Is-sessjoni li ġiet interrotta l-Ħamis 28 ta' Novembru 2019 tkompliet.
2. Ftuħ tas-seduta
Ħin tal-ftuħ tas-seduta: 14.06.
3. Dikjarazzjoni tal-Presidenza
Il-President għamel dikjarazzjoni dwar l-attakk terroristiku fi Strasburgu sena ilu. Huwa esprima l-appoġġ tal-Parlament lejn il-belt ta' Strasburgu u lejn il-poplu Franċiż.
Il-Parlament osserva minuta ta' silenzju b'tifkira tal-vittmi.
° ° ° °
Intervent ta': Dita Charanzová dwar l-isparatura li seħħet il-bieraħ fl-isptar universitarju ta' Ostrava, fir-Repubblika Ċeka, li ħalliet sitt persuni mejta.
Intervent ta': Elena Lizzi li tat ġieħ lill-fundatur tal-programm Erasmus, Domenico Lenarduzzi, li miet il-ġimgħa li għaddiet.
4. Approvazzjoni tal-Minuti tas-seduta preċedenti
Il-Minuti tas-seduta preċedenti ġew approvati.
5. Kompożizzjoni tal-Parlament
Dubravka Šuica, Adina-Ioana Vălean u Nicolas Schmit inħatru Membri tal-Kummissjoni Ewropea b'effett mill-1 ta' Diċembru 2019.
Il-Parlament ħa nota tal-fatt li, skont l-Artikolu 7(1) tal-Att dwar l-elezzjoni tal-Membri tal-Parlament Ewropew b'vot universali dirett, din il-kariga hija inkompatibbli ma' dik ta' Membru tal-Parlament Ewropew u, skont l-Artikolu 4(1) u (4) tar-Regoli ta' Proċedura, ikkonstata l-vakanza tas-siġġu tagħhom b'effett mill-1 ta' Diċembru 2019.
° ° ° °
L-awtoritajiet kompetenti Kroati kkomunikaw l-elezzjoni fil-Parlament Ewropew ta' Sunčana Glavak minflok Dubravka Šuica bħala Membru tal-Parlament, li tiddekorri mid-data tal-1 ta' Diċembru 2019.
L-awtoritajiet kompetenti Rumeni kkomunikaw l-elezzjoni fil-Parlament Ewropew ta' Gheorghe-Vlad Nistor minflok Adina-Ioana Vălean bħala Membru tal-Parlament, li tiddekorri mid-data tat-2 ta' Diċembru 2019.
L-awtoritajiet kompetenti Lussemburgiżi kkomunikaw l-elezzjoni fil-Parlament Ewropew ta' Marc Angel minflok Nicolas Schmit bħala Membru tal-Parlament, li tiddekorri mid-data tal-10 ta' Diċembru 2019.
Il-Parlament ħa nota tal-elezzjoni tagħhom.
Bi qbil mal-Artikolu 3(2) tar-Regoli ta' Proċedura, sakemm il-kredenzjali tagħhom ikunu vverifikati jew tkun ingħatat deċiżjoni fuq kwalunkwe tilwima, Sunčana Glavak, Gheorghe-Vlad Nistor u Marc Angel għandhom jidħlu fil-kariga tagħhom fil-Parlament u fil-korpi tiegħu u għandhom igawdu mid-drittijiet marbuta ma' din il-kariga, kemm-il darba jkunu ffirmaw minn qabel id-dikjarazzjoni bil-miktub li huma ma għandhom ebda kariga inkompatibbli ma' dik ta' Membru tal-Parlament Ewropew.
