(Proċedura ta' kodeċiżjoni: it-tieni qari)

Il-Parlament Ewropew,

–   wara li kkunsidra l-pożizzjoni komuni tal-Kunsill (5893/5/2006 – C6-0310/2006)(1),

–   wara li kkunsidra l-pożizzjoni tiegħu fl-ewwel qari(2) dwar il-proposta tal-Kummissjoni lill-Parlament u lill-Kunsill (COM(2004)0142),(3)

–   wara li kkunsidra l-Artikolu 251(2) tat-Trattat KE,

–   wara li kkunsidra l-Artikolu 62 tar-Regoli ta' Proċedura tiegħu,

–   wara li kkunsidra r-rakkomandazzjoni għat-tieni qari tal-Kumitat għat-Trasport u t-Turiżmu (A6-0480/2006),

1.  Japprova l-pożizzjoni komuni kif emendata;

2.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

(1) ĠU C 289 E, 28.11.2006, p.42. (2) ĠU C 227 E, 21.9.2006, paġna 464. (3) Għadha mhix ippubblikata fil-ĠU.

IL-PARLAMENT EWROPEW U L-KUNSILL TA' L-UNJONI EWROPEA,

Wara li kkunsidraw it-Trattat li jistabbilixxi l-Komunità Ewropea, u b'mod partikolari l-Artikolu 71 tiegħu,

Wara li kkunsidraw l-proposta mill-Kummissjoni,

Wara li kkunsidraw l-opinjoni tal-Kumitat Ekonomiku u Soċjali Ewropew(1),

Wara li kkunsidraw l-opinjoni tal-Kumitat tar-Reġjuni(2),

Filwaqt li jaġixxu skond il-proċedura stabbilita fl-Artikolu 251 tat-Trattat(3),

Billi:

(1)  Id-Direttiva 2004/49/KE tal-Parlament Ewropew u tal-Kunsill tad-29 ta' April 2004 dwar is-sigurtà tal-linji tal-ferrovija tal-Komunità (4) teħtieġ mill-amministraturi ta' l-infrstruttura u impriżi ferrovjarji li jistabbilixxu s-sistemi tagħhom ta' l-immaniġġar tas-sigurtà b'tali mod li s-sistema tal-ferroviji tkun għall-inqas kapaċi tilħaq miri komuni ta' sigurtà u tikkonforma mar-regoli ta' sigurtà u r-rekwiżiti ta' sigurtà nazzjonali definiti fl-ispeċifikazzjonijiet tekniċi għall-interoperabbiltà ("TSIs") u li jiġu applikati l-partijiet relevanti tal-metodi komuni ta' sigurtà. Dawn is-sistemi ta' mmaniġġar tas-sigurtà jipprevedu, fost affarijiet oħra, programmi ta' taħriġ tal-persunal u sistemi li jiżguraw li tinżamm il-kompetenza tal-persunal u li d-dmirijiet jitwettqu bil-mod xieraq.

(2)  Id-Direttiva 2004/49/KE tipprevedi li impriża ferrovjarja għandha jkollha ċertifikat ta' sigurtà sabiex tkun tista' tingħata aċċess għall-infrastruttura tal-ferroviji.

(3)  Skond id-Direttiva tal-Kunsill 91/440/KEE tad-29 ta' Lulju 1991 dwar l-iżvilupp tal-linji tal-ferrovija tal-Komunità(5), l-impriżi ferrovjarji li jkollhom liċenzja għandhom, mill-15 ta' Marzu 2003, dritt ta' aċċess għar-retikolat tal-merkanzija trans-Ewropew għas-servizzi tal-merkanzija bil-ferroviji internazzjonali u, mill-2007 l-aktar tard, sejrin ikollhom dritt ta' aċċess għar-retikolat kollu fir-rigward tas-servizzi tal-merkanzija domestiċi u internazzjonali. Din l-estensjoni gradwali ta' drittijiet ta' aċċess sejra twassal inevitabbilment għal żieda fil-moviment ta' sewwieqa tal-ferroviji bejn fruntieri nazzjonali. Ir-riżultat sejjer ikun ta' domanda dejjem tikber għal sewwieqa mħarrġa u ċċertifikati sabiex joperaw f'aktar minn Stat Membru wieħed.

(4)  Studju li sar mill-Kummissjoni fl-2002 wera biċ-ċar il-fatt li l-liġijiet ta' l-Istati Membri dwar il-kondizzjonijiet ta' ċertifikazzjoni għas-sewwieqa tal-ferroviji ivarjaw b'mod konsiderevoli. Għandhom għalhekk jiġu adottati regoli Komunitarji għaċ-ċertifikazzjoni tas-sewwieqa tal-ferroviji sabiex jitneħħew dawn id-differenzi filwaqt li jinżamm il-livell għoli attwali ta' sigurtà tas-sistema tal-ferroviji fil-Komunità.

(5)  Tali regoli Komunitarji għandhom jikkontribwixxu wkoll għall-għanijiet tal-linji politiċi Komunitarji dwar il-libertà ta' moviment tal-ħaddiema, il-libertà ta' stabbiliment u l-libertà fil-provvista ta' servizzi fil-kuntest tal-politika komuni ta' trasport, filwaqt li tiġi evitata kull distorsjoni tal-kompetizzjoni.

(6)  L-iskop ta' dawn id-dispożizzjonijiet komuni għandu jkun fuq kollox li jagħmilha aktar faċli għas-sewwieqa tal-ferroviji li jiċċaqalqu minn Stat Membru għal ieħor, iżda wkoll li jagħmilha aktar faċli għalihom li jiċċaqalqu minn impriża ferrovjarja għal oħra, u ġeneralment li l-liċenzja u ċ-ċertifikati komplementari armonizzati jkunu rikonoxxuti mill-partijiet interessati kollha fis-settur tal-ferroviji. Għal dan il-għan, huwa essenzjali li d-dispożizzjonijiet jistabbilixxu rekwiżiti minimi li l-applikanti għandhom jissodisfaw sabiex jiksbu liċenzja jew ċertifikat komplementari armonizzat.

(7)  Din id-Direttiva ssegwi u hija fil-biċċa l-kbira tagħha bbażata fuq il-ftehim konġunti storiċi li ntlaħqu fis-27 ta' Jannar 2004 bejn il-Komunità tal-Ferroviji Ewropej (CER) u l-Federazzjoni Ewropea tal-Ħaddiema fit-Trasport (ETF) dwar il-liċenzja Ewropea għas-sewwieqa li jwettqu servizz ta' interoperabilità transkonfinali u dwar ċerti aspetti tal-kundizzjonijiet tax-xogħol ta' ħaddiema mobbli li jaħdmu f'servizzi transkonfinali interoperabbli(6).

(8)  Anke jekk Stat Membru jeskludi mill-kamp ta' applikazzjoni ta' din id-Direttiva sewwieqa li joperaw esklussivament fuq ċerti kategoriji ta' sistemi, retikolati u infrastruttura ferrovjarji, dan m'għandu bl-ebda mod jillimita l-obbligu ta' dak l-Istat Membru li jirrispetta l-validità ta' liċenzji fit-territorju kollu ta' l-Unjoni Ewropea jew ta' ċertifikati komplementari armonizzati fuq l-infrastruttura relevanti.

(9)  Ir-rekwiżiti għandhom ikopru mill-inqas l-età minima sabiex tinstaq ferrovija, il-kondizzjoni fiżika u psikoloġika fuq ix-xogħol ta' l-applikant, l-esperjenza professjonali u l-konoxxenza ta' ċerti materji marbuta mas-sewqan ta' ferrovija, kif ukoll ta' konoxxenza ta' l-infrastrutturi li fuqhom huwa jkun meħtieġ jopera u tal-lingwa użati fuqhom.

(10)  Sabiex tiżdied il-vijabilita' ekonomika tiegħu, it-taħriġ li s-sewwieqa tal-ferroviji għandhom jieħdu sabiex jiksbu ċertifikat komplementari armonizzat għandu jiffoka, sal-punt li dan ikun possibbli u mixtieq mill-aspett tas-sigurtà, fuq is-servizzi partikolari li s-sewwieq irid iwettaq, bħal, per eżempju, trasferiment ta' ferroviji (shunting), servizzi ta' manutenzjoni, servizzi relatati ma' passiġġieri jew ma' merkanzija. Meta ssir il-valutazzjoni ta' l-implementazzjoni ta' din id-Direttiva, l-Aġenzija Ewropea tal-Ferroviji (minn hawn 'il quddiem imsejħa "l-Aġenzija") għandha tevalwa l-ħtieġa li temenda r-rekwiżiti ta' taħriġ speċifikati fl-Anness sabiex jirriflettu aħjar l-istruttura ġdida emerġenti tas-suq.

(11)  L-impriżi ferrovjarji u l-amministraturi ta' l-infrastruttura li joħorġu ċertifikati komplementari armonizzati jistgħu, huma stess, jipprovdu taħriġ għal għarfien professjonali ġenerali, konoxxenza lingwistika, għarfien dwar tagħmir mobbli u dwar l-infrastruttura. Madankollu, fir-rigward ta' l-eżamijiet, kwalunkwe konflitt ta' interessi għandu jiġi evitat mingħajr ma tkun eskluża l-possibbiltà li eżaminatur jista' jappartjeni għall-impriża ferrovjarja jew għall-amministratur ta' l-infrastruttura li joħorġu ċ-ċertifikat komplementari armonizzat.

