2. Dikjarazzjonijiet tal-Presidenza

Rapporti Verbatim

Il-President ikkundanna bil-qawwija kollha l-attakki terroristiċi reċenti li, wara l-attakk f'Manchester fit-22 ta' Mejju, laqtu lill-Eġittu, lill-Iraq u lill-Afganistan, u għadda l-kondoljanzi tal-Parlament lill-qraba tal-vittmi.

Il-Parlament osserva minuta silenzju bħala tifkira tal-vittmi.

Il-President ikkomunika d-deċiżjoni tal-President Amerikan Donald Trump li jirtira lill-Istati Uniti mill-Ftehim ta' Pariġi dwar it-Tibdil fil-Klima, u għarraf li hu kien se jikkonsulta mal-President tal-Kummissjoni Jean-Claude Juncker u mal-President tal-Kunsill Ewropew Donald Tusk dwar l-inizjattivi li jenħtieġ li jiġu adottati.