Ir-riżultati ddettaljati tal-votazzjonijiet (emendi, votazzjonijiet separati u votazzjonijiet maqsuma, eċċ.) jidhru fl-Anness “Riżultati tal-Votazzjonijiet”, mehmuż mal-Minuti.
Ir-riżultati tal-votazzjonijiet b'sejħa tal-ismijiet, fl-anness tal-Minuti, huma disponibbli biss f'verżjoni elettronika u jistgħu jiġu kkonsultati fuq is-sit Europarl.
10.1. Il-kontroll tal-esportazzjonijiet, it-trasferiment, is-senserija, l-assistenza teknika u t-transitu ta’ oġġetti b’użu doppju ***I (Artikolu 150 tar-Regoli ta' Proċedura)(votazzjoni)
Rapport dwar il-proposta għal regolament tal-Parlament Ewropew u tal-Kunsill li jistabbilixxi reġim tal-Unjoni għall-kontroll tal-esportazzjonijiet, it-trasferiment, is-senserija, l-assistenza teknika u t-transitu ta’ oġġetti b’użu doppju (tfassil mill-ġdid) [COM(2016)0616 - C8-0393/2016- 2016/0295(COD)] - Kumitat għall-Kummerċ Internazzjonali. Rapporteur: Klaus Buchner (A8-0390/2017)
(Maġġoranza sempliċi meħtieġa) (Riżultat tal-votazzjoni: Anness "Riżultat tal-Votazzjonijiet", punt 1)
Intervent ta' Klaus Buchner (rapporteur), wara l-votazzjoni, biex jitlob li l-kwistjoni tiġi riferuta lill-Kumitat responsabbli għal negozjati interistituzzjonali, skont l-Artikolu 59(4) tar-Regoli ta' Proċedura. Il-Parlament approva t-talba.
10.2. Nomina ta' Membru tal-Qorti tal-Awdituri - Eva Lindström (Artikolu 150 tar-Regoli ta' Proċedura)(votazzjoni)
Rapport dwar in-nomina ta' Eva Lindström bħala Membru tal-Qorti tal-Awdituri [14085/2017 - C8-0401/2017 - 2017/0819(NLE)] - Kumitat għall-Kontroll tal-Baġit. Rapporteur: Indrek Tarand (A8-0003/2018)
(Maġġoranza sempliċi meħtieġa) (Riżultat tal-votazzjoni: Anness "Riżultat tal-Votazzjonijiet", punt 2) (Votazzjoni permezz ta' vot sigriet) Il-lista tal-Membri li vvutaw hija annessa mal-Minuti (Anness 1 tal-Minuti ta' 17.1.2018)
Il-Parlament ta opinjoni favorevoli dwar il-proposta tal-Kunsill li jaħtar lil Eva Lindström Membru tal-Qorti tal-Awdituri.
Interventi
Indrek Tarand (rapporteur) qabel il-votazzjoni.
10.3. Nomina ta' Membru tal-Qorti tal-Awdituri - Tony James Murphy (Artikolu 150 tar-Regoli ta' Proċedura)(votazzjoni)
Rapport dwar in-nomina ta' Tony James Murphy bħala Membru tal-Qorti tal-Awdituri [14272/2017 - C8-0402/2017 - 2017/0820(NLE)] - Kumitat għall-Kontroll tal-Baġit. Rapporteur: Indrek Tarand (A8-0002/2018)
(Maġġoranza sempliċi meħtieġa) (Riżultat tal-votazzjoni: Anness "Riżultat tal-Votazzjonijiet", punt 3) (Votazzjoni permezz ta' vot sigriet) Il-lista tal-Membri li vvutaw hija annessa mal-Minuti (Anness 2 tal-Minuti ta' 17.1.2018)
Il-Parlament ta opinjoni favorevoli dwar il-proposta tal-Kunsill li jaħtar lil Tony James Murphy Membru tal-Qorti tal-Awdituri.
