Nuashonrú ón gComhairle maidir le staid na himeartha i dtaca le gníomhaíocht nuachóirithe an Chonartha um Chairt Fuinnimh

3.3.2022

Ceist i gcomhair freagra ó bhéal  O-000009/2022
ar an gComhairle
Riail 136
Bernd Lange
thar ceann an Choiste um Thrádáil Idirnáisiúnta

• 1.Cad iad príomhthosaíochtaí na mBallstát i bpróiseas nuachóirithe an Chonartha um Chairt Fuinnimh (ECT)? Cén tionchar atá ag an ngéarchéim fuinnimh atá ann faoi láthair ar sheasamh caibidlíochta AE?
• 2.Conas a dhéanann an Chomhairle agus an Coimisiún, i gcomhréir leis na Conarthaí, an Pharlaimint agus a coistí ábhartha a choimeád ar an eolas láithreach agus go hiomlán faoin dul chun cinn atá á dhéanamh ar chaibidlíocht ECT, agus conas atá trédhearcacht agus rochtain ar na doiciméid chaibidlíochta á n-áirithiú leo?
• 3.Cad iad príomhsheasaimh na bpáirtithe conarthacha maidir le hathchóiriú ar an sainmhíniú ar ghníomhaíochtaí eacnamaíocha? An bhféadfadh seasamh caibidlíochta AE lamháil fós don chosaint ar infheistíochtaí i ngníomhaíochtaí lena ndéantar dochar suntasach don chomhshaol, mar a shainítear i dtacsanomaíocht AE? Cad é tuairim na Comhairle maidir leis an togra solúbthachta a chuir Rúnaíocht ECT síos, i ndáil leis an sainmhíniú ar ghníomhaíochtaí eacnamaíocha faoi chosaint? Cad é stádas na caibidlíochta maidir leis an tsaincheist seo?
• 4.Cad iad na hionchais atá beartaithe ag an gComhairle chun aontoilíocht a bhaint amach i measc páirtithe conarthacha ECT maidir le hinfheistíochtaí breosla iontaise a eisiamh ó chosaint infheistíochta? Cad a tharlóidh mura mbeidh aon chomhaontú ann maidir le nuachóiriú ECT faoi shamhradh 2022?
• 5.I bhfianaise nach bhfuil réiteach díospóide idir infheisteoir agus stát faoi réir athbhreithniú sa phróiseas nuachóirithe, agus nach gcuirfear, dá bhrí sin, córas na cúirte infheistíochta ina ionad, cad é tuairim na Comhairle maidir lena áirithiú go mbeidh ECT nuachóirithe i gcomhréir leis na coinníollacha a leag an Chúirt Bhreithiúnais amach ina Tuairim 1/17?
• 6.Cén tionchar a bheadh ag nuachóiriú nó ag tarraingt siar ionchasach as ECT ar na margaí fuinnimh seachas saincheist an clásail éagtha 20 bliain? Cad é an nós imeachta agus na héifeachtaí dlíthiúla agus praiticiúla a bheadh ag tarraingt siar? An bhfuil an Chomhairle agus an Coimisiún i mbun comhairliúcháin maidir leis an bhféidearthacht sin? An mbeartódh an Chomhairle agus an Coimisiún dul i dteagmháil le tíortha atá ar aon intinn chun iarmhairtí an chlásail éagtha a íoslaghdú i gcás ina ndéanfaí tarraingt siar?

Curtha síos: 3.3.2022

Spriocdháta i gcomhair freagra: 4.6.2022