Indiċi 
 Preċedenti 
 Li jmiss 
 Test sħiħ 
Minuti
L-Erbgħa, 24 ta' Novembru 2010 - Strasburgu

PRESIDENZA: Edward McMILLAN-SCOTT
Viċi President

Tkellem Martin Schulz, li għamel stqarrija personali b'segwitu għall-kummenti li għamel Godfrey Bloom waqt id-dibattiti ta' filgħodu. Il-President tenna d-deċiżjoni li ħa f'dak il-ħin il-President tal-Parlament Ewropew u, b'konsegwenza, talab lil Godfrey Bloom jiskuża ruħu mal-assemblea u jitlaq mill-emiċiklu. Peress li dan tal-aħħar irrifjuta ż-żewġ talbiet, il-President talab lill-Assemblea tiddeċiedi jekk Godfrey Bloom għandux jitlaq mill-emiċiklu. L-Assemblea approvat din il-proposta.

Tkellem Nigel Farage f'isem il-Grupp EFD.

Il-President talab lil Godfrey Bloom jitlaq mill-emiċiklu u speċifika li, fil-każ li dan jirrifjuta, kien se jitlob li jiġi eskluż mis-sala, f'konformità mal-Artikolu 152(3) tar-Regoli ta' Proċedura.

Tkellem Joseph Daul, li talab lil Godfrey Bloom jaċċetta d-deċiżjoni tal-Assemblea.

F'konformità mal-Artikolu 152(4) tar-Regoli ta' Proċedura, il-President issospenda s-sedura għal ftit ħin, waqt li Godfrey Bloom telaq mill-emiċiklu.

°
° ° °

Tkellem Christian Ehler, President tad-Delegazzjoni għar-relazzjonijiet mal-Penisola Koreana, dwar l-attakka ta' artillerija li l-Korea ta' Fuq ilbieraħ wettqet fuq il-gżira tal-Korea t'Isfel.

Tkellem Barry Madlener, li reġa' tkellem dwar l-inċident li kien għadu kif seħħ. Il-President fakkar fil-kummenti li Godfrey Bloom għamel mingħajr mikrofonu waqt id-dibattiti ta' filgħodu, u irrimarka li jiġri x'jiġri il-kwistjoni se tiġi riferuta lill-Bureau.

Protesta ta' Bruno Gollnisch.

8. Ħin tal-votazzjonijiet
CRE

Ir-riżultati ddettaljati tal-votazzjonijiet (emendi, votazzjonijiet separati u votazzjonijiet maqsuma, eċċ) jidhru fl-Anness 'Riżultati tal-Votazzjonijiet', mehmuż mal-Minuti.

Ir-riżultati tal-votazzjonijiet b'sejħa tal-ismijiet, fl-anness tal-Minuti, huma disponibbli biss f'verżjoni elettronika u jistgħu jiġu kkonsultati fuq Europarl.


8.1. Abbozz ta' baġit emendatorju nru 8/2010: Taqsima III - Il-Kummissjoni - Fond ta' Solidarjetà tal-UE: Għargħar fl-Irlanda - Konklużjoni tal-FSE Objettiv nru 1 (2000-2006) (Artikolu 138 tar-Regoli ta' Proċedura) (votazzjoni)

8.2. Protokoll għall-Ftehim ta’ Sħubija u Kooperazzjoni KE/Moldova *** (Artikolu 138 tar-Regoli ta' Proċedura) (votazzjoni)

8.3. Informazzjoni dwar prodotti mediċinali (kodiċi Komunitarju relatat mal-prodotti mediċinali) ***I (votazzjoni)

8.4. Informazzjoni dwar prodotti mediċinali (Proċeduri Komunitarji għall-awtorizzazzjoni u s-sorveljanza ta' prodotti mediċinali) ***I (votazzjoni)

8.5. Limitazzjoni tal-użu ta'ċerti sustanzi perikolużi fit-tagħmir elettriku u elettroniku ***I (votazzjoni)

8.6. Ftehim Kummerċjali dwar il-Ġlieda Kontra l-Falsifikazzjoni (ACTA) (votazzjoni)
Avviż legali - Politika tal-privatezza