Proċedura : 2020/2640(RSP)
Ċiklu ta' ħajja waqt sessjoni
Ċiklu relatat mad-dokument : O-000037/2020

Testi mressqa :

O-000037/2020 (B9-0010/2020)

Dibattiti :

PV 18/06/2020 - 11
CRE 18/06/2020 - 11

Votazzjonijiet :

Testi adottati :


Mistoqsijiet parlamentari
PDF 53kWORD 10k
18 ta' Mejju 2020
O-000037/2020
Mistoqsija għal tweġiba orali O-000037/2020
lill-Kunsill
Artikolu 136 tar-Regoli ta' Proċedura
Juan Fernando López Aguilar
f'isem il-Kumitat għal-Libertajiet Ċivili, il-Ġustizzja u l-Intern
 Tweġiba fil-plenarja 
 Suġġett: Is-sitwazzjoni fiż-Żona Schengen wara t-tifqigħa tal-COVID-19

Bħala risposta għall-pandemija tal-COVID-19, għadd bla preċedent ta' Stati Membri reġgħu daħħlu kontrolli fuq il-fruntieri interni fi ħdan iż-Żona Schengen, għalqu dawn il-fruntieri b'mod parzjali jew totali, jew inkella għalquhom għal ċerti tipi ta' vjaġġaturi, inkluż għal ċittadini tal-UE jew għal ċittadini ta' pajjiżi terzi li huma residenti fit-territorju tal-Istati Membri. Din is-sitwazzjoni tagħti lok għal għadd ta' mistoqsijiet, fost l-oħrajn dawn li ġejjin:

1. X'inhi l-valutazzjoni tal-Kunsill dwar il-kontrolli fuq il-fruntieri interni u d-diversi miżuri oħra li ġew implimentati fuq il-fruntieri interni taż-Żona Schengen?

2. Il-Kunsill huwa ssodisfat li l-proċeduri u l-kundizzjonijiet għar-reintroduzzjoni tal-kontrolli fuq il-fruntieri interni u d-dispożizzjonijiet l-oħra rilevanti tal- acquis tal-Unjoni ġew rispettati?

3. Fil-kuntest tal-kontrolli fuq il-fruntieri interni li xi Stati Membri żammew mill-2015 'il hawn u l-kontrollli li ddaħħlu b'risposta għall-COVID-19, il-Kunsill kif jippreved li nerġgħu lura għal Żona Schengen bla kontrolli fuq il-fruntieri interni?

4. X'riformi eventwali tar-regoli ta' Schengen qed jipprevedi l-Kunsill biex jiżgura li l-kontrolli fuq il-fruntieri interni fil-ġejjieni jibqgħu tassew eċċezzjoni u jkollhom effett biss għal żmien limitat ħafna?

5. Liema bidliet fil-liġi jew passi prattiċi jista' jikkunsidra l-Kunsill biex itejjeb il-koordinament bejn l-Istati Membri u jiżgura risposta Ewropea koordinata għal sfidi komuni?

Imressqa: 18/05/2020

Skadenza: 19/08/2020

Lingwa oriġinali tal-mistoqsija: EN
Aġġornata l-aħħar: 19 ta' Mejju 2020Avviż legali - Politika tal-privatezza