Interventi
Indrek Tarand (rapporteur) ressaq emenda orali biex jiżdied paragrafu ġdid wara l-paragrafu 1. L-emenda orali ġiet aċċettata.
10.4. Il-promozzjoni tal-użu tal-enerġija minn sorsi rinnovabbli (riformulazzjoni) ***I (votazzjoni)
Rapport dwar il-proposta għal direttiva tal-Parlament Ewropew u l-Kunsil dwar il-promozzjoni tal-użu tal-enerġija minn sorsi rinnovabbli (riformulazzjoni) [COM(2016)0767 - C8-0500/2016- 2016/0382(COD)] - Kumitat għall-Industrija, ir-Riċerka u l-Enerġija. Rapporteur: José Blanco López (A8-0392/2017)
(Maġġoranza sempliċi meħtieġa) (Riżultat tal-votazzjoni: Anness "Riżultat tal-Votazzjonijiet", punt 4)
Miapetra Kumpula-Natri dwar l-andament tal-votazzjoni.
Intervent ta' José Blanco López (rapporteur), wara l-votazzjoni, biex jitlob li l-kwistjoni tiġi riferuta lill-kumitat responsabbli għal negozjati interistituzzjonali, skont l-Artikolu 59(4) tar-Regoli ta' Proċedura. Il-Parlament approva t-talba.
10.5. Effiċjenza fl-enerġija ***I (votazzjoni)
Rapport dwar il-proposta għal direttiva tal-Parlament Ewropew u tal-Kunsill li temenda d-Direttiva 2012/27/UE dwar l-effiċjenza fl-enerġija [COM(2016)0761 - C8-0498/2016 - 2016/0376(COD)] - Kumitat għall-Industrija, ir-Riċerka u l-Enerġija. Rapporteur: Miroslav Poche (A8-0391/2017)
(Maġġoranza sempliċi meħtieġa) (Riżultat tal-votazzjoni: Anness "Riżultat tal-Votazzjonijiet", punt 5)
Intervent ta' Miroslav Poche (rapporteur), wara l-votazzjoni, biex jitlob li l-kwistjoni tiġi riferuta lill-kumitat responsabbli għal negozjati interistituzzjonali, skont l-Artikolu 59(4) tar-Regoli ta' Proċedura. Il-Parlament approva t-talba.
10.6. Governanza tal-Unjoni tal-Enerġija ***I (votazzjoni)
Rapport dwar il-proposta għal regolament tal-Parlament Ewropew u tal-Kunsill dwar il-Governanza tal-Unjoni tal-Enerġija, li jemenda d-Direttiva 94/22/KE, id-Direttiva 98/70/KE, id-Direttiva 2009/31/KE, ir-Regolament (KE) Nru 663/2009, ir-Regolament (KE) Nru 715/2009, id-Direttiva 2009/73/KE, id-Direttiva tal-Kunsill 2009/119/KE, id-Direttiva 2010/31/UE, id-Direttiva 2012/27/UE, id-Direttiva 2013/30/UE u d-Direttiva tal-Kunsill (UE) 2015/652 u li jħassar ir-Regolament (UE) Nru 525/2013 [COM(2016)0759 - C8-0497/2016 - 2016/0375(COD)] - Kumitat għall-Ambjent, is-Saħħa Pubblika u s-Sikurezza ta' l-Ikel - Kumitat għall-Industrija, ir-Riċerka u l-Enerġija. Rapporteurs: Michèle Rivasi u Claude Turmes (A8-0402/2017)
(Maġġoranza sempliċi meħtieġa) (Riżultat tal-votazzjoni: Anness "Riżultat tal-Votazzjonijiet", punt 6)
Intervent ta' Claude Turmes (rapporteur), wara l-votazzjoni, biex jitlob li l-kwistjoni tiġi riferuta lill-kumitat responsabbli għal negozjati interistituzzjonali, skont l-Artikolu 59(4) tar-Regoli ta' Proċedura. Il-Parlament approva t-talba.