Riżoluzzjoni leġiżlattiva tal-Parlament Ewropew tal-11 ta' Marzu 2008 dwar il-proposta għal deċiżjoni tal-Kunsill li temenda d-Deċiżjoni 2003/77/KE li tistabbilixxi linji gwida finanzjarji multi-annwali għall-amministrazzjoni ta' l-assi tal-KEFA f'likwidazzjoni u, mat-twettiq tal-likwidazzjoni, l-Assi tal-Fond ta' Riċerka għall-Faħam u l-Azzar (COM(2007)0435 – C6-0276/2007 – 2007/0150(CNS))

P6_TA(2008)0073 A6-0062/2008

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill (COM(2007)0435),

–   wara li kkunsidra l-Artikolu 2(2) tad-Deċiżjoni tal-Kunsill 2003/76/KE skond liema artikolu ġie kkonsultat mill-Kunsill (C6-0276/2007),

–   wara li kkunsidra l-Artikoli 51 u 43(1) tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Baġits (A6-0062/2008),

1.  Japprova l-proposta tal-Kummissjoni;

2.  Jistieden lill-Kunsill sabiex jinfurmah jekk ikollu l-ħsieb li jitbiegħed mit-test approvat mill-Parlament;

3.  Jitlob lill-Kunsill biex jerġa' jikkonsultah jekk ikollu l-ħsieb li jemenda l-proposta tal-Kummissjoni b'mod sustanzjali;

4.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

Riżoluzzjoni leġiżlattiva tal-Parlament Ewropew tal-11 ta' Marzu 2008 dwar il-proposta għal deċiżjoni tal-Kunsill dwar il-konklużjoni tal-ftehim bejn il-Komunità Ewropea u l-Emirati Għarab Maqħquda dwar ċerti aspetti tas-servizzi bl-ajru (COM(2007)0134 – C6-0472/2007 – 2007/0052(CNS))

P6_TA(2008)0074 A6-0043/2008

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta għal deċiżjoni tal-Kunsill (COM(2007)0134),

–   wara li kkunsidra l-Artikoli 80(2) u 300(2), l-ewwel subparagrafu, l-ewwel sentenza, tat-Trattat KE,

–   wara li kkunsidra l-Artikolu 300(3), l-ewwel subparagrafu, tat-Trattat KE skond liema artikolu ġie kkonsultat mill-Kunsill (C6-0472/2007),

–   wara li kkunsidra l-Artikoli 51, 83(7) u 43(1) tar-Regoli ta' Proċedura tiegħu,

–   wara li kkunsidra r-rapport tal-Kumitat għat-Trasport u t-Turiżmu (A6-0043/2008),

1.  Japprova l-konklużjoni tal-ftehima;

2.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni, u lill-gvernijiet u l-parlamenti ta' l-Istati Membri u ta' l-Emirati Għarab Magħquda.

Riżoluzzjoni leġiżlattiva tal-Parlament Ewropew tal-11 ta' Marzu 2008 dwar il-proposta għal regolament tal-Kunsill li jemenda r-Regolament (KE) Nru 1234/2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli ("Ir-Regolament Waħdieni dwar l-OKS") (COM(2007)0854 – C6-0033/2008 – 2007/0290(CNS))

P6_TA(2008)0075 A6-0044/2008

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill (COM(2007)0854),

–   wara li kkunsidra l-Artikoli 36 u 37 tat-Trattat KE, skond liema artikoli ġie kkonsultat mill-Kunsill (C6-0033/2008),

–   wara li kkunsidra l-Artikolu 51 u l-Artikolu 43(1) tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Agrikoltura u l-Iżvilupp Rurali (A6-0044/2008),

1.  Japprova l-proposta tal-Kummissjoni;

2.  Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;

3.  Jitlob lill-Kunsill biex jerġa' jikkonsultah jekk ikollu l-ħsieb li jemenda il-proposta tal-Kummissjoni b'mod sustanzjali;

4.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

Riżoluzzjoni leġiżlattiva tal-Parlament Ewropew tal-11 ta' Marzu 2008 dwar il-proposta għal regolament tal-Kunsill li jemenda r-Regolament (KE) Nru 1234/2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament dwar l-OKS waħdanija) (COM(2008)0027 – C6-0061/2008 – 2008/0011(CNS))

P6_TA(2008)0076 A6-0045/2008

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill (COM(2008)0027),

–   wara li kkunsidra l-Artikolu 36 u 37 tat-Trattat KE, skond liema artikoli ġie kkonsultat mill-Kunsill (C6-0061/2008),

–   wara li kkunsidra l-Artikolu 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Agrikoltura u l-Iżvilupp Rurali (A6-0045/2008),

1.  Japprova l-proposta tal-Kummissjoni;

2.  Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;

3.  Jitlob lill-Kunsill biex jerġa' jikkonsultah jekk ikollu l-ħsieb li jemenda il-proposta tal-Kummissjoni b'mod sustanzjali;

