1.
Féadfaidh aon Fheisire leasuithe a chur síos lena mbreithniú i gcoiste.
2.
Féadfaidh coiste vótáil a dhéanamh go bailí nuair atá an ceathrú cuid dá chomhaltaí i láthair iarbhír. Má iarrann an séú cuid dá chuid comhaltaí é, áfach, sula gcuirtear tús leis an vótáil, ní bheidh an vótáil bailí ach amháin má tá tromlach na gcomhaltaí a chomhdhéanann an coiste páirteach inti.
3.
Is le taispeáint lámh a dhéanfar vótáil i gcoiste, mura rud é go n-iarrann an ceathrú cuid de chomhaltaí an choiste vótáil le glaoch rolla. Sa chás sin, déanfar an vótáil de réir Riail 167(2).
4.
Féadfaidh an Cathaoirleach páirt a ghlacadh i bpléití agus féadfaidh sé nó sí vótáil, ach ní bheidh vóta réitigh aige nó aici.
5.
I bhfianaise na leasuithe a chuirtear síos, féadfaidh an coiste, seachas dul ar aghaidh leis an vótáil, a iarraidh ar an rapóirtéir dréacht nua a chur faoina bhráid agus an oiread sin de na leasuithe is féidir á chur san áireamh. Socrófar teorainn ama nua ansin i gcomhair leasuithe ar an dréacht sin.