1. Qabel kull sessjoni parzjali l-abbozz tal-aġenda għandu jitħejja mill-Konferenza tal-Presidenti abbażi ta' rakkomandazzjonijiet mill-Konferenza tal-Presidenti tal-Kumitati.
Il-Kummissjoni u l-Kunsill jistgħu, fuq stedina tal-President, jattendu għad-deliberazzjonijiet tal-Konferenza tal-Presidenti dwar l-abbozz tal-aġenda.
2. L-abbozz tal-aġenda jista' jindika ħinijiet meta għandu jittieħed vot fuq ċerti punti li jkun previst l-eżami tagħhom.
3. L-aħħar abbozz tal-aġenda għandu jsir disponibbli għall-Membri mhux anqas minn tliet sigħat qabel il-bidu tas-sessjoni parzjali.