(12)  Qegħdin jiġu żviluppati kompetenzi tal-persunal u kondizzjonijiet ta' saħħa u ta' sigurtà fil-kuntest tad-direttivi ta' interoperabbiltà, b'mod partikolari bħala parti mill-"ġestjoni u operat tat-traffiku" tat-TSIs. Hemm il-ħtieġa li tiġi żgurata koerenza bejn dawn it-TSIs u l-Annessi ma' din id-Direttiva. Il-Kummissjoni ghandha tikseb dan billi timmodifika jew tadatta t-TSI relevanti għal din id-Direttiva u l-Annessi tagħha billi tuża l-proċeduri previsti fid-Direttiva tal-Kunsill 96/48/KE tat-23 ta' Lulju 1996 dwar l-interoperabilità tas-sistema ferrovjarja ta' veloċità għolja trans-Ewropea(7) u tad-Direttiva 2001/16/KE tal-Parlament Ewropew u tal-Kunsill tad-19 ta' Marzu 2001 dwar l-interoperabilità tas-sistema ferrovjarja konvenzjonali(8).

(13)  Ir-rekwiżiti li jappartjenu għal-liċenzji u għaċ-ċertifikati komplementari armonizzati stabbiliti f'din id-Direttiva għandhom jikkonċernaw biss il-kondizzjonijiet legali li jagħtu d-dritt lil sewwieq li jsuq ferrovija. Ir-rekwiżiti l-oħrajn kollha, kompatibbli mal-leġiżlazzjoni Komunitarja u applikati b'mod non-diskriminatorju, li jirrigwardaw l-impriżi ferrovjarji, l-amministraturi ta' l-infrastruttura, l-infrastruttura u t-tagħmir mobbli għandhom jiġu ugwalment rispettati qabel ma sewwieq ikun jista' jsuq ferrovija fuq infrastruttura speċifika.

(14)  Din id-Direttiva m'għandhiex tippreġudika l-implementazzjoni tad-Direttiva 95/46/KE tal-Parlament Ewropew u tal-Kunsill ta' l-24 ta' Ottubru 1995 dwar il-protezzjoni ta' individwi fir-rigward ta' l-ipproċessar ta' data personali u dwar il-moviment liberu ta' dik id-data(9), u lanqas tar-Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni ta' individwi fir-rigward ta' l-ipproċessar ta' data personali mill-istituzzjonijiet u l-korpi tal-Komunità u dwar il-moviment liberu ta' dik id-data(10).

(15)  Sabiex ikunu garantiti l-uniformità u t-trasparenza meħtieġa, il-Komunità għandha tistabbilixxi mudell wieħed ta' ċertifikazzjoni, rikonoxxut b'mod reċiproku mill-Istati Membri, li jservi bħala prova kemm tal-konformità tas-sewwieqa tal-ferroviji ma' ċerti kondizzjonijiet minimi, kif ukoll tal-kwalifiki professjonali u tal-konoxxenza lingwistika tagħhom, filwaqt li l-ħruġ ta' liċenzji jitħalla f'idejn l-awtoritajiet kompetenti fl-Istati Membri u l-ħruġ ta' ċertifikati komplementari armonizzati f'idejn l-impriżi ferrovjarji u l-amministraturi ta' l-infrastrutturi.

(16)  L-Aġenzija għandha teżamina wkoll l-użu ta' smartcard minflok liċenzja u ċertifikati komplementari armonizzati. Tali smartcard ikollha l-vantaġġ li tikkombina dawn iż-żewġ elementi f'ħaġa waħda u fl-istess ħin tkun tista' tintuża għal applikazzjonijiet oħra fis-settur tas-sigurtà jew għal finijiet tal-ġestjoni tas-sewwieqa.

(17)  L-informazzjoni kollha kontenuta fil-liċenzji, fiċ-ċertifikati komplementari armonizzati, u fir-reġistri ta' liċenzji u ta' ċertifikati komplementari armonizzati, għandha tintuża mill-awtoritajiet tas-sigurtà sabiex tkun faċilitata l-evalwazzjoni tal-proċess ta' ċertifikazzjoni tal-persunal prevista fl-Artikoli 10 u 11 tad-Direttiva 2004/49/KE u sabiex jitħaffef il-ħruġ taċ-ċertifikati ta' sigurtà previsti fl-istess Artikoli.

(18)  L-impjieg ta' sewwieqa tal-ferroviji ċertifikati skond din id-Direttiva ma għandux jeżonera lill-impriżi ferrovjarji u lill-amministraturi ta' l-infrastrutturi mill-obbligu tagħhom li jistabbilixxu sistema ta' monitoraġġ u ta' kontroll intern tal-kompetenza u l-imġieba tas-sewwieqa tal-ferroviji tagħhom skond l-Artikolu 9 u l-Anness III tad-Direttiva 2004/49/KE u għandu jifforma parti minn dik is-sistema. Iċ-ċertifikat komplementari armonizzat ma għandu jeżonera la lill-impriżi ferrovjarji u lanqas lill-amministraturi ta' l-infrastrutturi mir-responsabbiltà tagħhom għas-sigurtà u, b'mod partikolari, tat-taħriġ tal-persunal tagħhom.

(19)  Ċerti kumpanniji jipprovdu s-servizzi ta' sewwieqa lil impriżi ferrovjarji u amministraturi ta' infrastrutturi. F'tali każijiet, ir-responsabbiltà sabiex jiġi żgurat li sewwieq ikollu l-liċenzja u ċ-ċertifikat skond din id-Direttiva għandha taqa' fuq l-impriża ferrovjarja jew fuq l-amministratur ta' l-infrastruttura li jqabbdu b'kuntratt lis-sewwieq.

(20)  Sabiex it-trasport bil-ferroviji jibqa' jaħdem b'mod effettiv, is-sewwieqa tal-ferroviji li diġà jaħdmu f'dik il-professjoni qabel id-dħul fis-seħħ ta' din id-Direttiva għandhom iżommu d-l-awtorizzazzjonijiet miksuba tul perjodu ta' transizzjoni.

(21)  Għandhom jiġu evitati piżijiet amministrattivi u finanzjarji bla ħtieġa meta jiġu sostitwiti l-awtorizzazzjonijiet għas-sewqan maħruġa lil sewwieqa qabel l-applikazzjoni tad-dispożizzjonijiet relevanti ta' din id-Direttiva b'ċertifikati komplementari armonizzati u liċenzji li jkunu konformi ma' din id-Direttiva. Għalhekk, l-awtorizzazzjonijiet ta' sewqan mogħtija qabel lil sewwieq għandhom jiġu protetti kemm jista' jkun. Għandhom jitqiesu l-kwalifiki u l-esperjenza ta' kull sewwieq, jew grupp ta' sewwieqa, mill-korp emittenti meta l-awtorizzazzjonijiet ikollhom jiġu sostitwiti. L-entità emittenti għandha tiddeċiedi, abbażi tal-kwalifiki u/jew ta' l-esperjenza, jekk ikunx meħtieġ li sewwieq jew grupp ta' sewwieqa jagħmlu xi eżami u/jew taħriġ addizzjonali qabel ma jkunu jistgħu jirċievu liċenzji sostitwenti u ċertifikati komplementari armonizzati. Għalhekk, għandu jkun il-korp emittenti li jiddeċiedi jekk il-kwalifiki u/jew l-esperjenza humiex suffiċjenti għall-ħruġ tal-liċenzji u ċ-ċertifikati komplementari armonizzati meħtieġa, mingħajr ebda ħtieġa ta' eżami jew taħriġ ulterjuri.

(22)  Għandhom jiġu evitati piżijiet amministrattivi u finanzjarji bla ħtieġa meta sewwieqa tal-ferroviji jibdlu lil min jimpjegahom. Impriża ferrovjarja li tħaddem lil sewwieq għandha tqis il-kompetenzi miksuba qabel u għandha tiddispensa kemm jista' jkun mill-ħtieġa ta' eżamijiet u taħriġ addizzjonali.

(23)  Din id-Direttiva m'għandha tagħti ebda dritt ta' rikonoxximent reċiproku dwar awtorizzazzjonijiet ta' sewqan li sewwieqa jkunu kisbu qabel l-applikazzjoni ta' din id-Direttiva, għalkemm mingħajr preġudizzju għall-iskema ġenerali ta' rikonoxximent reċiproku mwaqqfa taħt id-Direttiva 2005/36/KE tal-Parlament Ewropew u tal-Kunsill tas-7 ta' Settembru 2005 dwar ir-rikonoxximent tal-kwalifiki professjonali(11), li għandha tibqa' tapplika sa l-aħħar tal-perijodu ta' transizzjoni.

(24)  Il-miżuri meħtieġa għall-implementazzjoni ta' din id-Direttiva għandhom jiġu adottati skond id-Deciżjoni tal-Kunsill 1999/468/KE tat-28 ta' Ġunju 1999 li tistabbilixxi l-proċeduri għall-eżerċizzju tas-setgħat ta' implementazzjoni konferiti lill-Kummissjoni(12).

(25)  B'mod partikulari, il-Kummissjoni għandha tkun mogħtija s-setgħa li tistabbilixxi miżuri ta' kamp ta' applikazzjoni ġenerali mfassla sabiex jemendaw l-elementi mhux essenzjali ta' din id-Direttiva, jew sabiex isaħħuha biż-żieda ta' elementi ġodda mhux essenzjali. Dawk il-miżuri għandhom ikunu adottati f'konformità mal-proċedura regolatorja bi skrutinju stabbilita fl-Artikolu 5a tad-Deċiżjoni 1999/468/KE.

(26)  Skond il-punt 34 tal-Ftehima Interistituzzjonali dwar it-tfassil aħjar tal-liġijiet(13), l-Istati Membri huma mħeġġa jfasslu, għalihom infushom u fl-interess tal-Komunità, it-tabelli tagħhom stess, li jillustraw, sa fejn ikun possibbli, il-korrelazzjoni bejn din id-Direttiva u l-miżuri ta' traspożizzjoni, u jagħmluhom pubbliċi.

