Gníomhaíocht chomhordaithe chun aghaidh a thabhairt ar fhrithsheasmhacht in aghaidh ábhair fhrithmhiocróbacha
22.5.2023
Ceist i gcomhair freagra ó bhéal O-000027/2023
ar an gCoimisiún
Riail 136
Pernille Weiss
thar ceann Ghrúpa PPE
Tiemo Wölken
thar ceann Ghrúpa S&D
Tá ‘an phaindéim chiúin’ tugtha ar an bhfrithsheasmhacht in aghaidh ábhair fhrithmhiocróbacha (FSFM): tá sí ina cúis le bás 35 000 duine san Aontas Eorpach gach bliain, agus meastar go dtiocfaidh méadú air sin. Chun FSFM a chomhrac, tá gá le cur chuige ‘Aon Sláinte Amháin’ atá bunaithe ar thrí cholún ar a laghad: antaibheathaigh a úsáid go stuama i ndaoine agus in ainmhithe araon, bearta maithe a chur chun feidhme maidir le hionfhabhtú a chosc agus a rialú, go háirithe i suíomhanna cúraim sláinte, agus taighde agus forbairt in antaibheathaigh núíosacha agus frithbhearta eile a chur chun cinn.
I bhfianaise an mhéid sin:
- 1.Conas a spreagfaidh an Coimisiún na Ballstáit bearta a chur chun feidhme chun a áirithiú go mbainfear úsáid stuama as ábhair fhrithmhiocróbacha i ndaoine agus in ainmhithe (talmhaíocht agus dobharshaothrú araon) agus spriocanna ídithe arna bhformhuiniú ag an gComhairle a chur chun feidhme?
- 2.Cad iad na bearta a mholfaidh an Coimisiún do na Ballstáit chun ionfhabhtú a chosc agus a rialú, lena n-áirítear bearta do bhia-ainmhithe?
- 3.Cad iad na bearta maidir le taighde agus forbartha agus rochtain ar an margadh a mholfaidh an Coimisiún faoi (i) antaibheathaigh núíosacha, (ii) cóireálacha malartacha, lena n-áirítear baictéarafagaigh, agus (iii) táirgí chun ionfhabhtuithe le pataiginí atá frithsheasmhach in aghaidh ábhair fhrithmhiocróbacha a bhrath agus a chosc, chomh maith le frithbhearta leighis eile chun FSFM a chomhrac?
- 4.Cén fhoirm a cheapann an Coimisiún a d’fhéadfadh a bheith i gceist le cur chuige comhoibríoch ‘Aon Sláinte Amháin’ chun aghaidh a thabhairt ar fhrithsheasmhacht in aghaidh ábhair fhrithmhiocróbacha ar leibhéal an Aontais agus ar fud an domhain, agus cad iad na hardáin a d’úsáidfeadh sé?
Curtha síos: 22.5.2023
Spriocdháta i gcomhair freagra: 23.8.2023