7.3. Baġit ġenerali ġdid tal-Unjoni Ewropea għas-sena finanzjarja 2013 - it-taqsimiet kollha (votazzjoni)

Rapporti Verbatim

Rapport dwar il-pożizzjoni tal-Kunsill dwar l-abbozz ta' baġit ġenerali tal-Unjoni Ewropea għas-sena finanzjarja 2013 – it-Taqsimiet Kollha [17195/2012 - C7-0399/2012- 2012/2307(BUD)] - Kumitat għall-Baġits. Rapporteurs: Giovanni La Via u Derek Vaughan (A7-0410/2012)

(Maġġoranza sempliċi meħtieġa)
(Riżultat tal-votazzjoni: Anness "Riżultat tal-Votazzjonijiet", punt 3)

MOZZJONI GĦAL RIŻOLUZZJONI

Adottata (P7_TA(2012)0486)

Interventi

Michael Theurer f'isem il-Grupp ALDE, talab li l-paragrafu 8 jitqiegħed għal votazzjoni b'sejħa tal-ismijiet, u Giovanni La Via (rapporteur) oġġezzjona.

Wara l-votazzjoni, Andreas Mavroyiannis (President fil-kariga tal-Kunsill) għarraf li l-Parlament approva l-pożizzjoni tal-Kunsill dwar l-abbozz tal-baġit għas-sena finanzjarja 2013 mingħajr emendi, u laqa' dan ir-riżultat.

Huwa għamel ukoll dikjarazzjoni fil-qosor dwar il-ħidma tal-Presidenza Ċiprijotta.

Il-President qabel ma' dak li qal Andreas Mavroyiannis u għamel id-dikjarazzjoni li ġejja:

"Il-proċedura tal-baġit tlestiet skont l-Artikolu 314 tat-Trattat dwar il-Funzjonament tal-Unjoni Ewropea. Nikkonstata li l-baġit għas-sena finanzjarja 2013 ġie adottat b'mod definittiv".

PRESIDENZA: Jacek PROTASIEWICZ
Viċi President