8. Atti u miżuri ta' implimentazzjoni (Artikolu 112(4)(d) u Artikolu 111(6) tar-Regoli ta' Proċedura)

Skont l-Artikolu 112(4) u l-Artikolu 111(6) tar-Regoli ta' Proċedura, il-President tal-Konferenza tal-Presidenti tal-Kumitati ħabbar lill-Presidenti tal-Parlament li ma tressqet l-ebda oġġezzjoni rigward:

—   Rakkomandazzjoni tal-Kumitat ECON li ma ssir ebda oġġezzjoni għall-abbozz tar-regolament tal-Kummissjoni li jemenda r-Regolament (KE) Nru 1126/2008 li jadotta ċerti standards internazzjonali tal-kontabilità skont ir-Regolament (KE) Nru 1606/2002 tal-Parlament Ewropew u tal-Kunsill rigward l-Istandard Internazzjonali tal-Kontabilità 39, l-Istandards Internazzjonali tar-Rapportar Finanzjarju 7 u 9 (D064618/01 - 2019/2912(RPS)) (B9-0229/2019)

Jekk, fi żmien skadenza ta' erbgħa u għoxrin siegħa wara t-tħabbir fil-plenarja, ma titqajjem l-ebda oġġezzjoni għal din ir-rakkomandazzjoni min-naħa ta' grupp politiku jew minn għadd ta' Membri li mill-inqas jilħqu l-limitu l-baxx, din titqies approvata. Jekk dan ma jkunx il-każ, ir-rakkomandazzjoni titressaq għal votazzjoni.