Rieżami tal-UE dwar il-Politika Kummerċjali

11.11.2020

Mistoqsija għal tweġiba orali  O-000070/2020
lill-Kummissjoni
Artikolu 136 tar-Regoli ta' Proċedura
Bernd Lange
f'isem il-Kumitat għall-Kummerċ Internazzjonali

Il-Kummissjoni qed tikkunsidra mill ġdid il-politika kummerċjali u ta' investiment tal-UE fl-ambitu ta' wara l-COVID-19 biex tippromwovi irkupru soċjoekonomiku rapidu u sostenibbli.

• 1.Jekk jogħġbok iddeskrivi l-għan tal-proċess ta' rieżami u indika l-bidliet fil-politika u fl-istrumenti li l-Kummissjoni diġà tikkunsidra bħala meħtieġa u, jekk possibbli, is-sejbiet provviżorji tal-konsultazzjonijiet mal-partijiet ikkonċernati. Il-Kummissjoni kif biħsiebha tikseb l-għan iddikjarat ta' ktajjen tal-valur sostenibbli, robusti u reżiljenti?
• 2.Il-Kummissjoni se tipprovdi indikazzjonijiet ċari tal-azzjonijiet konkreti ppjanati għall-implimentazzjoni tal-politika kummerċjali u ta' investiment il-ġdida tal-UE, u l-iskeda ta' żmien għall-implimentazzjoni prevista tagħhom? Dan jista' jservi ta' għodda importanti li tippermetti skrutinju demokratiku.
• 3.Il-Kummissjoni kif se tinkludi l-prijoritajiet u l-ideat politiċi tal-Parlament dwar il-politika kummerċjali u ta' investiment tal-UE fil-proċess ta' riflessjoni?
• 4.Il-Kummissjoni kif se tikkoordina l-azzjonijiet tagħha dwar il-kummerċ u l-investiment internazzjonali mal-Istati Membri u mas-sħab kummerċjali ewlenin sabiex l-UE tkun mgħammra aħjar għall-isfidi tal-ġejjieni?
• 5.Il-Kummissjoni kif se tevalwa u mbagħad tikkomunika l-benefiċċji tal-politika kummerċjali u ta' investiment il-ġdida tal-UE lin-negozji, lill-ħaddiema u lill-konsumaturi?

Imressqa: 11/11/2020

Skadenza: 12/02/2021