jikkonċernaw l-approfondiment tal-Unjoni Ekonomika u Monetarja ("il-Pakkett UEM"), ppubblikati fis-6 ta' Diċembru 2017, il-Kummissjoni ntalbet twieġeb għall-mistoqsijiet li ġejjin:

Il-Kummissjoni tista' taqsam il-fehim tagħha dwar id-diskussjonijiet attwali mal-Kunsill dwar il-proposta tiegħu għal Fond Monetarju Ewropew, u biex tiċċara liema passi qegħdin jittieħdu biex tiġi garantita l-integrazzjoni tal-MES/FMI fil-qafas ġuridiku tal-UE?

Il-Kummissjoni tista' telabora aktar dwar il-bażi legali li għażlet għall-proposti leġiżlattivi inklużi fl-hekk imsejjaħ "Pakkett UEM", partikolarment rigward it-trasponiment mid-direttiva fid-dritt tal-Unjoni, tad-dispożizzjonijiet kollha stipulati fil-Patt Fiskali?

Tista' l-Kummissjoni tiċċara dwar kif biħsiebha tiżgura l-parteċipazzjoni xierqa tal-Parlament Ewropew fil-proposti kollha ntiżi biex itejbu r-responsabbiltà demokratika fil-livell Ewropew?

Il-Kummissjoni tista' tiċċara kif il-pakkett ta' Diċembru jidħol fil-proposti reċenti u li jmiss tal-Kummissjoni għall-Qafas Finanzjarju Pluriennali li jmiss?