(27)  L-Istati Membri għandhom jipprovdu għal kontrolli dwar il-konformità ma' din id-Direttiva u għat-teħid ta' azzjoni xierqa fejn sewwieq jikser xi dispożizzjoni ta' din id-Direttiva.

(28)  L-Istati Membri għandhom jipprovdu għal pieni xierqa għal ksur ta' dispożizzjonijiet nazzjonali li jimplementaw din id-Direttiva.

(29)  Ladarba l-għan ta' din id-Direttiva, jiġifieri t-twaqqif ta' qafas regolatorju komuni għaċ-ċertifikazzjoni tas-sewwieqa tal-ferroviji li joperaw lokomotivi u ferroviji għat-trasport ta' passiġġieri u merkanzija ma jistax jinkiseb suffiċjentement mill-Istati Membri, u jista' għalhekk, minħabba l-iskala u l-effetti ta' din id-Direttiva, jinkiseb aħjar fil-livell Komunitarju, il-Komunità tista' tadotta miżuri skond il-prinċipju tas-sussidjarjetà kif stabbilit fl-Artikolu 5 tat-Trattat. Skond il-prinċipju ta' proporzjonalità, kif stabbilit f'dak l-Artikolu, din id-Direttiva ma tmurx lil hinn minn dak li hu meħtieġ sabiex jinkiseb dak l-għan.

(30)  Jista' jirriżulta xieraq, għall-finijiet tal-vijabilita' ekonomika, li għal perijodu limitat ta' żmien sewwieqa li jaħdmu esklussivament fuq it-territorju ta' Stat Membru wieħed jiġu eżentati mill-applikazzjoni tad-dispożizzjonijiet ta' din id-Direttiva li jirrigwardaw l-obbligu għal tali sewwieqa li jkollhom liċenzji u ċertifikati komplementari armonizzati konformement ma' din id-Direttiva. Il-kondizzjonijiet li jirregolaw kwalunkwe eżenzjoni bħal dawn għandhom jiġu definiti b'mod ċar.

(31)  Stat Membru li ma jkollux sistema tal-ferroviji, u l-ebda prospettiva immedjata li jkollu waħda, ikun sottopost għal obbligu sproporzjonat u bla fini kieku kellu jittrasponi u jimplementa d-dispożizzjonijiet ta' din id-Direttiva. Għalhekk, tali Stat Membru għandu jiġi eżentat, sa fejn ma jkollux sistema tal-ferroviji, mill-obbligu li jittrasponi u jimplementa din id-Direttiva,

ADOTTAW DIN ID-DIRETTIVA:

Kapitolu I

Suġġett, kamp ta' applikazzjoni u definizzjonijiet

Artikolu 1

Is-suġġett

Din id-Direttiva tistabbilixxi l-kondizzjonijiet u l-proċeduri għaċ-ċertifikazzjoni tas-sewwieqa tal-ferroviji li joperaw lokomotivi u ferroviji u membri oħra ta' l-ekwipaġġ li jwettqu xogħol marbut mas-sigurtà fuq is-sistema ferrovjarja tal-Komunità. Għal dan l-għan, hija tispeċifika wkoll il-kompiti li għalihom huma responsabbli l-awtoritajiet kompetenti ta' l-Istati Membri, is-sewwieqa tal-ferroviji u l-partijiet interessati l-oħra fis-settur, b'mod partikolari l-impriżi ferrovjarji, l-amministraturi ta' l-infrastruttura u ċ-ċentri ta' taħriġ.

Artikolu 2

Kamp ta' applikazzjoni

1.  Din id-Direttiva tapplika għal sewwieqa ta' ferroviji li joperaw lokomotivi u ferroviji fuq is-sistema tal-ferroviji tal-Komunità u għal membri oħra ta' l-ekwipaġġ li jwettqu xogħol marbut mas-sigurtà għal impriża ferrovjarja li teħtieġ ċertifikat ta' sigurtà jew amministratur ta' l-infrastruttura li jeħtieġ awtorizzazzjoni ta' sigurtà.

2.  L-Istati Membri m'għandhomx, abbażi ta' dispożizzjonijiet nazzjonali relattivi għal persunal ieħor abbord ferroviji tal-merkanzija, iżommu ferroviji tal-merkanzija milli jaqsmu fruntieri jew jipprovdu trasport domestiku fit-territorju tagħhom.

3.  Mingħajr preġudizzju għad-dispożizzjonijiet ta' l-Artikolu 7, l-Istati Membri jistgħu jeskludu, mill-miżuri li jadottaw fl-implementazzjoni ta' din id-Direttiva, sewwieqa tal-ferroviji li joperaw esklussivament fuq:

Artikolu 3

Definizzjonijiet

h)  "Aġenzija" tfisser l- Aġenzija Ewropea tal-Ferroviji stabbilita mir-Regolament (KE) Nru 881/2004 tal-Parlament Ewropew u tal-Kunsill tad-29 ta' April 2004(15);

Kapitolu II

Ċertifikazzjoni ta' sewwieqa

Artikolu 4

Mudell Komunitarju ta' ċertifikazzjoni

1.  Is-sewwieqa kollha tal-ferroviji għandhom ikunu idonei u jkollom il-kwalifiki meħtieġa sabiex isuqu l-ferroviji u għandhom ikollhom fil-pussess tagħhom id-dokumenti li ġejjin:

2.  Madankollu, ir-rekwiżit tal-pussess ta' ċertifikat għal parti speċifika ta' infrastruttura ma għandux japplika fil-każijiet eċċezzjonali elenkati hawn taħt, sakemm ikun hemm sewwieq ieħor tal-ferrovija li jkollu ċertifikat validu għall-infrastruttura konċernata ma' ġenb is-sewwieq matul is-sewqan:

L-użu ta' din il-possibbiltà għandha tkun deċiżjoni ta' l-impriża ferrovjarja u ma tistax tiġi imposta mill-amministratur ta' l-infrastrattura relevanti jew mill-awtorità kompetenti.

Kull meta jiġi utilizzat sewwieq addizzjonali kif previst hawn fuq, l-amministratur ta' l-infrastruttura għandu jiġi mgħarraf minn qabel.

3.  Iċ-ċertifikat għandu jawtorizza sewqan f'waħda jew fiż-żewġ kategoriji li ġejjin:

Ċertifikat jista' jkollu awtorizzazzjoni għall-kategoriji kollha, u jkopri l-kodiċijiet kollha kif imsemmi fil-paragrafu 4.

4.  Sa ... (16), il-Kummissjoni għandha tadotta, skond il-proċedura regolatorja bi skrutinju msemmija fl-Artikolu 33(3), u abbażi ta' abbozz preparat mill-Aġenzija, il-miżuri mfassla biex jemendaw l-elementi mhux essenzjali ta' din id-Direttiva, billi jsaħħuha, li jikkonċernaw mudell Komunitarju għal-liċenzja, għaċ-ċertifikat u għall-kopja awtentikata taċ-ċertifikat, kif ukoll tiddetermina l-karatteristiċi fiżiċi tagħhom. Meta tagħmel dan, il-Kummissjoni għandha tqis miżuri ta' kontra l-falsifikazzjoni.

Sa ... *, il-Kummissjoni għandha tadotta l-miżuri mfassla sabiex jemendaw l-elementi mhux essenzjali ta' din id-Direttiva, billi jsaħħuha, li jikkonċernaw il-Kodiċijiet Komunitarji għat-tipi differenti fil-kategoriji A u B kif imsemmi fil-paragrafu 3, skond il-proċedura regolatorja bi skrutinju msemmija fl-Artikolu 33(3) u abbażi ta' rakkomandazzjoni mill-Aġenzija.

Artikolu 5

Miżuri kontra l-falsifikazzjoni

L-awtoritajiet kompetenti u l-korpi tal-ħruġ għandhom jieħdu l-passi kollha meħtieġa sabiex jiġu evitati r-riskji ta' falsifikazzjoni ta' liċenzji u ċertifikati u ta' tbagħbis fir-reġistri previsti fl-Artikolu 23.

Artikolu 6

Drittijiet ta' proprjeta', lingwa u korpi emittenti

1.  Liċenzja għandha tkun il-proprjetà tad-detentur tagħha u għandha tinħareġ mill-awtorità kompetenti msemmija fl-Artikolu 3, punt (a). Fejn awtorità kompetenti jew l-aġent tagħha joħorġu liċenzja b'lingwa nazzjonali li ma tkunx lingwa Komunitarja, għandhom ifasslu verżjoni bilingwistika tal-liċenzja li tinkludi waħda mil-lingwi Komunitarji.

2.  L-awtorità kompetenti tista' tiddelega dan ix-xogħol biss skond it-termini stipulata fl-Artikolu 20.

3.  Ċertifikat għandu jinħareġ mill-impriża ferrovjarja jew mill-amministratur ta' l-infrastruttura li jimpjega jew iqabbad b'kuntratt lis-sewwieq. Iċ-ċertifikat għandu jkun il-proprjetà ta' l-impriża jew ta' l-amministratur li joħorġuh. Madankollu, skond l-Artikolu 13(3) tad-Direttiva 2004/49/KE, is-sewwieqa għandhom ikunu intitolati li jakkwistaw kopja awtentikata. Fejn impriża ferrovjarja jew amministratur ta' infrastruttura joħorġu ċertifikat b'lingwa nazzjonali li ma tkunx lingwa Komunitarja, għandhom ifasslu verżjoni bilingwistika taċ-ċertifikat bl-użu ta' waħda mil-lingwi Komunitarji.

