Easpa gníomhaíochta arna déanamh ag an gCoimisiún i gcomhthéacs dhualgas an chomhair mhacánta agus dhílis

6.3.2023

Ceist i gcomhair freagra ó bhéal  O-000013/2023
ar an gCoimisiún
Riail 136
Jeroen Lenaers
thar ceann an An Coiste Fiosrúcháin maidir le hÚsáid Pegasus agus Earraí Spiaireachta Faireachais Comhchosúla

Mar chuid dá mhisean aimsithe fíoras, chuir Coiste PEGA ceistneoir chuig na Ballstáit an 14 Iúil 2022. Bhí ceisteanna ann maidir leis an úsáid a bhaintear as earraí spiaireachta, an reachtaíocht lena rialaítear an úsáid sin agus bunú údaraithe ex anteagus maoirseachta ex post. Cuireadh ceistneoir den chineál céanna chuig an gCoimisiún freisin.

An 12 Deireadh Fómhair 2022, sheol Uachtaránacht na Seice freagra comhpháirteach, nach raibh aon chuid den fhaisnéis a iarradh inti ach lenar dearbhaíodh go gcomhlíonfadh na Ballstáit a n-oibleagáidí maidir leis an gcomhar macánta agus dílis.

Fuair Coiste PEGA freagraí freisin ó roinnt Ballstát aonair agus trí chomhlachtaí parlaiminteacha. Ní bhfuarthas aon fhreagra ar chor ar bith ón Ísiltír, ón tSeicia, ón Danmhairg, ón Iodáil ná ó Mhálta. Tá grinnscrúdú na Parlaiminte ar chur chun feidhme dhlí an Aontais faoi Airteagal 226 den Chonradh ar Fheidhmiú an Aontais Eorpaigh ag tacú go frithpháirteach le grinnscrúdú an Choimisiúin faoi Airteagal 17 den Chonradh ar an Aontas Eorpach. Is faoin gCoimisiún atá sé caingean a thionscnamh i leith sáruithe ar na Conarthaí. Dá bhrí sin, ba mhaith leis an bParlaimint – a mheasann nach bhfuil dualgas an chomhair mhacánta agus dhílis comhlíonta — fiosrú a dhéanamh:

• 1.Cad atá déanta ag an gCoimisiún, nó a dhéanfaidh sé mar fhreagairt ar an sárú seo ar dhualgas an chomhair mhacánta agus dhílis idir na Ballstáit?
• 2.An bhfuil nósanna imeachta tionscanta aige chun aghaidh a thabhairt ar an sárú seo agus, mura bhfuil, cén uair a dhéanfaidh sé amhlaidh?
• 3.An féidir leis a mhíniú cad iad na bearta atá déanta aige chun a dhualgas féin maidir leis an gcomhar macánta agus dílis le Coiste PEGA a chomhlíonadh?

Curtha síos: 6.3.2023

Spriocdháta i gcomhair freagra: 7.6.2023