An ceart chun deisiúcháin
16.3.2022
Ceist i gcomhair freagra ó bhéal O-000010/2022
ar an gCoimisiún
Riail 136
Anna Cavazzini
thar ceann an Choiste um an Margadh Inmheánach agus um Chosaint an Tomhaltóra
Tá ríthábhachtach ag baint le tomhaltóirí a chur ar an eolas agus iad a chumhachtú i dtaca lena gcion féin a dhéanamh leis na hiarrachtaí domhanda chun pláinéad níos glaine a bhaint amach, ionas go mbeidh tomhaltas níos inbhuanaithe ann agus go laghdófar an méid dramhaíola atá ag dul i méid agus na drochthionchair ar an gcomhshaol domhanda. Tá sé mar aidhm ag an gClár Oibre Nua do Thomhaltóirí agus an Plean Gníomhaíochta um an nGeilleagar Ciorclach deisiú a chur chun cinn agus níos mó táirgí níos inbhuanaithe a spreagadh. Tar éis don Pharlaimint a iarraidh go mbunófaí ceart chun deisiúcháin do thomhaltóirí, tá comhairliúchán poiblí seolta ag an gCoimisiún maidir le tomhaltas inbhuanaithe earraí – cur chun cinn agus athúsáid. Tá sé mar aidhm leis treoir a mholadh lena leasaítear Treoir (AE) 2019/771 maidir le gnéithe áirithe a bhaineann le conarthaí i ndáil le díolacháin earraí (An Treoir maidir le Díolachán Earraí) agus tá breithniú á dhéanamh aige ar ghníomh reachtach ar leith a mholadh maidir leis an gceart chun deisiúcháin.
- 1.Conas a dhéanfaidh an Coimisiún ceart chun deisiúcháin a áirithiú do thomhaltóirí agus conas a áiritheoidh sé go mbeidh tomhaltóirí ar an eolas go leordhóthanach faoi indeisitheacht táirgí tráth a gceannaithe?
- 2.Conas a spreagfaidh an Coimisiún táirgeoirí chun earraí a dhearadh a mhairfidh níos faide agus atá éasca le deisiú?
- 3.Cé mhéad a chabhróidh an togra ón gCoimisiún maidir leis an gceart chun deisiúcháin le laghdú a dhéanamh ar thomhaltas neamh-inbhuanaithe agus a threiseoidh sé earnáil an deisiúcháin?
Curtha síos: 16.3.2022
Spriocdháta i gcomhair freagra: 17.6.2022