Indiċi 
 Preċedenti 
 Li jmiss 
 Test sħiħ 
Minuti
It-Tnejn, 23 ta' Novembru 2015 - Strasburgu

10. Ordni tal-ħidma
CRE

L-abbozz definittiv tal-aġenda għas-seduti plenarji ta' ta' Novembru II 2015 (PE 571.857/PDOJ) tqassam u ġew proposti l-bidliet li ġejjin (Artikolu 152 tar-Regoli ta' Proċedura):

It-Tnejn

Talba tal-Grupp GUE/NGL biex jingħalaq id-dibattitu dwar Strateġija ġdida għall-benessri tal-annimali għall-2016-2020 (punt 79 tal-PDOJ) permezz tat-tressiq ta' mozzjonijiet għal riżoluzzjoni, li se jitressqu għall-votazzjoni nhar il-Ħamis.

Interventi ta': Anja Hazekamp f'isem il-Grupp GUE/NGL, li ġġustifikat it-talba, Fredrick Federley, favur it-talba, u Michèle Alliot-Marie, kontra t-talba.

B'VE (149 favur, 139 kontra, 40 astensjoni), il-Parlament approva t-talba.

Dawn l-iskadenzi għat-tressiq ġew stabbiliti:

mozzjonijiet għal riżoluzzjoni: it-Tlieta 24 ta' Novembru, 12:00

emendi u mozzjonijiet għal riżoluzzjoni konġunti: l-Erbgħa 25 ta' Novembru, 12:00

emendi għall-mozzjonijiet għal riżoluzzjoni konġunti: l-Erbgħa 25 ta' Novembru, 13:00

talbiet għal votazzjonijiet separati u għal votazzjonijiet maqsumin: l-Erbgħa 25 ta' Novembru, 19:00.

It-Tlieta

Ma ġiet proposta l-ebda bidla.

L-Erbgħa

Talba tal-Grupp Verts/ALE biex tiġi posposta għall-Ħamis il-votazzjoni dwar ir-Rapport Ferreira – Theurer dwar Deċiżjonijiet fil-qasam tat-taxxa u miżuri oħra ta' natura jew effett simili (A8-0317/2015) (punt 23 tal-PDOJ), jekk il-mandat tal-Kumitat Speċjali TAXE mhux se jiġi prorogat.

Interventi ta': Philippe Lamberts f'isem il-Grupp Verts/ALE, li ġġustifika t-talba, Fabio De Masi, favur it-talba, Manfred Weber f'isem il-Grupp PPE, u Peter Simon f'isem il-Grupp S&D, dawn l-aħħar tnejn biex jassiguraw li l-gruppi rispettivi tagħhom jappoġġaw il-proroga tal-mandat tal-Kumitat TAXE.

Philippe Lamberts irtira t-talba tiegħu.

Il-Ħamis

Ma ġiet proposta l-ebda bidla.

°
° ° °

L-ordni tal-ħidma b'hekk ġie ffinalizzat.

Avviż legali - Politika tal-privatezza