Artikolu 7

Validità ġeografika

1.  Il-liċenzji għandhom ikunu validi fit-territorju kollu tal-Komunità.

2.  Iċ-ċertifikati għandhom ikunu validi biss fuq dawk l-infrastrutturi u t-tagħmir mobbli identifikati fuqu.

Artikolu 8

Rikonoxximent reċiproku

1.  Ladarba s-sewwieqa jkollhom il-liċenzja u ċ-ċertifikat maħruġ skond din id-Direttiva, ikunu jistgħu jsuqu l-ferroviji sakemm l-impriża tat-trasport ferrovjarju jew l-amministratur ta' l-infrastruttura responsabbli għat-trasport ikkonċernat ikollu ċertifikat ta' sigurtà jew awtorizzazzjoni ta' sigurtà, u biss fuq in-netwerk kopert sew miċ-ċertifikat u miċ-ċertifikat ta' sikurezza, jew mill-awtorizzazzjoni ta' sigurtà.

2.  Il-liċenzji maħruġa minn Stat Membru bi qbil ma din id-Direttiva għandhom ikunu rikonoxxuti mill-Istati Membri l-oħra.

Artikolu 9

Rikonoxximent tad-dokumenti ta' ċertifikazzjoni ta' sewwieqa tal-ferroviji minn pajjiżi terzi

Id-dokumenti ta' ċertifikazzjoni ta' sewwieqa tal-ferroviji minn pajjiżi terzi li joperaw esklussivament f'taqsimiet ta' qsim tal-fruntiera tas-sistema ferrovjarja ta' Stat Membru jistgħu jiġu rikonoxxuti minn dak l-Istat Membru skond kwalunkwe ftehim bilaterali mal-pajjiż terz in kwistjoni.

Kapitolu III

Kondizzjonijiet sabiex jinkisbu l-liċenzja u ċ-ċertifikat

Artikolu 10

Rekwiżiti minimi

1.  Sabiex jiksbu liċenzja, l-applikanti għandhom jissodisfaw ir-rekwiżiti minimi stabbiliti fl-Artikoli 11 u 12 sabiex jiksbu ċertifikat u sabiex dan jibqa' validu, l-applikanti għandhom ikollhom liċenzja u jissodisfaw ir-rekwiżiti minimi stabbiliti fl-Artikoli 13 u 14.

2.  Stat Membru jista' japplika rekwiżiti aktar stretti fir-rigward tal-ħruġ ta' liċenzji fuq it-territorju tiegħu. Madankollu, huwa għandu jirrikonoxxi liċenzji maħruġa minn Stati Membri oħra skond l-Artikolu 7.

TAQSIMA I

LIĊENZJA

Artikolu 11

Età minima

L-Istati Membri għandhom jippreskrivu l-età minima ta' l-applikanti għal-liċenzja, li għandha tkun mill-inqas ta' 20 sena. Madankollu, Stat Membru jista' joħroġ liċenzji lil applikanti mill-età ta' 18-il sena, u l-validità ta' tali liċenzja tkun limitata għat-territorju ta' l-Istat Membru emittenti.

Artikolu 12

Rekwiżiti bażiċi

1.  L-applikanti għandhom ikunu lestew b'suċċess mill-inqas disa' snin ta' edukazzjoni (primarja u sekondarja) u jkunu temmew b'suċċess taħriġ bażiku ekwivalenti għal-livell 3 imsemmi fid-Deċiżjoni tal-Kunsill 85/368/KEE tas-16 ta' Lulju 1985 dwar il-komparabbiltà tal-kwalifiki ta' taħriġ professjonali bejn l-Istati Membri tal-Komunità Ewropea(17).

2.  L-applikanti għandhom jipprovdu konferma tal-kondizzjoni fiżika tagħhom billi jgħaddu minn eżami mediku li jitmexxa minn, jew taħt is-superviżjoni ta' - kif deċiż mill-Istat Membru - tabib rikonoxxut jew akkreditat skond l-Artikolu 21. L-eżami għandu jkopri ta' l-inqas il-kriterji indikati fit-taqsimiet 1.1, 1.2, 1.3 u 2.1 ta' l-Anness II.

3.  L-applikanti għandhom juru l-idoneità psikoloġika tagħhom għax-xogħol billi jgħaddu minn eżami li jitmexxa minn, jew taħt is-superviżjoni ta' - kif deċiż mill-Istat Membru - psikologu jew tabib rikonoxxut jew akkreditat skond l-Artikolu 21. L-eżami għandu jkopri ta' l-inqas il-kriterji indikati fit-taqsima 2.2 ta' l-Anness II.

4.  L-applikanti għndhom ikunu wrew il-kompetenza professjonali ġenerali tagħhom billi jgħaddu minn eżami li jkopri għall-inqas is-suġġetti ġenerali elenkati fl-Anness IV.

TAQSIMA II

ĊERTIFIKAT

Artikolu 13

Konoxxenza lingwistika

Il-kriterju tal-konoxxenza lingwistika msemmi fl-Anness VI għandu jiġi sodisfatt għall-infrastruttura li għaliha ssir l-applikazzjoni għaċ-ċertifikat.

Artikolu 14

Kwalifiki professjonali

1.  L-applikanti għandhom ikunu għaddew minn eżami tal-konoxxenza u tal-kompetenza professjonali tagħhom fir-rigward tat-tagħmir mobbli li għalih ikunu jixtiequ jiksbu ċ-ċertifikat. Dan l-eżami għandu jinkludi għall-inqas is-suġġetti ġenerali elenkati fl-Anness V.

2.  L-applikanti għandhom ikunu għaddew minn eżami tal-konoxxenza u tal-kompetenza professjonali tagħhom fir-rigward ta' l-infrastrutturi li għalihom ikunu jixtiequ jiksbu ċ-ċertifikat. Dan l-eżami għandu jkopri ta' l-inqas is-suġġetti ġenerali elenkati fl-Anness VI. Fejn xieraq, l-eżami għandu jkopri wkoll il-konoxxenza lingwistika skond it-Taqsima 8 ta' l-Anness VI.

3.  L-applikanti għandhom jiġu mħarrġa mill-impriża ferrovjarja jew mill-amministratur ta' l-infrastruttura rigward is-sistema ta' l-immaniġġar tas-sigurtà prevista mid-Direttiva 2004/49/KE.

Kapitolu IV

Proċedura sabiex jinkisbu l-liċenzja u ċ-ċertifikat

Artikolu 15

Ksib ta' liċenzja

1.  L-awtorità kompetenti għandha tippubblika l-proċedura li għandha tiġi segwita sabiex tinkiseb liċenzja.

2.  L-applikazzjonijiet kollha għal liċenzji għandhom jiġu preżentati lill-awtorità kompetenti mis-sewwieq kandidat jew minn kwalunkwe entità f'ismu.

3.  L-applikazzjonijiet preżentati lill-awtorità kompetenti jistgħu ikunu għall-għoti ta' liċenzja ġdida, għall-aġġornament tad-dettalji tal-liċenzja, għat-tiġdid ta' liċenzja jew għad-duplikat ta' liċenzja.

4.  L-awtorità kompetenti għandha toħroġ il-liċenzja kemm jista' jkun malajr u mhux aktar tard minn xahar minn meta tirċievi d-dokumenti kollha meħtieġa.

5.  Il-liċenzja għandha tkun valida għal 10 snin, suġġett għall-Artikolu 17(1).

6.  Il-liċenzja għandha tinħareġ f'oriġinali unika. Kwalunkwe duplikazzjoni ta' liċenzja, barra minn dik li ssir mill-awtorità kompetenti fejn jiġi mitlub duplikat, għandha tkun ipprojbita.

Artikolu 16

Ksib ta' ċertifikat

Kull impriża ferrovjarja u kull amministratur ta' infrastruttura għandhom jistabbilixxu l-proċeduri tagħhom stess għall-ħruġ jew l-aġġornament ta' ċertifikati skond din id-Direttiva, bħala parti mis-sistema ta' l-immaniġġar tas-sigurtà tagħhom, kif ukoll proċeduri ta' appell li jippermettu lis-sewwieqa jitolbu reviżjoni ta' deċiżjoni relatata mal-ħruġ, ma' l-aġġornament, mas-sospensjoni jew ma' l-irtirar ta' ċertifikat.

L-impriżi ferrovjarji u l-amministraturi ta' l-infrastruttura għandhom jaġġornaw, mingħajr dewmien, ċertifikat kull meta d-detentur taċ-ċertifikat ikun kiseb awtorizzazzjonijiet addizzjonali rigward it-tagħmir mobbli jew għall-infrastruttura.

Artikolu 17

Kontrolli perjodiċi

1.  Sabiex liċenzja tibqa' valida, id-detentur tagħha għandu jgħaddi minn eżamijiet u/jew testijiet perjodiċi relatati mar-rekwiżiti msemmija fl-Artikolu 12(2) u (3). Fir-rigward ta' rekwiżiti mediċi, il-frekwenza minima għandha tiġi osservata skond id-dispożizzjonijiet tat-taqsima 3.1 ta' l-Anness II. Dawn il-kontrolli mediċi għandhom isiru minn, jew taħt is-superviżjoni ta', tobba rikonoxxuti jew akkreditati skond l-Artikolu 21. Għal dak li jirrigwarda l-konoxxenza professjonali ġenerali, għandhom japplikaw id-dispożizzjonijiet ta' l-Artikolu 24(8).

Meta ġġedded liċenzja, l-awtorità kompetenti għandha tivverifika fir-reġistru previst fl-Artikolu 23 (1)(a) li s-sewwieq issodisfa r-rekwiżiti msemmija fl-ewwel subparagrafu ta' dan il-paragrafu.

