Ir-responsabbiltà fil-finanzjament mogħti mill-UE lil Euronews
16.2.2017
Mistoqsija għal tweġiba bil-miktub P-001066-17
lill-Kummissjoni
Artikolu 130 tar-Regoli ta’ Proċedura
Alfred Sant (S&D)
Mill-2011 sal-lum, Euronews ingħata bejn EUR 26 u 29.5 miljun f'finanzjament mill-UE kull sena. Madankollu, dan ix-xandar jibqa' dejjem kumpanija privata u l-Kummissjoni m'għandha l-ebda influwenza ġuridika fuq l-organizzazzjoni jew l-istrateġija tal-istazzjon. Huwa mifhum li r-relazzjonijiet ma' dan l-istazzjon tal-aħbarijiet huma stabbiliti abbażi ta' Ftehim Qafas ta' Sħubija.
F'dan il-kuntest:
- —Qatt il-Kummissjoni talbet awditu sħiħ u dettaljat ta' Euronews, indipendentement miċ-ċifri mogħtija mill-maniġment tal-istazzjon?
- —Wara d-dħul ta' ċerti azzjonisti kontroversjali, saru diskussjonijiet fil-Kummissjoni dwar l-aħbar reċenti li l-ġgant medjatiku tal-Istati Uniti NBC mistenni jakkwista sehem ta' 15-30 % f'Euronews, mossa li tista' tostakola serjament il-missjoni ta' xandir pubbliku Ewropew tal-istazzjon? Il-Kummissjoni qablet ma' dan?
- —Meta l-maniġment għadu kif nefaq il-miljuni fuq kwartieri ġenerali ġodda u lussużi f'Lyon, il-Kummissjoni ddiskutiet — u taċċetta — l-argumenti ekonomiċi tal-kumpanija favur it-tnaqqis li mistennija tagħmel fl-impjiegi?