7.1. Comhdhéanamh Pharlaimint na hEorpa *** (vótáil)

Tuarascálacha focal ar fhocal

Moladh ar an dréachtchinneadh ón gComhairle Eorpach lena mbunaítear comhdhéanamh Pharlaimint na hEorpa [00013/2023 - C9-0319/2023 - 2023/0900(NLE)] - An Coiste um Ghnóthaí Bunreachtúla. Rapóirtéirí: Loránt Vincze agus Sandro Gozi (A9-0265/2023)

(Tromlach de na vótaí a chaitear is gá)

DRÉACHTCHINNEADH ÓN gCOMHAIRLE EORPACH

Formheasta (P9_TA(2023)0311)
(Iarscríbhinn 'Torthaí na vótála', ítim 1)

Thug an Pharlaimint a toiliú don dréachtchinneadh ón gComhairle Eorpach.

Cainteoirí

Johan Van Overtveldt (Cathaoirleach Choiste BUDG), roimh an vótáil, chun ráiteas a mholadh á rá go bhfuil an dréachtchinneadh maidir le comhdhéanamh Pharlaimint na hEorpa gan dochar do shainchumais Pharlaimint na hEorpa agus na Comhairle faoin nós imeachta buiséadach bliantúil, agus go gcumhdaítear le haithris 5 den dréachtchinneadh réimsí nach dtagann faoi shainchúram na Comhairle Eorpaí. Is faoi Pharlaimint na hEorpa agus faoin gComhairle amháin atá sé cinneadh a dhéanamh maidir le hinneachar bhuiséad an Aontais i gcomhréir leis na nósanna imeachta a leagtar síos in Airteagal 314 den Chonradh ar Fheidhmiú an Aontais Eorpaigh (thug an tUachtarán an méid sin dá haire agus gheall sí an dearbhú sin a chur ar aghaidh).

SA CHATHAOIR: Evelyn REGNER
Leas-Uachtarán