Rannchuidiú AE le córais dhomhanda bhia a athrú ó bhonn chun na Spriocanna Forbartha Inbhuanaithe a bhaint amach
14.6.2021
Ceist i gcomhair freagra ó bhéal O-000043/2021
ar an gCoimisiún
Riail 136
Tomas Tobé
thar ceann an Choiste um Fhorbairt
Norbert Lins
thar ceann an Choiste um Thalmhaíocht agus um Fhorbairt Tuaithe
Beidh Cruinniú Mullaigh Chóras Bia na Náisiún Aontaithe ar siúl i mí an Mheán Fómhair 2021 mar chuid de Dheich mBliana Gníomhaíochta na Náisiún Aontaithe chun Clár Oibre 2030 don Fhorbairt Inbhuanaithe, lena gcuimsítear na Spriocanna Forbartha Inbhuanaithe (SDGanna), a bhaint amach. Déanann córais bhia – i.e. táirgeadh, dáileadh agus tomhaltas bia – difear do na 17 SDG go léir agus is ríthábhachtach iad chun na spriocanna sin a bhaint amach. Tá sé i gceist leis an gcruinniú mullaigh gur deis é gníomhaíochtaí nua a sheoladh chun córais dhomhanda bhia a dhéanamh níos sláintiúla, níos inbhuanaithe agus níos cothroime. Rannchuidigh AE go mór le hullmhú Chlár Oibre 2030. Thug sé gealltanas freisin treoirphrionsabal a dhéanamh de na SDGanna ina gcuid bearta go léir agus iad a chur chun cinn lena gcomhpháirtithe.
Faraor, de réir na dtáscairí go léir atá ar fáil, nílimid chun cinn i dtaobh domhan atá saor ó ocras a bhaint amach faoi 2030. Thairis sin, thug paindéim COVID-19 chun suntais leochaileachtaí an chórais bhia agus géaraigh sí neamhionannais.
Sa chomhthéacs sin, tá géarghá le gealltanas athnuaite agus feabhsaithe ó AE chun saoirse ón ocras agus an ceart chun bia leordhóthanaigh a bhaint amach.
- 1.Conas a áiritheoidh an Coimisiún go mbeidh an tAontas in ann ról ceannaireachta a ghlacadh maidir le SDG 2 Saoire ón Ocras a bhaint amach, lena n-áirítear trí ghealltanais airgeadais a dhéanamh i leith an chothaithe faoi bhuiséad AE 2021-2027 i bhfianaise na bearna ollmhóire domhanda airgeadais atá ann faoi láthair?
- 2.Conas atá sé i gceist ag an gCoimisiún beartas trádála AE a úsáid chun tacú leis an athrú domhanda ó bhonn go córais agraibhia inbhuanaithe, i gcomhréir leis an straitéis ‘ón bhFeirm go dtí an Forc’?
- 3.Cad iad na bearta atá sé ar intinn ag an gCoimisiún a mholadh chun tacú le tíortha comhpháirtithe agus lena bhfeirmeoirí, iascairí, foraoiseoirí agus táirgeoirí bia áitiúla, ó thaobh dul i dtreo cleachtais níos inbhuanaithe i bpríomhréimsí amhail leas ainmhithe, úsáid lotnaidicídí agus an comhrac i gcoinne frithsheasmhacht in aghaidh ábhair fhrithmhiocróbacha?
Curtha síos: 14.6.2021
Spriocdháta i gcomhair freagra: 15.9.2021