6. Ordni tal-ħidma
L-abbozz definittiv tal-aġenda għas-seduta plenarja tal-11 ta' Diċembru 2019 (PE 645.648/PDOJ) tqassam, u fir-rigward tiegħu ġew proposti l-bidliet li ġejjin (Artikolu 158 tar-Regoli ta' Proċedura):
Talba tal-Grupp Verts/ALE biex jingħalaq id-dibattitu dwar id-dikjarazzjoni tal-Kummissjoni dwar “Il-Patt Ekoloġiku Ewropew” (punt 2 tal-PDOJ) bit-tressiq ta' mozzjonijiet għal riżoluzzjoni li se jkunu vvutati fis-sessjoni ta' Jannar I 2020.
Intervent ta': Philippe Lamberts f'isem il-Grupp Verts/ALE, li ġġustifika t-talba.
Il-Parlament approva t-talba.
L-ordni tal-ħidma b'hekk ġie ffinalizzat.
7. Il-Patt Ekoloġiku Ewropew (dibattitu)
Dikjarazzjoni tal-Kummissjoni: Il-Patt Ekoloġiku Ewropew (2019/2956(RSP))
Ursula von der Leyen (President tal-Kummissjoni) għamlet id-dikjarazzjoni.
Interventi ta': Esther de Lange f'isem il-Grupp PPE, Iratxe García Pérez f'isem il-Grupp S&D, Dacian Cioloş f'isem il-Grupp Renew, Philippe Lamberts f'isem il-Grupp Verts/ALE, Silvia Sardone f'isem il-Grupp ID, Ryszard Antoni Legutko f'isem il-Grupp ECR, Manon Aubry f'isem il-Grupp GUE/NGL, Eleonora Evi Membru mhux affiljata, u Markus Pieper.
PRESIDENZA: Mairead McGUINNESS Viċi President
Interventi ta': Miriam Dalli, Pascal Canfin, Marie Toussaint, Paolo Borchia, Alexandr Vondra, Silvia Modig, Ignazio Corrao, Marian-Jean Marinescu, Ismail Ertug, Chris Davies, Ville Niinistö, Markus Buchheit, Pietro Fiocchi, Marc Botenga, Lefteris Nikolaou-Alavanos, Dolors Montserrat, Heléne Fritzon, Katalin Cseh, Sven Giegold, Herve Juvin, Johan Van Overtveldt, Márton Gyöngyösi, Norbert Lins, Simona Bonafè, Fredrick Federley, Alexandra Louise Rosenfield Phillips, Robert Rowland, Tomas Tobé, Jonás Fernández, Ulrike Müller, Ciarán Cuffe, Rosa D'Amato, Jerzy Buzek, Dan Nica, María Soraya Rodríguez Ramos, Pilar del Castillo Vera, Margarida Marques, Jan Huitema, Cristian-Silviu Buşoi, Kathleen Van Brempt, Martin Hlaváček, Edina Tóth, Paolo De Castro, Seán Kelly, Agnes Jongerius, Henna Virkkunen, Constanze Krehl u Álvaro Amaro.
PRESIDENZA: David Maria SASSOLI President
Intervent ta': Frans Timmermans (Viċi President Eżekuttiv tal-Kummissjoni).
Il-mozzjonijiet għal riżoluzzjoni li għandhom jitressqu skont l-Artikolu 132(2) tar-Regoli ta' Proċedura se jitħabbru aktar tard.
Id-dibattitu ngħalaq.
Votazzjoni: Jannar I.
8. Approvazzjoni tal-Minuti ta' din is-seduta
Skont l-Artikolu 202(3) tar-Regoli ta' Proċedura, il-Minuti ta' din is-seduta se jkunu sottoposti għall-approvazzjoni tal-Parlament fil-bidu tas-seduta li jmiss.
9. Kalendarju tas-seduti li jmiss
Is-seduti li jmiss se jsiru mis-16 ta' Diċembru 2019 sad-19 ta' Diċembru 2019.
10. Għeluq tas-seduta
Ħin li fih ingħalqet is-seduta: 16.15.
11. Interruzzjoni tas-sessjoni
Is-sessjoni tal-Parlament Ewropew ġiet interrotta.