6. Għoti tal-Premju Sakharov (seduta solenni)

Rapporti Verbatim

Min-12.11 sas-12.40, il-Parlament iltaqa' f'seduta solenni fl-okkażjoni tal-għoti tal-Premju Sakharov lill-oppożizzjoni demokratika fil-Belarussja, rappreżentata minn Sviatlana Tsikhanouskaya u Veronika Tsepkalo.

Qabel l-għoti tal-Premju, il-President xtaq jagħti merħba wkoll lir-rappreżentanti tal-oppożizzjoni demokratika fil-Belarussja, preżenti wkoll fl-emiċiklu, jiġifieri Siarhei Dyleuski, Ales Bialiatski u Stsiapan Putsila, kif ukoll Svetlana Alexievich, li pparteċipat f'seduta solenni mill-bogħod u l-finalisti ta' din is-sena.

Il-President esprima d-dispjaċir tiegħu li r-rappreżentanti kollha tal-oppożizzjoni demokratika fil-Belarussja ma setgħux ikunu preżenti, b'mod partikolari l-priġunier politiku Sergei Tikhanovsky, kif ukoll Mikola Statkevich u Maria Kalesnikava, b'dawn it-tnejn tal-aħħar ikunu rappreżentati mill-membri tal-familja tagħhom, Maria Adamovic u Tatiana Khomich.

Fl-aħħar nett, iġedded l-appell tiegħu għall-ħelsien tar-rebbieħa tal-Premju Sakharov Ilham Tothi, Raif Badawi u Nasrin Sotoudeh, li għadhom il-ħabs sal-ġurnata tal-lum.

(Ħin li fih ġiet sospiża s-seduta: 12.40.)