2.  Sabiex ċertifikat jibqa' validu, id-detentur tiegħu għandu jgħaddi minn eżamijiet u/jew testijiet perjodiċi relatati mar-rekwiżiti msemmija fl-Artikoli 13 u 14. Il-frekwenza ta' dawn l-eżamijiet u/jew testijiet għandha tiġi determinata mill-impriża ferrovjarja jew mill-amministratur ta' l-infrastruttura li jimpjegaw jew iqabbdu b'kuntratt lis-sewwieq skond is-sistema ta' immaniġġar tas-sigurtà tagħhom, u għandha tirrispetta l-frekwenzi minimi stabbiliti fl-Anness VII.

Għal kull wieħed minn dawn il-kontrolli l-korp emittenti għandha tikkonferma bi stqarrija fuq iċ-ċertifikat u fir-reġistru stabbilit fl-Artikolu 23 (2)(a) li s-sewwieq issodisfa r-rekwiżiti msemmija fl-ewwel subparagrafu ta' dan il-paragrafu.

3.  Fejn jonqos li jsir xi kontroll perjodiku jew fejn xi kontroll perjodiku jagħti riżultat negattiv, għandha tiġi applikata l-proċedura stabbilita fl-Artikolu 19.

Artikolu 18

Waqfien ta' impjieg

Meta sewwieq jieqaf mix-xogħol għal impriża ferrovjarja jew amministratur ta' infrastruttura, dawn għandhom jinformaw lill-awtorità kompetenti mingħajr dewmien.

Il-liċenzja għandha tibqa' valida, sakemm ikunu sodisfatti l-kondizzjonijiet fl-Artikolu 17(1).

Iċ-ċertifikat għandu jsir invalidu meta d-detentur tiegħu jieqaf jaħdem bħala sewwieq. Madankollu, id-detentur tiegħu għandu jirċievi kopja awtentikata tiegħu u tad-dokumenti kollha li jagħtu prova tat-taħriġ, tal-kwalifiki, ta' l-esperjenza u tal-kompetenzi professjonali tiegħu. Meta jinħareġ ċertifikat lil sewwieq, l-impriża ferrovjarja jew l-amministratur ta' l-infrastruttura għandhom iqisu dawk id-dokumenti kollha.

Artikolu 19

Monitoraġġ tas-sewwieqa minn impriżi ferrovjarji u amministraturi ta' l-infrastruttura

1.  L-impriżi ferrovjarji u l-amministraturi ta' l-infrastrutturi għandhom ikunu meħtieġa jiżguraw, u jivverifikaw, li l-liċenzji u ċ-ċertifikati tas-sewwieqa li jimpjegaw jew li jqabbdu b'kuntratt ikunu validi.

Għandhom iwaqqfu sistema għall-monitoraġġ tas-sewwieqa tagħhom. Jekk ir-riżultati ta' tali monitoraġġ iqajmu xi dubbju dwar il-kompetenza ta' sewwieq fix-xogħol u dwar il-kontinwazzjoni tal-validità tal-liċenzja jew ċertifikat tiegħu, l-impriżi ferrovjarji u l-amministraturi ta' l-infrastruttura għandhom jieħdu l-azzjoni meħtieġa minnufih.

2.  Jekk ikun hemm kwalunkew bidla fl-istat ta' saħħa ta' sewwieq tal-ferroviji li jista' jqajjem xi dubbju dwar l-idoneità tiegħu għax-xogħol jew għat-tkomplija tiegħu għall-liċenzja jew għaċ-ċertifikat, min iħaddem jew is-sewwieq, skond il-każ, għandu jinforma l-awtorità kompetenti mingħajr dewmien.

3.  Jekk l-awtorità kompetenti ssib jew tkun infurmata li sewwieq tal-ferrovija ma għadux jissodisfa rekwiżit jew aktar, għandha tirtira l-liċenzja minnufih u tinforma lill-parti kkonċernata u lil min ikun qed iħaddem mid-deċiżjoni raġjonata tagħha, mingħajr preġudizzju għad-dritt ta' reviżjoni previst fl-Artikolu 22. Is-sospensjoni għandha tkun temporanja jew permanenti skond l-iskala tal-problemi li toħloq għas-sigurtà ferrovjarja. L-awtorità kompetenti għandha taġġorna r-reġistru previst fl-Artikolu 23(1). Hekk kif ikun informat, min iħaddem għandu jirtira ċ-ċertifikat, temporanjament jew permanentament, skond ir-raġunijiet mogħtija mill-awtorità kompetenti. Min iħaddem għandu jaġġorna r-reġistru previst fl-Artikolu 23(2).

Jekk min iħaddem isib li sewwieq tal-ferrovija ma għadux jissodisfa rekwiżit jew aktar, għandu jirtira ċ-ċertifikat u jinforma minnufih lil-parti kkonċernata u lill-awtorità kompetenti tad-deċiżjoni raġjonata tiegħu. L-awtorità kompetenti għandha taġġorna r-reġistru previst fl-Artikolu 23(2).

4.  L-Istati Membri għandhom jiżguraw li f'każijiet fejn tkun irtirata liċenzja jew ċertifikat issir dispożizzjoni għal evalwazzjoni indipendenti u, fejn xieraq, proċedura ta' stabbiliment mill-ġdid. L-impjegat ikkonċernat jista' jitlob din il-proċedura.

5.  L-Istati Membri għandhom jieħdu l-passi meħtieġa kollha sabiex jevitaw ir-riskji ta' falsifikazzjoni tal-liċenzji u taċ-ċertifikati u ta' tbagħbis mar-reġistri previsti fl-Artikolu 23. Dawk li jħaddmu jkunu meħtieġa li jiżguraw u jikkontrollaw li l-liċenzji u ċ-ċertifikati tas-sewwieqa tal-ferroviji tagħhom li jkunu fis-servizz ikunu għadhom validi.

Kapitolu V

Kompiti u deċiżjonijiet ta' l-awtorità kompetenti

Artikolu 20

Kompiti ta' l-awtorità kompetenti

1.  L-awtorità kompetenti għandha twettaq il-kompiti li ġejjin b'mod trasparenti u mhux diskriminatorju:

L-awtorità kompetenti għandha twieġeb malajr għal talbiet għal informazzjoni u għandha tippreżenta kwalunkwe talba għal informazzjoni addizzjonali mingħajr dewmien meta tipprepara liċenzji.

2.  L-awtorità kompetenti ma għandhiex tiddelega l-kompiti msemmija fil-punti (c), (f), (g) u (i) tal-paragrafu 1 lil persuni terzi.

3.  Kwalunkwe delegazzjoni ta' kompiti għandha tkun trasparenti u mhux diskriminatorja u ma għandha toħloq ebda kunflitt ta' interessi.

4.  Fejn awtorità kompetenti tiddelega jew tagħti b'kuntratt il-kompiti msemmija fil-punti (a) jew (b) tal-paragrafu 1 lil impriża ferrovjarja, għandu jkun hemm konformità għall-inqas ma' waħda minn dawn iż-żewġ kondizzjonijiet:

5.  Fejn awtorità kompetenti tiddelega jew tagħti b'kuntratt xi kompiti, ir-rappreżentant awtorizzat jew il-kuntrattur għandu jkun meħtieġ, fit-twettiq ta' tali kompiti, li jikkonforma ma' l-obbligi imposti fuq awtoritajiet kompetenti minn din id-Direttiva, b'mod partikolari:

6.  Fejn awtorità kompetenti tiddelega jew tagħti b'kuntratt xi kompiti, hija għandha twaqqaf sistema ta' verifika dwar kif dawk il-kompiti ikunu ġew imwettqa u għandha tiżgura li jkun hemm konformità mal-kondizzjonijiet stabbiliti fil-paragrafi 2, 4 u 5.

Artikolu 21

Akkreditament u rikonoxximent

1.  Persuni jew korpi akkreditati taħt din id-Direttiva għandhom jiġu akkreditati minn korp ta' akkreditament maħtura mill-Istat Membru kkonċernat. Il-proċess ta' akkreditament għandu jkun ibbażat fuq kriterji ta' indipendenza, kompetenza u imparzjalità, bħall-istandards Ewropej relevanti tas-serje EN 45000 u fuq il-valutazzjoni ta' dossier preżentat mill-kandidati li jagħti prova adegwata tal-ħiliet tagħhom fil-qasam in kwistjoni.

2.  Bħala alternattiva għall-akkreditament previst fil-paragrafu 1, Stat Membru jista' jipprovdi li persuni jew korpi rikonoxxuti taħt din id-Direttiva għandhom jiġu rikonoxxuti mill-awtorità kompetenti jew minn korp maħtur mill-Istat Membru kkonċernat. Ir-rikonoxximent għandu jkun ibbażat fuq kriterji ta' indipendenza, kompetenza u imparzjalità. Madankollu, f'każijiet fejn il-kompetenza partikolari tkun estremament rara, għandha tiġi permessa eċċezzjoni għal din ir-regola wara li tingħata opinjoni pożittiva mill-Kummissjoni skond il-proċedura msemmija fl-Artikolu 33(2).

Il-kriterju ta' indipendenza ma' japplikax fil-każ tat-taħriġ imsemmi fl-Artikolu 24(5)u (6).

3.  L-awtorità kompetenti għandha tiżgura l-pubblikazzjoni u l-aġġornament ta' reġistru ta' persuni u korpi li ġew akkreditati jew rikonoxxuti taħt din id-Direttiva.

Artikolu 22

Deċiżjonijiet ta' l-awtorità kompetenti

1.  L-awtorità kompetenti għandha tiddikjara r-raġunijiet għad-deċiżjonijiet tagħha.

2.  L-awtorità kompetenti għandha tiżgura li tiġi mwaqqfa proċedura amministrattiva ta' appell li tippermetti lil min jimpjega u lis-sewwieqa sabiex jitolbu reviżjoni ta' deċiżjoni relatata ma' kwalukwe applikazzjoni taħt din id-Direttiva.

