TITOLU
I
: MEMBRI, KORPI TAL-PARLAMENT U GRUPPI POLITIĊI
KAPITOLU
4
: GRUPPI POLITIĊI
Artikolu
30
: Tiswir ta' gruppi politiċi
1.
Il-Membri jistgħu jingħaqdu fi gruppi skond l-affinitajiet politiċi tagħhom.
Il-Parlament normalment m'għandux għalfejn jevalwa l-affinità politika tal-membri ta' grupp. Meta jsawwru grupp flimkien skond dan l-Artikolu, il-Membri konċernati jaċċettaw bħala definizzjoni li huma għandhom affinità politika. Huwa biss meta din tiġi miċħuda mill-Membri konċernati li jkun meħtieġ li l-Parlament jevalwa jekk dan il-grupp ġiex imwaqqaf f'konformità mar-Regoli.
2.
Grupp politiku għandu jkun magħmul minn Membri eletti minn mhux inqas minn kwart ta' l-Istati Membri. In-numru ta’ Membri meħtieġ biex jissawwar grupp politiku għandu jkun ta’ ħamsa u għoxrin.
3.
Meta grupp jinżel taħt il-limitu meħtieġ, il-President, bi ftehim mal-Konferenza tal-Presidenti, jista’ jippermetti li l-grupp ikompli jeżisti sas-seduta kostituttiva tal-Parlament li jkun imiss, kemm-il darba jintlaħqu l-kundizzjonijiet li ġejjin:
-
il-membri jkomplu jirrappreżentaw mhux inqas minn wieħed minn kull ħames Stati Membri;
-
il-grupp ikun ilu jeżisti għal perjodu ta’ aktar minn sena.
Il-President m’għandux japplika din id-deroga fejn ikun hemm biżżejjed evidenza li wieħed jissuspetta li tkun qed tiġi abbużata.
4.
Membru ma jistax ikun f'iktar minn grupp wieħed.
5.
Il-President għandu jkun mgħarraf permezz ta' stqarrija meta jitwaqqaf grupp politiku. Din l-istqarrija għandha tispeċifika l-isem tal-grupp, il-membri u l-Bureau tiegħu.
6.
Din l-istqarrija għandha tiġi ppubblikata fil-Ġurnal Uffiċjali ta' l-Unjoni Ewropea.