TITOLU I : MEMBRI, KORPI TAL-PARLAMENT U GRUPPI POLITIĊI
KAPITOLU 2 : UFFIĊJALI TAL-PARLAMENT
Artikolu 21 : Tmiem ta' kariga qabel iż-żmien
Il-Konferenza tal-Presidenti, permezz ta' maġġoranza ta' tlieta minn kull ħames voti mitfugħa, liema voti jirrappreżentaw mhux anqas minn tliet partiti politiċi, tista' tipproponi lill-Parlament jagħlaq iż-żmien tal-kariga tal-President, ta' Viċi President, ta' Kwestur, president jew viċi president ta' kumitat, ta' president jew ta’ viċi president ta' delegazzjoni interparlamentari, jew ta' kwalunkwe detentur ta' xi kariga elett mill-Parlament, fejn tqis li l-Membru in kwistoni jkun ħati ta' kondotta ħażina serja. Il-Parlament għandu jieħu deċiżjoni fuq dik il-proposta b'maġġoranza ta' żewg terzi tal-voti mitfugħa, li jirrappreżentaw il-maġġoranza tal-Membri li jagħmlu parti minnu.
Meta rapporteur jikser id-dispożizzjonijiet tal-Kodiċi ta' Kondotta tal-Membri tal-Parlament Ewropew fir-rigward ta' interessi finanzjarji u kunflitt ta' interess
(1), il-kumitat li ħatru jista', fuq l-inizjattiva tal-President u fuq proposta mill-Konferenza tal-Presidenti, itemm tali mandat. Il-maġġoranzi rikjesti fl-ewwel paragrafu għandhom japplikaw
mutatis mutandis għal kull stadju ta' din il-proċedura.