3.  L-Istati Membri għandhom jieħdu l-passi meħtieġa sabiex jiżguraw ir-reviżjoni ġudizzjarja tad-deċiżjonijiet meħuda minn awtorità kompetenti.

Artikolu 23

Reġistri u skambju ta' informazzjoni

1.  L-awtoritajiet kompetenti għandhom ikunu meħtieġa li:

2.  Kull impriża ferrovjarja u amministratur ta' l-infrastruttura għandhom ikunu meħtieġa li:

3.  Is-sewwieqa tal-ferroviji għandhom il-ħin kollu jkollhom aċċess għad-data li tikkonċernahom li tkun maħżuna fir-reġistri ta' l-awtoritajiet kompetenti u ta' intrapriżi ferrovjarji u għandhom ikunu provduti b'kopja ta' dik id-data fuq talba.

4.  L-awtoritajiet kompetenti għandhom jikkoperaw ma' l-Aġenzija sabiex tiġi żgurata l-interoperabbiltà tar-reġistri previsti fil-paragrafi (1) u (2). Għal dan il-għan il-Kummissjoni għandha tadotta sa mhux aktar tard mill- ...(18), skond il-proċedura regolatorja bi skrutinju msemmija fl-Artikolu 33(3) u abbażi ta' abbozz preparat mill-Aġenzija, il-miżuri mfassla sabiex jigu emendati l-elementi mhux essenzjali ta' din id-Direttiva, billi jsaħħuha, li jikkonċernaw il-parametri bażiċi tar-reġistri li għandhom jiġu stabbiliti, bħad-data li għandha tiġi reġistrata, il-format tagħhom u l-protokoll dwar l-iskambju tad-data, id-drittijiet ta' aċċess, it-tul ta' żmien taż-żamma tad-data u l-proċeduri li għandhom jiġu segwiti f'każijiet ta' falliment.

5.  L-awtoritajiet kompetenti, l-amministraturi ta' l-infrastruttura u l-impriżi ferrovjarji għandhom jiżguraw li r-reġistri previsti fil-paragrafi 1 u 2 u l-modi ta' operazzjoni ta' tali reġistri jkunu konformi mad-Direttiva 95/46/KE.

6.  L-Aġenzija għandha tiżgura li s-sistema stabbilita taħt il-paragrafu 2, punti (a) u (b), tkun konformi mar-Regolament (KE) Nru 45/2001.

Kapitolu VI

Taħriġ u eżami ta' sewwieqa

Artikolu 24

Taħriġ

1.  It-taħriġ tas-sewwieqa għandu jinkludi parti relatata mal-liċenzja u li tirrifletti l-konoxxenza professjonali ġenerali kif deskritt fl-Anness IV, u parti relatata maċ-ċertifikat u li tirrifletti l-konoxxenza professjonali speċifika, kif deskritt fl-Annessi V u VI.

2.  Il-metodu ta' taħriġ għandu jissodisfa l-kriterji stabbiliti fl-Anness III.

3.  L-objettivi dettaljati tat-taħriġ huma ddefiniti fl-Anness IV għal-liċenzja, u fl-Annessi V u VI għaċ-ċertifikat. Bħala elementi mhux essenzjali ta' din id-Direttiva jistgħu jiġu supplimentati:

4.  Skond l-Artikolu 13 tad-Direttiva 2004/49/KE, l-Istati Membri għandhom jieħdu passi sabiex jiżguraw li s-sewwieqa kandidati jkollhom aċċess ekwu u mhux diskriminatorju għat-taħriġ meħtieġ sabiex jissodisfaw il-kondizzjonijiet sabiex jiksbu l-liċenzja u ċ-ċertifikat.

5.  Il-kompiti ta' taħriġ relatati mal-konoxxenza professjonali ġenerali kif previst fl-Artikolu 12(4), mal-konoxxenza lingwistika kif prevista fl-Artikolu 13 u mal-konoxxenza professjonali dwar it-tagħmir mobbli kif previst fl-Artikolu 14(1) għandhom jitwettqu minn persuni jew korpi akkreditati jew rikonoxxuti skond l-Artikolu 21.

6.  Il-kompiti ta' taħriġ relatati mal-konoxxenza ta' l-infrastruttura kif previst fl-Artikolu 14(2), inkluża l-konoxxenza tar-rotot u tar-regoli u proċeduri operattivi, għandhom jitwettqu minn persuni jew korpi akkreditati jew rikonoxxuti mill-Istat Membru fejn tinsab l-infrastruttura.

7.  Fir-rigward ta' liċenzja, is-sistema ġenerali għar-rikonoxximent tal-kwalifiki professjonali stabbilita bid-Direttiva 2005/36/KE għandha tibqa' tapplika għar-rikonoxximent tal-kwalifiki professjonali ta' sewwieqa li jkunu ċittadini ta' Stat Membru u jkunu kisbu ċ-ċertifikat ta' taħriġ tagħhom f'pajjiż terz.

8.  Għandu jiġi stabbilit proċess ta' taħriġ kontinwu sabiex jiġi żgurat li l-kompetenzi tal-persunal jinżammu, skond il-punt 2(e) ta' l-Anness III tad-Direttiva 2004/49/KE.

Artikolu 25

Iffinanzjar tat-taħriġ

L-intrapriżi ferrovjarji u l-amministraturi ta' l-infrastruttura se jkunu responsabbli kuntrattwalment għat-taħriġ professjonali, kemm bażiku u kif ukoll matul is-servizz.

Intrapriża ferrovjarja jew amministratur ta' l-infrastruttura li jimpjegaw sewwieq ta' ferrovija li t-taħriġ tiegħu ġie ffinanzjat kollu jew parti minnu minn impriża ferrovjarja jew minn amministratur ta' l-infrastruttura oħrajn li s-sewwieq tal-ferrovija ikun telaq volontarjament wara anqas minn ħames snin impjieg għandhom iħallsu lura lil impriża jew amministratur ta' l-infrastruttura l-ispejjes għat-taħriġ; l-ammont imħallas lura għandu jkun proporzjonali b'mod invers għat-tul taż-żmien ta' l-impjieg tas-sewwieq tal-ferrovija ma' l-impriża ferrovjarja jew amministratur ta' l-infrastruttura li ffinanzjaw it-taħriġ tiegħu.

Ir-regoli dettaljati għall-implimentazzjoni ta' dan l-Artikolu u għall-kalkolu ta' l-ammont ta' kwalunkwe somma li trid tiġi mħallsa lura għandhom jiġu stabbiliti skond rakkomandazzjoni mill-Aġenzija fil-qafas ta' l-Artikolu 17 tar-Regolament (KE) Nru 881/2004.

Artikolu 26

Eżamijiet

1.  L-eżamijiet u l-eżaminaturi intiżi għall-fini ta' kontroll tal-kwalifiki meħtieġa għandhom jiġu determinati:

2.  L-eżamijiet imsemmija fil-paragrafu 1 għandhom jiġu sorveljati minn eżaminaturi kompetenti, akkreditati jew rikonoxxuti skond l-Artikolu 21, u għandhom ikunu organizzati b'tali mod li jiġi evitat kwalunkwe kunflitt ta' interessi.

3.  Il-valutazzjoni tal-konoxxenza ta' l-infrastruttura, inkluża l-konoxxenza tar-rotot u tar-regoli ta' operazzjoni, għandha ssir minn persuni jew korpi akkreditati jew rikonoxxuti mill-Istat Membru fejn tinsab l-infrastruttura.

4.  L-eżamijiet imsemmija fil-paragrafu 1 għandhom jiġu organizzati b'tali mod li jiġi evitat kwalunkwe kunflitt ta' interessi, mingħajr ma tkun eskuża l-possibbiltà għall-possibbiltà li l-eżaminatur jista' jappartjeni għall-impriża ferrovjarja jew għall-amministratur ta' l-infrastruttura li joħorġu ċ-ċertifikat.

5.  L-għażla ta' l-eżaminaturi u ta' l-eżamijiet tista' tkun suġġetta għal kriterji Komunitarji proposti mill-Aġenzija u adottati mill-Kummissjoni, fil-forma ta' miżuri mfassla biex jemendaw elementi mhux essenzjali ta' din id-Direttiva, billi jissupplimentawha, skond il-proċedura regolatorja bi skrutinju msemmija fl-Artikolu 33(3). Fin-nuqqas ta' dawn il-kriterji Komunitarji, l-awtoritajiet kompetenti għandhom jistabbilixxu kriterji nazzjonali.

6.  Għandhom isiru eżamijiet teoriċi u prattiċi fl-aħħar tal-kors ta' taħriġ. Il-kapaċità ta' sewqan għandha tiġi valutata matul testijiet ta' sewqan fuq ir-retikolat. Jistgħu jintużaw ukoll simulaturi sabiex tiġi eżaminata l-applikazzjoni tar-regoli operattivi u l-prestazzjoni tas-sewwieq f'sitwazzjonijiet partikolarment diffiċli.

Kapitolu VII

Valutazzjoni

Artikolu 27

Standards ta' kwalità

L-awtoritajiet kompetenti għandhom jiżguraw li l-attivitajiet kollha assoċjati mat-taħriġ, mal-valutazzjoni ta' ħiliet u ma' l-aġġornament ta' liċenzji u ċertifikati jkunu suġġetti għal monitoraġġ kontinwu taħt sistema ta' standards ta' kwalità. Din mhiex ser tapplikax għal attivitajiet diġà koperti mis-sistemi ta' mmaniġġar ta' sigurtà stabbiliti mill-impriżi ferrovjarji u mill-amministraturi ta' l-infrastruttura skond id-Direttiva 2004/49/KE.

