(Proċedura ta' konsultazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill (COM(2006)0804)(1),

–   wara li kkunsidra l-Artikolu 37 flimkien ma" l-Artikolu 300(2) tat-Trattat KE,

–   wara li kkunsidra l-Artikolu 300(3), l-ewwel subparagrafu, tat-Trattat KE skond liema artikolu ġie kkonsultat mill-Kunsill (C6-0506/2006),

–   wara li kkunsidra l-Artikoli 51 u 83(7) tar-Regoli ta' Proċedura tiegħu,

–   wara li kkunsidra r-rapport tal-Kumitat għas-Sajd u l-opinjoni tal-Kumitat għall-Baġits (A6-0161/2007),

1.  Japprova l-proposta tal-Kummissjoni kif emendata u japprova l-konklużjoni tal-ftehima;

2.  Jistieden lill-Kummissjoni sabiex tbiddel il-proposta tagħha f'dan is-sens, skond l-Artikolu 250(2) tat-Trattat KE;

3.  Jistieden lill-Kunsill sabiex jinfurmah jekk ikollu l-ħsieb li jitbiegħed mit-test approvat mill-Parlament;

4.  Jitlob il-ftuħ tal-proċedura ta' konċiljazzjoni prevista fid-Dikjarazzjoni Konġunta ta' l-4 ta' Marzu 1975 jekk il-Kunsill ikollu l-ħsieb li jitbiegħed mit-test approvat mill-Parlament;

5.  Jitlob lill-Kunsill sabiex jerġa' jikkonsultah jekk ikollu l-ħsieb li jemenda l-proposta tal-Kummissjoni b'mod sustanzjali;

6.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

Test propost mill-Kummissjoni   Emendi tal-Parlament Emenda 1 Premessa 2 a (ġdida) (2a)  Jekk l-opportunitajiet ta' sajd ikunu stabbiliti mill-Kumitat Konġunt f'livell aktar baxx minn dak stipulat fil-Kapitolu 1 ta" l-Anness, Greenland għandha tikkumpensa lill-Komunità fis-snin ta" wara b'opportunitajiet ta" sajd korrispondenti jew fl-istess sena b'opportunitajiet ta' sajd oħra, jew billi tnaqqas proporzjon korrispondenti tal-ħlas miftiehem. Emenda 2 Premessa 2 b (ġdida) (2b)  Il-Komunità għandha tirriżerva d-dritt li taġġusta l-kwoti meta, wara l-2010, dawn jinstabu li m'humiex f'konformità mal-politika ta' l-UE dwar is-sostenibilità. Emenda 3 Premessa 2 c (ġdida) (2c)  Fl-implimentazzjoni ta" l-Artikolu 2(1) tal-Protokol, il-kundizzjonijiet imsemmija fl-Artikolu 1(2) tal-Protokol għandhom ikunu mħarsa. Emenda 4 Artikolu 3 a (ġdid) Artikolu 3a Kull sena l-Kummissjoni għandha tagħti rapport lill-Parlament Ewropew u lill-Kunsill dwar ir-riżultati tal-politika settorjali tas-sajd deskritta fl-Artikolu 4 tal-Protokoll. Emenda 5 Artikolu 4, paragrafu 1 a (ġdid) Il-Kummissjoni għandha tevalwa kull sena jekk l-Istati Membri li l-bastimenti tagħhom joperaw skond il-Protokoll ikunux ikkonformaw mar-rekwiżiti ta' rappurtaġġ. Meta dawn ma jkunux għamlu hekk, il-Kummissjoni għandha tiċħad it-talbiet tagħhom għal liċenzji tas-sajd għas-sena ta' wara. Emenda 6 Artikolu 4 a (ġdid) Artikolu 4a Qabel l-iskadenza tal-Protokoll u qabel il-bidu ta' negozjati li jistgħu jwasslu għal tiġdid, il-Kummissjoni għandha tippreżenta evalwazzjoni ex post tal-Protokoll lill-Parlament Ewropew u lill-Kunsill, li għandha tinkludi analiżi ta' l-ispejjeż u l-benefiċċji.

(1) Għadha mhux ippubblikata fil-ĠU.