Il-Parlament Ewropew,

–   wara li kkunsidra l-proposta għal emenda tar-Regoli ta' Proċedura tiegħu (B6-0166/2006),

–   wara li kkunsidra l-Artikoli 201 u 202 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Affarijiet Kostituzzjonali (A6-0230/2007),

1.  Jiddeċiedi li jemenda r-Regoli ta' Proċedura kif jidher hawn taħt;

2.  Jiġbed l-attenzjoni għall-fatt li l-emenda se tidħol fis-seħħ fl-ewwel jum tas-sessjoni parzjali li jmiss;

3.  Jagħti istruzzjonijiet lill-President tiegħu biex jgħaddi din id-deċiżjoni lill-Kunsill u lill-Kummissjoni, għal skopijiet ta' informazzjoni.

Test preżenti   Emendi Emenda 1 Artikolu 201, paragrafu 1 1.  Jekk iqum xi dubju dwar l-applikazzjoni jew l-interpretazzjoni ta" dawn ir-Regoli ta" Proċedura, il-President jista", mingħajr ħsara għal kull deċiżjoni preċedenti li jista" jkun hemm f'dan il-qasam, jirreferi l-kwistjoni lill-kumitat responsabbli għall-eżami. 1.  Jekk iqum xi dubju dwar l-applikazzjoni jew l-interpretazzjoni ta" dawn ir-Regoli ta" Proċedura, il-President jista" jirreferi l-kwistjoni lill-kumitat responsabbli għall-eżami. Fejn titqajjem kwistjoni ta" proċedura korretta skond l-Artikolu 166, il-President jista" wkoll jirreferi l-kwistjoni lill-kumitat responsabbli. Min ikun jippresiedi kumitat jista" jagħmel dan meta jqum xi dubju bħal dan waqt li jkun għaddej ix-xogħol tal-kumitat u jkollu x'jaqsam miegħu.