Il-mozzjoni għal riżoluzzjoni B7-0115/2010 kienet irtirata.
Michael Gahler, f'isem il-Grupp PPE, ippropona l-emendi orali li ġejjin għall-paragrafu 14, it-tieni parti u l-paragrafu 15:
—§ 14 it-tieni parti
" Jitlob lill-Kummissjoni biex tallinja mill-qrib il-Programm Indikattiv Nazzjonali 2011-13 mal-Aġenda ta' Assoċjazzjoni;"
—§ 15
" Jenfasizza li Żona ta' Kummerċ Ħieles Estensiva u Komprensiva għandha tiżgura l-integrazzjoni gradwali tal-Ukraina fis-suq intern tal-UE inkluża l-estensjoni tal-erba' libertajiet għall-pajjiż;"
Cristian Dan Preda, f'isem il-Grupp PPE, ippropona l-emenda orali li ġejja, biex jiddaħħal paragrafu ġdid wara l-paragrafu 4:
" 4a. Jitlob lill-awtoritajiet Ukraini, filwaqt li jiġi rikonoxxut li l-Ukraina rratifikat il-Konvenzjoni ta' Qafas għall-Protezzjoni tal-Minoranzi Nazzjonali u l-Karta Ewropea għal-Lingwi Reġjonali jew Minoritarji tal-Kunsill tal-Ewropa biex jagħmlu sforzi akbar biex jilħqu lill-komunitajiet minoritarji fl-Ukraina billi jintegraw iktar lil dawn il-komunitajiet fl-evoluzzjoni politika tal-pajjiż u billi jirrispettaw id-dritt għall-edukazzjoni tal-minoranzi bil-lingwa tagħhom; "
3. Il-prijoritajiet tal-Parlament Ewropew għall-Kunsill tad-Drittijiet tal-Bniedem tan-Nazzjonijiet Uniti (Ġinevra, 1-26 ta' Marzu 2010)