Artikolu 28

Valutazzjoni indipendenti

1.  Għandha ssir valutazzjoni indipendenti tal-proċeduri għall-akkwist u għall-valutazzjoni tal-konoxxenza u kompetenzi professjonali, u tas-sistema għall-ħruġ ta' liċenzji u ċertifikati f'kull Stat Membru f'intervalli ta' mhux aktar minn ħames snin. Dan ma għandux japplika għal attivitajiet diġà koperti mis-sistemi ta' mmaniġġar ta' sigurtà stabbiliti mill-impriżi ferrovjarji u mill-amministraturi ta' l-infrastrutturi skond id-Direttiva 2004/49/KE. Il-valutazzjoni għandha ssir minn persuni kwalifikati li m'humiex involuti huma stess fl-attivitajiet konċernati.

2.  Ir-riżultati ta' dawn il-valutazzjonijet indipendenti għandhom jiġu dokumentati kif dovut u nnotifikati lill-awtoritajiet kompetenti konċernati. Jekk meħtieġ, l-Istati Membri għandhom jieħdu l-miżuri xierqa sabiex jirrimedjaw għal kwalunkwe nuqqas li jiġi skopert mill-valutazzjoni indipendenti.

Il-Kapitolu VIII

Membri ta' l-ekwipaġġ oħra

Artikolu 29

Ċertifikazzjoni

1.  Membri ta' l-ekwipaġġ oħra li jwettqu ħidmiet relatati mas-sigurtà għandu jkollhom ċertifikat li juri li jilħqu r-rekwiżiti minimi relatati ma' saħħa medika, edukazzjoni bażika u ħiliet professjonali ġenerali.

2.  Iċ-ċertifikat għal membri ta' l-ekwippaġġ oħra għandu jinħareġ mill-intrapriża ferrovjarja jew minn maniġer ta' l-infrastruttura li qed jimpjegaw lill-membru ta' l-ekwipaġġ konċernat. Iċ-ċertifikat għandu jkun propjetà ta' l-intrapriża li tkun ħarġitu; madankollu, skond l-Artikolu 13(3) tad-Direttiva 2004/49/KE, id-detentur jista' jikseb kopja awtentikata tiegħu.

3.  L-awtorità kompetenti għandha tagħti fuq talba ta' kwalunkwe membru ta' l-ekwipaġġ li jkun qed iwettaq ħidmiet relatati mas-sigurtà u li għandu ċertifikat għal membri ta' l-ekwipaġġ oħra skond dan l-Artikolu, validazzjoni formali li turi l-isem ta' l-impriża li tagħat iċ-ċertifikat għal membri ta' l-ekwipaġġ oħra, il-kundizzjonijiet li twettqu biex jinkiseb dak iċ-ċertifikat u t-tul ta' żmien ta' servizz li għalih il-membru ta' l-ekwipaġġ ġie kkreditat. Din il-validazzjoni formali hija propjetà tal-membru ta' l-ekwipaġġ.

4.  L-Artikoli 20 u 30 għandhom japplikaw mutatis mutandis, filwaqt li jitqies il-fatt li membri oħra ta' l-ekwipaġġ li jwettqu ħidmiet relatati mas-sigurtà huma ċertifikati mill-impriża ferrovjarja jew mill-amministratur ta' l-infrastruttura permezz ta' ċertifikat uniku.

5.  L-Artikoli 21, 22, 24, 26, 27 u 28 għandhom japplikaw mutatis mutandis għaċ-ċertifikazzjoni ta' membri oħra ta' l-ekwipaġġ li jwettqu xogħol marbut mas-sigurtà.

6.  Sa ...(19), l-Aġenzija għandha, skond l-Artikoli 3, 4, 6, 12 u 17 tar-Regolament (KE) Nru 881/2004, tispeċifika l-profil u l-kompiti ta' membri oħra ta' l-ekwipaġġ li jwettqu kompiti marbuta mas-sigurtà u r-rekwiżiti minimi msemmija fil-paragrafu 1.

7.  Sa ...(20)*, il-Kummissjoni għandha tieħu deċiżjoni rigward l-implimentazzjoni ta' dan l-Artikolu skond il-proċedura regolatorja bi skrutinju msemmija fl-Artikolu 33(3) u abbażi ta' rakkomandazzjoni mill-Aġenzija.

Kapitolu IX

Kontrolli u pieni

Artikolu 30

Kontrolli mill-awtorità kompetenti

1.  L-awtorità kompetenti tista' fi kwalunkwe waqt tieħu passi sabiex tivverifika, fuq ferroviji li joperaw fiż-żona ta' ġurisdizzjoni tagħha, li s-sewwieq tal-ferrovija jkollu fil-pussess tiegħu id-dokumenti maħruġa skond din id-Direttiva.

2.  Minkejja l-verifika kif previst fil-paragrafu 1, f'każ ta' negliġenza fuq il-post tax-xogħol l-awtorità kompetenti tista' tivverifika jekk is-sewwieq in kwistjoni jikkonformax mar-rekwiżiti stabbiliti fl-Artikolu 14.

3.  L-awtorità kompetenti tista' tagħmel stħarriġ dwar il-konformità ma' din id-Direttiva minn sewwieqa, impriżi ferrovjarji, amministraturi ta' infrastrutturi, eżaminaturi u ċentri ta' taħriġ li jwettqu l-attivitajiet tagħhom fiż-żona ta' ġurisdizzjoni tagħha.

4.  Jekk l-awtorità kompetenti ssib li sewwieq ma jibqax jissodisfa kondizzjoni waħda jew aktar mill-kondizzjonijiet meħtieġa, hija għandha tieħu l-miżuri li ġejjin:

Fi kwalunkwe każ, jekk l-awtorità kompetenti tikkunsidra li sewwieq partikolari joħloq theddida serja għas-sigurtà tal-ferroviji, għandha tieħu l-azzjoni meħtieġa minnufih, bħal titlob lill-amministratur ta' l-infrastruttura sabiex iwaqqaf il-ferrovija u tipprojbixxi lis-sewwieq milli jaħdem fiż-żona ta' ġurisdizzjoni tagħha sakemm ikun meħtieġ. Għandha tinforma lill-Kummissjoni u lill-awtoritajiet kompetenti l-oħrajn bi kwalunkwe deċiżjoni bħal din.

Fil-każijiet kollha l-awtorità kompetenti, jew il-korp maħtur għal dan, għandu jaġġorna r-reġistru previst fl-Artikolu 23.

5.  Jekk awtorità kompetenti tikkunsidra li deċiżjoni meħuda minn awtorità kompetenti fi Stat Membru ieħor skond il-paragrafu 4 tonqos milli tikkonforma mal-kriterji relevanti, il-kwistjoni għandha tiġi riferita lill-Kummissjoni li għandha tagħti l-opinjoni tagħha fi żmien tliet xhur. Jekk meħtieġ, għandhom jiġu proposti miżuri korrettivi lill-Istat Membru konċernat. F'każ ta' nuqqas ta' ftehim jew ta' vertenza, il-kwistjoni għandha tiġi riferita lill-Kumitat imsemmi fl-Artikolu 33(1), u l-Kummissjoni għandha tieħu kwalukwe miżura meħtieġa skond il-proċedura msemmija fl-Artikolu 33(2). Stat Membru jista' jżomm fis-seħħ projbizzjoni kontra sewwieq milli jsuq fit-territorju tiegħu skond il-paragrafu 4 sakemm il-kwistjoni tiġi konkluża skond dan il-paragrafu.

Artikolu 31

Pieni

Mingħajr preġudizzju għal pieni jew proċeduri oħrajn stabbiliti minn din id-Direttiva, l-Istati Membri għandhom jistabbilixxu regoli dwar il-pieni applikabbli għall-ksur tad-dispożizzjonijiet nazzjonali adottati skond din id-Direttiva u għandhom jieħdu l-miżuri kollha meħtieġa sabiex jiżguraw li dawn jiġu implementati. Il-pieni previsti għandhom ikunu effettivi, proporzjonati, mhux diskriminatorji u dissważivi. L-Istati Membri għandhom jinnotifikaw lill-Kummissjoni b'dawk id-dispożizzjonijiet mhux aktar tard mid-data speċifikata fl-ewwel subparagrafu ta' l-Artikolu 37(1) u għandhom jinnotifikawha mingħajr dewmien dwar kwalunkwe emenda sussegwenti li jolqothom.

Kapitlu X

Dispożizzjonijiet finali

Artikolu 32

Adattament ta' l-Annessi

Il-miżuri mfassla biex jemendaw elementi mhux essenzjali ta' din id-Direttiva, fost l-oħrajn billi jissupplimentawha, li huma meħtieġa biex jiġu adattati l-Annessi għal progress tekniku u xjentifiku, għandhom jiġu adottati skond il-proċedura regolatorja bi skrutinju msemmija fl-Artikolu 33(3), filwaqt li jirrispettaw bi sħiħ il-proċeduri u s-setgħat mogħtija bir-Regolament (KE) Nru 881/2004, u b'mod partikulari l-Artikoli 3, 4, 6, 12 u 17 tiegħu.

Artikolu 33

Kumitat

1.  Il-Kummissjoni għandha tkun megħjuna mill-Kumitat stabbilit bl-Artikolu 21 tad-Direttiva 96/48/KE.

2.  Fejn issir referenza għal dan il-paragrafu, għandhom japplikaw l-Artikoli 5 u 7 tad-Deċiżjoni 1999/468/KE, skond id-disposizzjonijiet ta' l-Artikolu 8 tagħha.

Il-perijodu stabbilit fl-Artikolu 5(6) tad-Deċiżjoni 1999/468/KE għandu jkun ta' tliet xhur.

