B'konformità mal-Artikolu 18 tar-Regoli ta' Proċedura, saret l-elezzjoni tal-kwesturi.
Il-President ħabbar li kien irċieva l-kandidaturi li ġejjin għall-elezzjoni tal-kwesturi: Monika Beňová, Gilles Boyer, David Casa, Karol Karski u Anne Sander.
Il-kandidati kkonfermaw li jaqblu.
Il-President informa li minħabba li l-għadd ta' kandidati ma kienx akbar mill-għadd ta' siġġijiet li jridu jimtlew, il-kandidati ġew eletti b'akklamazzjoni, b'konformità mal-Artikolu 15(1) tar-Regoli ta' Proċedura. Huwa kkonferma li se ssir votazzjoni sigrieta, b'konformità mal-Artikolu 18 u l-Artikolu 17(2) tar-Regoli ta' Proċeduta, permezz ta' votazzjoni elettronika, sabiex tiġi stabbilita l-ordni ta' preċedenza. Huwa informa lill-Assemblea dwar il-proċedura li għandha tiġi segwita.
Il-Parlament għadda għall-votazzjoni.
Il-President qara r-riżultati tal-votazzjoni:
- votanti: 574
- poloz vojta jew imħassra: 71
- voti mitfugħa: 503
Kisbu, fl-ordni fejn l-għadd ta' voti miksuba dejjem jiċkien:
Anne Sander: 407 voti
Monika Beňová: 391vot
David Casa: 391 vot
Gilles Boyer: 317-il vot
Karol Karski: 261 vot
B'konformità mal-Artikolu 18 u l-Artikolu 17(2) tar-Regoli ta' Proċedura, l-ordni ta' preċedenza tal-kwesturi tiġi stabbilita skont l-ordni ta' kif ġew eletti, u, fil-każ ta' għadd indaqs ta' voti, skont l-età.