7.4. Konċentrazzjoni u pluraliżmu fil-midja fl-Unjoni Ewropea (votazzjoni)

Rapporti Verbatim

Rapport dwar il-konċentrazzjoni u pluraliżmu fil-midja fl-Unjoni Ewropea [2007/2253(INI)] - Kumitat għall-Kultura u l-Edukazzjoni. Rapporteur: Marianne Mikko (A6-0303/2008)

(Maġġoranza sempliċi meħtieġa)

(Riżultat tal-votazzjoni: Anness "Riżultat tal-Votazzjonijiet", Punt 4)

Tkellmu: Ignasi Guardans Cambó, li kkritika l-aħħar emenda għall-Artikolu 45, paragrafu 2, tar-Regoli ta' Proċedura, għaliex skont hu, din tagħmilha iżjed diffiċli li jkun hemm ftehim bejn il-grupi politiċi, Monica Frassoni, dwar l-istess suġġett u fl-istess ħin dwar is-sitwazzjoni tal-midja fl-Italja, Marianne Mikko (rapporteur), Pál Schmitt, li jiddispjaċih li r-rapport li issa jkollu jitressaq għall-votazzjoni ma ġiex indirizzat waqt dibattitu imma waqt “preżentazzjoni qasira” skont l-Artikolu 131a tar-Regoli ta' Proċedura, Daniel Cohn-Bendit dwar il-proċedura ta' emenda ta' din ta' l-aħħar, u Stefano Zappalà dwar l-intervent ta' Monica Frassoni (Il-President jenfasizza li l-Parlament huwa sovran f'dak li għandu x'jaqsam mal-emendi tar-Regoli ta' Proċedura tiegħu u jiddeċiedi li jipproċedi bil-votazzjoni).

MOZZJONI GĦAL RIŻOLUZZJONI

Adottata (P6_TA(2008)0459)