3.  Fejn issir referenza għal dan il-paragrafu, l-Artikolu 5a(1) sa (4), u l-Artikolu 7 tad-Deċiżjoni 1999/468/KE għandhom japplikaw, skond id-dispożizzjonijiet ta' Artikolu 8 tagħha.

4.  Fejn ikun applikabbli, minħabba raġunijiet ta' urġenza u fejn il-miżuri maħsuba mill-Kummissjoni huma skond l-opinjoni tal-Kumitat, għandhom japplikaw l-Artikolu 5a(1), (2), (4), u (6) u l-Artikolu 7 tad-Deċiżjoni 1999/468/KE, skond id-dispożizzjonijiet ta' Artikolu 8 tagħha.

Artikolu 34

Rapport

Barra minn hekk, f'dan ir-rapport l-Aġenzija tista', jekk xieraq, tirrakkomanda miżuri fir-rigward ta' l-eżami teoriku u prattiku tal-konoxxenza professjonali ta' l-applikanti għaċ-ċertifikat armonizzat għal tagħmir mobbli u għall-infrastruttura relevanti.

Il-Kummissjoni għandha tieħu l-miżuri xierqa abbażi ta' dawn ir-rakkomandazzjonijiet u għandha tipproponi, jekk meħtieġ, bidliet għal din id-Direttiva.

Artikolu 35

L-użu ta' smartcards

L-Aġenzija għandha teżamina sa ...(21) il-possibbiltà li tintuża smartcard li tikkombina l-liċenzja u ċ-ċertifikati previsti fl-Artikolu 4 u għandha tipprepara analiżi ta' l-ispejjeż u l-benefiċċji. Fejn xieraq, il-Kummissjoni għandha tadotta, skond il-proċedura regolatorja bi skrutinju msemmija fl-Artikolu 33(3) u abbażi ta' abbozz preparat mill-Aġenzija, l-ispeċifikazzjonijiet tekniċi u operattivi għal tali smartcard li huma mfassla biex jemendaw elementi mhux essenzjali ta' din id-Direttiva, billi jissupplimentawha. L-introduzzjoni ta' l-ismartcard tista' teħtieġ adattament ta' l-Annessi skond l-Artikolu 32.

Artikolu 36

Koperazzjoni

L-Istati Membri għandhom jgħinu lil xulxin fl-implementazzjoni ta' din id-Direttiva. L-awtoritajiet kompetenti għandhom jikkoperaw tul din il-fażi ta' implementazzjoni.

L-Aġenzija għandha tassisti din il-koperazzjoni u torganizza laqgħat xierqa mar-rappreżentanti ta' l-awtoritajiet kompetenti.

Artikolu 37

Implementazzjoni

1.  L-Istati Membri għandhom iġibu fis-seħħ il-liġijiet, ir-regolamenti u d-dispożizzjonijiet amministrattivi meħtieġa sabiex ikunu konformi ma' din id-Direttiva sa mhux aktar tard mill-31 ta' Diċembru 2007. Huma għandhom minnufih jikkomunikaw dan lill-Kummissjoni.

Meta l-Istati Membri jadottaw dawn il-miżuri, dawn għandhom jinkludu referenza għal din id-Direttiva jew ikunu akkumpanjati minn tali referenza fl-okkażjoni tal-pubblikazzjoni uffiċjali tagħhom. Il-metodi kif issir tali referenza għandhom jiġu stabbiliti mill-Istati Membri.

2.  L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tal-liġi nazzjonali li huma jadottaw fil-qasam kopert minn din id-Direttiva. Il-Kummissjoni għandha tinforma lill-Istati Membri l-oħra b'dan.

3.  L-obbligi tat-traspożizzjoni u ta' l-implementazzjoni ta' din id-Direttiva m'għandhomx japplikaw għal Ċipru u għal Malta sakemm ma hemm l-ebda sistema ferrovjarja stabbilita fit-territorji tagħhom.

Artikolu 38

Dħul gradwali u perijodi ta' transizzjoni

2. a)  Fi żmien sentejn mill-adozzjoni tal-parametri bażiċi tar-reġistri previsti fl-Artikolu 23(4), iċ-ċertifikati jew il-liċenzji għandhom jinħarġu skond din id-Direttiva lis- sewwieqa li jwettqu servizzi transkonfinali, servizzi ta' kabotaġġ jew ta' ġarr ta' merkanzija fi Stat Membru ieħor, jew jaħdmu f'almenu żewġ Stati Membri, mingħajr preġudizzju għad-dispożizzjonijiet tal-punt 3.

Minn dik l-istess data, is-sewwieqa kollha tal-ferroviji li jwettqu s-servizzi elenkati hawn fuq, inklużi dawk li għadhom mingħajr liċenzja jew ċertifikat skond din id-Direttiva, għandhom jikkonformaw mal-kontrolli perjodiċi kif previst fl-Artikolu 17.

b)  Fi żmien sentejn mill-istabbiliment tar-reġistri previsti fil-punt 1, il-liċenzji u ċ-ċertifikati ġodda kollha għandhom jinħarġu skond din id-Direttiva, mingħajr preġudizzju għad-dispożizzjonijiet tal-punt 3.

c)  ċ) Fi żmien seba' snin mill-istabbiliment tar-reġistri previsti fil-punt 1, is-sewwieqa kollha għandhom ikollhom fil-pussess tagħhom liċenzji u ċertifikati skond din id-Direttiva. Il-korpi emittenti għandhom iqisu l-kompetenzi professjonali kollha diġà miksuba minn kull sewwieq b'tali mod li dan ir-rekwiżit ma joħloqx piżijiet amministrattivi u finanzjarji bla ħtieġa. L-awtorizzazzjonijiet ta' sewqan mogħtija qabel lil sewwieqa għandhom jiġu kemm jista' jkun salvagwardati. Il-korpi emittenti jistgħu madankollu jiddeċiedu, għal sewwieqa individwali jew gruppi ta' sewwieqa, skond il-każ, li jkunu meħtieġa eżamijiet u/jew taħriġ addizzjonali sabiex jinkisbu liċenzji u/jew ċertifikati skond din id-Direttiva.

Fil-każ ta' apprendisti li bdew programm approvat ta' edukazzjoni u taħriġ jew kors ta' taħriġ approvat qabel l-applikazzjoni tal-punt 2(a) jew (b), l-Istati Membri jistgħu jiċċertifikaw lil dawn l-apprendisti skond id-dispożizzjonijiet nazzjonali eżistenti.

Għas-sewwieqa u l-apprendisti msemmija f'dan il-punt, l-awtorità kompetenti jew l-awtoritajiet involuti jistgħu, f'każijiet eċċezzjonali, jagħtu eżenzjonijiet mir-rekwiżiti mediċi stabbiliti fl-Anness II. Il-validità ta' kwalunkwe liċenzja maħruġa b'tali eżenzjoni għandha tkun limitata għat-territorju ta' l-Istati Membri konċernati.

Jekk din l-analiżi ta' l-ispejjeż u l-benefiċċji turi li l-ispejjeż ta' l-applikazzjoni tad-dispożizzjonijiet ta' din id-Direttiva għal tali sewwieqa huma aktar mill-benefiċċji, il-Kummissjoni għandha, skond il-proċedura msemmija fl-Artikolu 33(2), tadotta deċiżjoni fi żmien sitt xhur mill-preżentazzjoni tar-riżultati ta' din l-analiżi ta' l-ispejjeż u l-benefiċċji. Id-deċiżjoni tista' tkun li d-dispożizzjonijiet tal-punt 2(b) u (ċ) ta' dan l-Artikolu, ma jkollhomx jiġu applikati għal tali sewwieqa ta' ferroviji għal perijodu sa għaxar snin fit-territorju ta' l-Istat Membru kkonċernat.

Sa mhux aktar tard minn 24 xahar qabel l-iskadenza ta' dan il-perjodu temporanju ta' eżenzjoni, il-Kummissjoni, filwaqt li tqis l-iżviluppi relevanti fis-settur tal-ferroviji fl-Istat Membru konċernat, tista', skond il-proċedura msemmija fl-Artikolu 33 (2), titlob lill-Aġenzija sabiex twettaq analiżi ta' l-ispejjeż u l-benefiċċji oħra, li għandha tiġi preżentata lill-Kummissjoni sa mhux aktar tard minn 12-il xahar qabel l-iskadenza ta' dan il-perjodu temporanju ta' eżenzjoni. Il-Kummissjoni għandha tieħu deċiżjoni skond il-proċedura deskritta fit-tieni subparagrafu ta' dan il-punt.

Artikolu 39

Dħul fis-seħħ

Din id-Direttiva għandha tidħol fis-seħħ fil-jum wara dak tal-pubblikazzjoni tagħha fil-Ġurnal Uffiċjali ta' l-Unjoni Ewropea.

Artikolu 40

Din id-Direttiva hija indirizzata lill-Istati Membri.

Magħmula fi,

Għall-Parlament Ewropew Għall-Kunsill

Il-President Il-President

ANNESS I

MUDELL KOMUNITARJU TAL-LIĊENZJA U Ċ-ĊERTIFIKAT KOMPLEMENTARI ARMONIZZAT

1.  Karatteristiċi tal-liċenzja

Il-karatteristiċi fiżiċi tal-liċenzja tas-sewwieq tal-ferroviji għandhom ikunu konformi ma' l-istandards 7810 u 7816-1 ta' l-ISO.

Il-kartonċina għandha tkun tal-polikarbonat.

Il-metodi ta' verifika tal-karatteristiċi tal-liċenzji tas-sewqan sabiex jiġi żgurat li jkunu konsistenti ma standards internazzjonali għandhom ikunu konformi ma' l-istandard 10373 ta' l-ISO.

2.  Kontenut tal-liċenzja