9. It-tieni sessjoni ta' votazzjonijiet

Rapporti Verbatim

Il-Parlament ipproċeda bil-votazzjonijiet finali dwar:

—   Programm InvestEU ***I
Rapport dwar il-proposta għal regolament tal-Parlament Ewropew u tal-Kunsill li jistabbilixxi l-Programm InvestEU [COM(2020)0403 - C9-0158/2020 - 2020/0108(COD)] - Kumitat għall-Baġits - Kumitat għall-Affarijiet Ekonomiċi u Monetarji. Rapporteurs: José Manuel Fernandes u Irene Tinagli (A9-0203/2020);

—   L-impatt tal-miżuri marbuta mal-COVID-19 fuq id-demokrazija, id-drittijiet fundamentali u l-istat tad-dritt
Mozzjoni għal riżoluzzjoni B9-0343/2020.

Il-votazzjoni se tkun miftuħa sat-15.15.

Il-Parlament għadda għall-votazzjoni.

Ħin li fih tħabbru r-riżultati tal-votazzjoni: 17.30.

Interventi

—   José Manuel Fernandes (rapporteur), qabel ma bdiet it-tieni sessjoni ta' votazzjoni, biex jitlob li l-kwistjoni segwenti tkun irriferuta lill-kumitat responsabbli, għall-finijiet ta' negozjati interistituzzjonali, skont l-Artikolu 59(4) tar-Regoli ta' Proċedura: Programm InvestEU (2020/0108(COD)) - Kumitat ECON.

Din it-talba se tkun sottoposta għal votazzjoni wara l-votazzjoni finali dwar il-proposta tal-Kummissjoni (punt 11 tal-Minuti tad-data 13.11.2020).

(Ħin li fih ġiet sospiża s-seduta: 14.03.)