20. Reġistri tan-negozju użati għall-finijiet ta' statistika ***II (dibattitu)

Rapporti Verbatim

Rakkomandazzjoni għat-tieni qari dwar il-Pożizzjoni komuni adottata mill-Kunsill bil-ħsieb ta' l-adozzjoni ta' Regolament tal-Parlament Ewropew u tal-Kunsill li jistabbilixxi qafas komuni għall-iżvilupp ta' reġistri tan-negozju użati għall-finijiet ta' statistika u li temenda r-Regolament (KEE) Nru 2186/93 tal-Kunsill [07656/5/2007 - C6-0218/2007 - 2005/0032(COD)] - Kumitat għall-Affarijiet Ekonomiċi u Monetarji. Rapporteur: Hans-Peter Martin (A6-0353/2007)

Hans-Peter Martin li, qabel ma ppreżenta r-rakkomandazzjoni għat-tieni qari, iddeplora l-fatt li d-dibattitu seħħ daqshekk tard, u ssuġerixxa li l-kwestur preżenti fl-emiċiklu jieħu nota.

Tkellem Franco Frattini (Viċi President tal-Kummissjoni).

Tkellmu: Astrid Lulling (kwestur) l-ewwel dwar ir-rimarki li għadda Hans-Peter Martin fid-dibattitu u wara f'isem il-grupp PPE-DE, Margarita Starkevičiūtė f'isem il-grupp ALDE, Hans-Peter Martin, għamel intervent personali b'segwitu għall-intervent ta' Astrid Lulling, u Astrid Lulling dwar dan l-intervent ta' l-aħħar.

Id-dibattitu ngħalaq.

Votazzjoni: punt 7.8 tal- Minuti ta' 25.10.2007 .