6. Rettifiki (Artikolu 231 tar-Regoli ta' Proċedura)

Il-Kumitat TRAN bagħat din ir-rettifika ta' test adottat mill-Parlament Ewropew:

Rettifika P6_TA(2008)0030(COR01) għad-Direttiva 2008/6/KE tal-Parlament Ewropew u tal-Kunsill tal-20 ta' Frar 2008 li temenda d-Direttiva 97/67/KE dwar it-tlestija kompleta tas-suq intern tas-servizzi postali Komunitarji (ĠU L 52, 27.2.2008, p. 3) (pożizzjoni tal-Parlament Ewropew adottata fit-tieni qari fil-31 ta' Jannar 2008 bil-ħsieb tal-adozzjoni għad-direttiva msemmija (P6_TA(2008)0030 (ĠU C 68 E, 21.3.2009, p. 44) (13593/6/2007 – C6-0410/2007 – 2006/0196(COD))

Bi qbil mal-Artikolu 231(4) tar-Regoli ta' Proċedura, din ir-rettifika titqies approvata sakemm fi żmien erbgħa u għoxrin siegħa, grupp politiku jew grupp ta' mill-inqas erbgħin Membru ma jitlobx li ssir votazzjoni dwarha.

Ir-rettifika hija disponibbli fuq is-sit Europarl għal kemm iddum din is-sessjoni parzjali.

°
° ° °

Ir-rettifika P8_TA-PROV(2015)0100(COR01) tħabbret fil-plenarja tal-24 ta' Ġunju 2015 (punt 8 tal-Minuti ta' 24.6.2015).

Billi ma kien hemm l-ebda talba biex titressaq għall-votazzjoni minn grupp politiku jew grupp ta' mill-inqas erbgħin Membru (Artikolu 231(4) tar-Regoli ta' Proċedura), din ir-rettifika tqieset approvata.