15. Ordni tal-ħidma

Rapporti Verbatim

Il-punt li jmiss kien l-ordni tal-ħidma.

L-abbozz definittiv tal-aġenda għas-seduti plenarji ta' Mejju 2013 (PE 510.028/PDOJ) tqassam u ġew proposti l-bidliet li ġejjin (Artikolu 140 tar-Regoli ta' Proċedura):

It-Tnejn

Ma ġiet proposta l-ebda bidla.

It-Tlieta

Dibattitu konġunt – Unjoni bankarja – mekkaniżmu superviżorju uniku (punti 75 u 76 tal-Abbozz tal-Aġenda):

Interventi ta': Marianne Thyssen f'isem il-Grupp PPE, biex titlob li l-votazzjoni tal-emendi mressqa għaż-żewġ rapporti ssir l-Erbgħa.

Il-Parlament approva din t-talba.

Rapport Carlo Casini (A7-0138/2013) (Punt 123 tal-Abbozz tal-Aġenda):

Interventi ta': John Stuart Agnew f'isem il-Grupp EFD, biex jitlob li r-rapport jintbagħat lura quddiem il-Kumitat (l-Artikolu 175 tar-Regoli ta' Proċedura), Francesco Enrico Speroni, li appoġġja din it-talba, u Rafał Trzaskowski li kien kontra din it-talba.

Il-Parlament ma laqax din it-talba.

L-Erbgħa u il-Ħamis:

Ma ġiet proposta l-ebda bidla.

°
° ° °

L-ordni tal-ħidma b'hekk ġie ffinalizzat.

°
° ° °

Intervent ta': Jean-Pierre Audy, biex jitlob li Herman Van Rompuy, President tal-Kunsill Ewropew, ikun mistieden il-Ħamis biex jagħti rendikont tar-riżultati tal-Kunsill Ewropew tat-22 ta' Mejju 2013 lill-Parlament (Il-President ikkonfermalu li t-talba tiegħu se titressaq quddiemu).