Proċedura : 2021/2568(RSP)
Ċiklu ta' ħajja waqt sessjoni
Ċiklu relatat mad-dokument : O-000037/2021

Testi mressqa :

O-000037/2021 (B9-0024/2021)

Dibattiti :

PV 09/06/2021 - 13
CRE 09/06/2021 - 13

Votazzjonijiet :

Testi adottati :


Mistoqsijiet parlamentari
PDF 45kWORD 10k
31 ta' Mejju 2021
O-000037/2021
Mistoqsija għal tweġiba orali  O-000037/2021
lill-Kummissjoni
Artikolu 136 tar-Regoli ta' Proċedura
Cristian-Silviu Buşoi
f'isem il-Kumitat għall-Industrija, ir-Riċerka u l-Enerġija
 Tweġiba fil-plenarja 
 Suġġett: L-Istrateġija tal-UE dwar iċ-Ċibersigurtà għad-Deċennju Diġitali

Id-diġitalizzazzjoni – prijorità ewlenija tal-UE – tiddependi fuq iċ-ċibersigurtà. Il-kriżi tal-COVID-19 mhi qed tagħmel xejn ħlief taggravaha. Aħna nilqgħu l-inizjattivi mħabbra fl-Istrateġija tal-UE dwar iċ-Ċibersigurtà għad-Deċennju Diġitali, iżda ninnotaw ukoll l-evoluzzjoni fin-natura u s-sofistikazzjoni tat-theddid ċibernetiku, ir-riskju ta' regolamentazzjoni frammentata u l-opportunità li nsaħħu l-industrija tagħna. F'dan il-kuntest, aħna napprezzaw jekk il-Kummissjoni twieġeb b'mod konkret għall-mistoqsijiet li ġejjin:

1. Kif u meta biħsiebha tfassal qafas regolatorju biex tiżgura li l-prodotti konnessi u s-servizzi assoċjati, inklużi l-ktajjen tal-provvista, ikunu siguri fid-disinn, reżiljenti għal inċidenti ċibernetiċi u jkunu jistgħu jiġu armati u patched malajr meta jiġu skoperti vulnerabbiltajiet? Il-Kummissjoni qed tippjana li tindirizza l-ħtieġa li jiġu introdotti rekwiżiti taċ-ċibersigurtà għall-applikazzjonijiet, is-software, is-software inkorporat u s-sistemi operattivi?

2. X'passi konkreti se tieħu l-Kummissjoni biex issaħħaħ l-awtonomija strateġika tal-UE fiċ-ċibersigurtà, jiġifieri billi tnaqqas id-dipendenza teknoloġika u d-diskrepanza fil-ħiliet tagħha? Il-Kummissjoni kif qed tippjana li tiżgura li l-fondi tal-UE jintefqu b'mod sinerġetiku biex jintlaħqu dawn l-għanijiet?

3. X'azzjonijiet se tieħu l-Kummissjoni sabiex ittejjeb iċ-ċibersigurtà tal-qalba tal-internet filwaqt li żżommu liberu, miftuħ u newtrali?

Imressqa: 31.5.2021

Skadenza: 1.9.2021

Lingwa oriġinali tal-mistoqsija: EN
Aġġornata l-aħħar: 1 ta' Ġunju 2021Avviż legali - Politika tal-privatezza