An fhrithfhreagairt i gcoinne chearta leanaí mar thoradh ar bhearta imshrianta COVID-19
1.3.2021
Ceist i gcomhair freagra ó bhéal O-000012/2021
ar an gCoimisiún
Riail 136
Sandra Pereira (The Left), João Ferreira (The Left), Peter Pollák (PPE), Giorgos Georgiou (The Left), Niyazi Kizilyürek (The Left), Marc Botenga (The Left), Tudor Ciuhodaru (S&D), Tanja Fajon (S&D), Sira Rego (The Left), Manu Pineda (The Left), Pernando Barrena Arza (The Left), Rosa D'Amato (Verts/ALE), Ivan Vilibor Sinčić (NI), Alex Agius Saliba (S&D), Bettina Vollath (S&D), Klemen Grošelj (Renew), Isabel Carvalhais (S&D), Maria-Manuel Leitão-Marques (S&D), Jordi Solé (Verts/ALE), Diana Riba i Giner (Verts/ALE), Demetris Papadakis (S&D), Petra Kammerevert (S&D), Eugenia Rodríguez Palop (The Left), Idoia Villanueva Ruiz (The Left), Chris MacManus (The Left), Miriam Lexmann (PPE), Kateřina Konečná (The Left), Leila Chaibi (The Left), Chiara Gemma (NI), Konstantinos Arvanitis (The Left), José Gusmão (The Left), Marisa Matias (The Left), Nikolaj Villumsen (The Left), Özlem Demirel (The Left), Josianne Cutajar (S&D), Elena Kountoura (The Left), Miguel Urbán Crespo (The Left), Fabio Massimo Castaldo (NI), Mick Wallace (The Left), Clare Daly (The Left)
In ainneoin go bhfuil tionchar níos lú ag an víreas féin ar leanaí, tá ualach díréireach ag paindéim COVID-19 orthu, go háirithe maidir leis na bearta dianghlasála. Tá naíolanna, naíscoileanna agus scoileanna dúnta ar feadh míonna, rud a dhéanann difear ní hamháin d’oideachas leanaí, ach dá gcothú, dá bhfás, dá bhforbairt shóisialta agus dá gcosaint freisin. Tá méadú tagtha ar an neamhionannas san oideachas mar thoradh ar an gcianscolaíocht, go háirithe an t-eisiamh digiteach, lena n-áirítear ganntanas ríomhairí agus easpa rochtana ar an idirlíon. Mar thoradh ar bhearta imshrianta, tá méadú tagtha ar an bhforéigean laistigh de theaghlaigh, agus baineadh an bonn den cheart atá ag leanaí chun súgartha freisin. Is minic nach bhfreastalaíonn freagairtí cosanta sóisialta ar riachtanais leanaí agus a dteaghlach.
Ina theannta sin, tá COVID-19 agus na bearta imshrianta a tháinig ina dhiaidh ina mbagairt ar leith ar chearta leanaí faoi mhíchumas, leanaí atá ina gcónaí in institiúidí agus leanaí Romacha agus imirceacha.
Sainaithníonn UNICEF gnéithe riosca coiteanna maidir le foréigean, mí-úsáid agus faillí a bhaineann le COVID-19, eadhon:
– méadú ar an mbochtaineacht agus ar neamhdheimhneacht an tsoláthair bia mar gheall ar chaillteanas post agus ioncaim;
– cur isteach ar líonraí tacaíochta piaraí agus sóisialta do leanaí agus cúramóirí;
– cur isteach ar sheirbhísí tacaíochta pobail agus sóisialta do leanaí agus cúramóirí;
– cur isteach ar ghnáthaimh leanaí agus cúramóirí;
– méadú ar úsáid alcóil agus/nó drugaí ag cúramóirí;
– socruithe ad hoc do chúram leanaí.
Tá géarchéim cearta leanaí níos leithne ag teacht go tapa as an bpaindéim. Tá cearta, forbairt agus todhchaí ár leanaí faoi bhagairt. Ní féidir a mheas gur costas amháin atá i gceist lena chinntiú go bhfuil tuismitheoirí agus cúramóirí in ann tacú le leanaí i rith na tréimhse seo agus nach bhfuil siad ag fulaingt mar gheall ar laghdú ar a n-ioncaim. A mhalairt ar fad, ba cheart breathnú air mar infheistíocht i gcáilíocht saoil leanaí ar mhaithe le todhchaí níos fearr.
- 1.Cad iad na cineálacha beart atá á ndéanamh ag an gCoimisiún chun aghaidh a thabhairt ar an bhfrithfhreagairt seo atá ag dul i méid?
- 2.Chun dul i ngleic leis sin, an bhfuil a dhícheall á dhéanamh ag an gCoimisiún chun freagairt taighde mhear a dhéanamh chun an fhianaise is gá a chur ar fáil chun dlús a chur le mearmheasúnuithe agus chun straitéisí a fhorbairt agus idirghabhálacha a ullmhú go práinneach i gcomhar leis na Ballstáit?
Curtha síos: 01/03/2021
Spriocdháta i gcomhair freagra: 02/06/2021