4. Verifika tal-kredenzjali

Rapporti Verbatim

L-atti kollha li jirrigwardaw il-proklamazzjoni tal-elezzjoni tal-Membri se jitressqu lill-kumitat inkarigat mill-verifika tal-kredenzjali, li għandu jiġi stabbilit skont l-Artikolu 206 tar-Regoli ta' Proċedura.

B'konformità mal-Artikolu 3(2) tar-Regoli ta' Proċedura, sakemm il-kredenzjali ta' Membru jkunu għadhom ma ġewx ivverifikati jew tkun għadha ma ngħatatx deċiżjoni fuq kwalunkwe kontestazzjoni eventwali, il-Membri jpoġġu fil-Parlament u fl-organi tiegħu bit-tgawdija sħiħa tad-drittijiet tagħhom, bil-kundizzjoni li jkunu ffirmaw id-dikjarazzjoni ta' noninkompatibbiltà.

B'konformità mal-Artikolu 7 tal-Att dwar l-elezzjoni tal-Membri tal-Parlament Ewropew b'suffraġju universali dirett, il-Membri li jeżerċitaw funzjonijiet inkompatibbli mal-mandat ta' Membru tal-Parlament Ewropew ma jistgħux ipoġġu fih. Il-Membri li għadhom ma ffirmawx id-dikjarazzjoni ta' noninkompatibbiltà u li għadhom mhux qed igawdu bis-sħiħ id-drittijiet tagħhom huma mistiedna jagħmlu dan immedjatament.