5. Immunitajiet parlamentari

L-awtoritajiet kompetenti Taljani ressqu talba quddiem il-President dwar l-immunità parlamentari ta' Massimo D'Alema fir-rigward ta ' każ pendenti quddiem il-Qorti ta' Milan dwar fatti li seħħew meta kien Membru tal-Parlament Ewropew.

It-talba ġiet mgħoddija lill-kumitat responsabbli, jiġifieri l-Kumitat JURI, skond l-Artikolu 6(2) tar-Regoli ta' Proċedura.

°
° ° °

Witold Tomczak ressaq quddiem il-President talba ta' difiża għall-immunità tiegħu u għall-privileġġi tiegħu fir-rigward ta' każ pendenti quddiem il-Qorti tad-Distrett ta' Ostrów Wielkopolski.

Skond l-Artikolu 6(3) tar-Regoli ta' Proċedura, din it-talba ġiet referuta lill-kumitat responsabbli, jiġifieri lill-Kumitat JURI.