TITOLU
II
: PROĊEDURI LEĠISLATTIVI, TAL-BAĠIT U OĦRAJN
KAPITOLU
1
: PROĊEDURI LEĠIŻLATTIVI - DISPOŻIZZJONIJIET ĠENERALI
Artikolu
39
: Aċċess għal dokumenti u l-għoti ta' informazzjoni lill-Parlament
1.
Matul il-proċedura leġiżlattiva kollha, il-Parlament u l-kumitati tiegħu għandhom jitolbu aċċess għad-dokumenti kollha li għandhom x'jaqsmu mal-proposti tal-Kummissjoni, bl-istess kundizzjonijiet li jgawdu l-Kunsill u l-gruppi ta' ħidma tiegħu.
2.
Waqt l-eżami ta' proposta tal-Kummissjoni, il-kumitat responsabbli għandu jitlob lill-Kummissjoni u lill-Kunsill biex iżommuh infurmat dwar il-progress ta' din il-proposta fi ħdan il-Kunsill u l-gruppi ta' ħidma tiegħu, u b'mod partikulari biex iżommuh infurmat dwar l-iżvilupp ta' kull kompromess li jkun se jemenda sostanzjalment il-proposta oriġinali tal-Kummissjoni jew dwar l-intenzjoni tal-Kummissjoni li tirtira l-proposta tagħha.