Proċedura : 2020/2764(RSP)
Ċiklu ta' ħajja waqt sessjoni
Ċiklu relatat mad-dokument : O-000059/2020

Testi mressqa :

O-000059/2020 (B9-0019/2020)

Dibattiti :

PV 05/10/2020 - 24
CRE 05/10/2020 - 24

Votazzjonijiet :

Testi adottati :


Mistoqsijiet parlamentari
PDF 52kWORD 10k
24 ta' Settembru 2020
O-000059/2020
Mistoqsija għal tweġiba orali O-000059/2020
lill-Kummissjoni
Artikolu 136 tar-Regoli ta' Proċedura
Lucia Ďuriš Nicholsonová, Cindy Franssen, Brando Benifei, Monica Semedo, Elena Lizzi, Kira Marie Peter-Hansen, Elżbieta Rafalska, Leila Chaibi
f'isem il-Kumitat għall-Impjiegi u l-Affarijiet Soċjali
 Tweġiba fil-plenarja 
 Suġġett: It-tisħiħ tal-Garanzija għaż-Żgħażagħ

Fl-1 ta' Lulju 2020, il-Kummissjoni ressqet proposta għal rakkomandazzjoni tal-Kunsill dwar Pont għall-Impjiegi – Tissaħħaħ il-Garanzija għaż-Żgħażagħ, li tissostitwixxi r-Rakkomandazzjoni tal-Kunsill tat-22 ta' April 2013 dwar it-twaqqif ta' Garanzija għaż-Żgħażagħ(1). Minħabba l-pandemija tal-COVID-19, ir-rati ta' qgħad u inattività fl-UE qed jiżdiedu u miljuni ta' nies qed jirriskjaw li jitilfu l-impjieg tagħhom. F'Ġunju 2020, il-qgħad fost iż-żgħażagħ fl-UE kien ta' 16.8 %, ċifra li hi mistennija tiżdied drastikament. L-agħar li se jintlaqtu mill-konsegwenzi negattivi tal-kriżi x'aktarx se jkunu ż-żgħażagħ.

Minkejja dan, l-allokazzjoni ta' 15 % għal azzjonijiet immirati għaż-żgħażagħ li ma jaħdmux, prevista mill-proposta emendata tal-Kummissjoni dwar il-Fond Soċjali Ewropew Plus (FSE+) tat-28 ta' Mejju 2020, fil-konklużjonijiet tal-Kunsill Ewropew tnaqqset għal 10 %. Dan it-tnaqqis imur totalment kontra l-ambizzjonijiet tal-Unjoni li tinvesti fiż-żgħażagħ u għalhekk jonqos milli jindirizza l-isfidi soċjali u tal-impjiegi fl-era ta' wara l-COVID-19.

1. X'taħseb il-Kummissjoni dwar it-tnaqqis fl-allokazzjoni għal azzjonijiet immirati għaż-żgħażagħ li ma jaħdmux, adottat mill-Kunsill Ewropew fil-konklużjonijiet tiegħu tal-21 ta' Lulju 2020?

2. Kif beħsiebha l-Kummissjoni ttejjeb il-monitoraġġ tal-implimentazzjoni tal-Garanzija għaż-Żgħażagħ u tħeġġeġ lill-Istati Membri jtejbu l-effiċjenza tal-istrument?

3. Taqbel mal-appell tal-Parlament favur it-tisħiħ tal-kwalità tal-offerti ta' impjieg fl-ambitu tal-Garanzija għaż-Żgħażagħ, pereżempju permezz ta' rieżami tar-Rakkomandazzjoni dwar Qafas ta' Kwalità għat-Traineeships u appoġġ għall-introduzzjoni ta' prinċipju ta' remunerazzjoni vinkolanti? Kif qed tippjana li tħeġġeġ lill-Istati Membri jimplimentaw dan kollu u tgħinhom jiddefinixxu kriterji vinkolanti għal offerti ta' kwalità?

4. X'miżuri konkreti beħsiebha tieħu l-Kummissjoni biex jonqos il-qgħad billi tippromwovi l-parteċipazzjoni fi programmi ta' taħriġ vokazzjonali fl-ambitu tal-Garanzija għaż-Żgħażagħ?

Imressqa: 24/09/2020

Skadenza: 25/12/2020

(1)COM(2020)0277.
Lingwa oriġinali tal-mistoqsija: EN
Aġġornata l-aħħar: 28 ta' Settembru 2020Avviż legali - Politika tal-privatezza