Artikolu  185  : Mozzjonijiet ta' proċedura

1.    Talbiet sabiex jitressqu mozzjonijiet ta' proċedura, jiġifieri:

(a)    mozzjoni ta' inammissibbiltà (Artikolu 187);

(b)    riferiment lura lill-kumitat (Artikolu 188);

(c)    l-għeluq ta' dibattitu (Artikolu 189);

(d)    l-aġġornament ta' dibattitu jew votazzjoni (Artikolu 190); jew

(e)    is-sospensjoni jew l-għeluq tas-seduta (Artikolu 191);

għandhom jieħdu preċedenza fuq talbiet sabiex tingħata l-kelma.

Barra minn dawk li ressqu l-mozzjonijiet, il-Membri li ġejjin biss għandhom jinstemgħu: kelliem wieħed kontra jew l-president jew ir-rapporteur tal-kumitat responsabbli.

2.    Il-ħin tad-diskorsi m'għandux jeċċedi l-minuta.