10. Kompożizzjoni tal-Parlament

Alexander Graf Lambsdorff, Michael Theurer, Fabio De Masi u Beatrix von Storch ġew eletti Membri fil-Bundestag b'effett mill-24 ta' Ottubru 2017.

Il-Parlament ħa nota li, skont l-Artikolu 7(2) tal-Att dwar l-elezzjoni tal-Membri tal-Parlament Ewropew għas-suffraġju universali dirett, din il-kariga hija inkumpatibbli ma' dik ta' Membru Ewropew. Skont l-Artikolu 3(2) u l-Artikolu 4(1) u (4) tar-Regoli ta' Proċedura, il-Parlament ikkonstata l-vakanza tas-siġġijiet tagħhom b'effett mill-24 ta' Ottubru 2017, u informa lill-awtoritajiet nazzjonali kompetenti.