Minn 12.00 san-12.30 saret seduta solenni tal-Parlament fl-okkażjoni tad-diskors ta' Alexander Van der Bellen, President tar-Repubblika tal-Awstrija.
PRESIDENZA: David-Maria SASSOLI Viċi President
Interventi ta': Daniel Caspary, biex jitlob, bi qbil mal-Artikolu 128 tar-Regoli ta' Proċedura, li l-President iressaq, mingħajr dewmien, quddiem il-Konferenza tal-Presidenti mistoqsija bi tweġiba orali O-000003/2017 dwar “It-tweġibiet tal-Kummissjoni għall-mistoqsijiet bil-miktub” (il-President wieġeb li l-kwistjoni se tiġi rriferuta lill-Bureau) u Ana Gomes dwar l-indipendenza editorjali ta' Euronews (il-President intrabat li jgħaddi l-kwistjoni lill-Uffiċċju tal-President tal-Parlament).