4.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

Riżoluzzjoni leġiżlattiva tal-Parlament Ewropew tal-11 ta' Marzu 2008 dwar il-proposta għal regolament tal-Parlament Ewropew u tal-Kunsill dwar il-klassifikazzjoni statistika ta' l-attivitajiet ekonomiċi fil-Komunità Ewropea (verżjoni kodifikata) (COM(2007)0755 – C6-0437/2007 – 2007/0256(COD))

P6_TA(2008)0077 A6-0055/2008

(Proċedura ta' kodeċiżjoni – kodifikazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Parlament Ewropew u lill-Kunsill (COM (2007)0755),

–   wara li kkunsidra l-Artikolu 251(2) l-Artikolu 285(1) tat-Trattat KE, skond liema artikolu l-Kummissjoni ppreżentat il-proposta lill-Parlament (C6-0437/2007),

–   wara li kkunsidra l-Ftehima Interistituzzjonali ta" l-20 ta" Diċembru 1994 – Metodu ta" ħidma aċċellerat għall-kodifikazzjoni uffiċjali ta" testi leġiżlattivi(1),

–   wara li kkunsidra l-Artikoli 80 u 51 tar-Regoli ta' Proċedura tiegħu,

–   wara li kkunsidra r-rapport tal-Kumitat dwar l-Affarijiet Legali (A6-0055/2008),

1.  Japprova l-proposta tal-Kummissjoni kif adattata għar-rakkomandazzjonijiet tal-Grupp ta' Ħidma Konsultattiv tas-Servizzi Legali tal-Parlament Ewropew, tal-Kunsill u tal-Kummissjoni;

2.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

(1) ĠU C 102, 4.4.1996, p. 2.

Riżoluzzjoni leġiżlattiva tal-Parlament Ewropew tal-11 ta' Marzu 2008 dwar il-proposta għal direttiva tal-Kunsill dwar l-identifikazzjoni u r-reġistrazzjoni tal-ħnieżer (verżjoni kodifikata) (COM(2007)0829 – C6-0037/2008 – 2007/0294(CNS))

P6_TA(2008)0078 A6-0057/2008

(Proċedura ta' konsultazzjoni - kodifikazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill (COM(2007)0829),

–   wara li kkunsidra l-Artikolu 37 tat-Trattat KE, skond liema artikolu ġie kkonsultat mill-Kunsill (C6-0037/2008),

–   wara li kkunsidra l-Ftehima Interistituzzjonali ta" l-20 ta" Diċembru 1994 – Metodu ta" ħidma aċċellerat għall-kodifikazzjoni uffiċjali ta" testi leġiżlattivi(1),

–   wara li kkunsidra l-Artikoli 80 u 51 tar-Regoli ta' Proċedura tiegħu,

–   wara li kkunsidra r-rapport tal-Kumitat dwar l-Affarijiet Legali (A6-0057/2008),

1.  Japprova l-proposta tal-Kummissjoni kif adattata għar-rakkomandazzjonijiet tal-Grupp ta' Ħidma Konsultattiv tas-Servizzi Legali tal-Parlament Ewropew, tal-Kunsill u tal-Kummissjoni;

2.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

(1) ĠU C 102, 4.4.1996, p. 2.

Riżoluzzjoni leġiżlattiva tal-Parlament Ewropew tal-11 ta' Marzu 2008 dwar il-proposta għal direttiva tal-Kunsill dwar it-tqegħid fis-suq ta" ħxejjex ta" propagazzjoni u materjal taż-żrigħ, barra ż-żerriegħa (COM(2007)0852 – C6-0038/2008 – 2007/0296(CNS))

P6_TA(2008)0079 A6-0056/2008

(Proċedura ta' konsultazzjoni - kodifikazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill (COM(2007)0852),

–   wara li kkunsidra l-Artikolu 37 tat-Trattat KE, skond liema artikolu ġie kkonsultat mill-Kunsill (C6-0038/2008),

–   wara li kkunsidra l-Ftehima Interistituzzjonali ta" l-20 ta" Diċembru 1994 – Metodu ta" ħidma aċċellerat għall-kodifikazzjoni uffiċjali ta" testi leġiżlattivi(1),

–   wara li kkunsidra l-Artikoli 80 u 51 tar-Regoli ta' Proċedura tiegħu,

–   wara li kkunsidra r-rapport tal-Kumitat dwar l-Affarijiet Legali (A6-0056/2008),

1.  Japprova l-proposta tal-Kummissjoni kif adattata għar-rakkomandazzjonijiet tal-Grupp ta' Ħidma Konsultattiv tas-Servizzi Legali tal-Parlament Ewropew, tal-Kunsill u tal-Kummissjoni;

2.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

(1) ĠU C 102, 4.4.1996, p. 2.

Riżoluzzjoni leġiżlattiva tal-Parlament Ewropew tal-11 ta' Marzu 2008 dwar it-test konġunt, approvat mill-Kumitat ta' Konċiljazzjoni, għal regolament tal-Parlament Ewropew u tal-Kunsill dwar regoli komuni fil-qasam tas-sigurtà fl-avjazzjoni ċivili u li jħassar ir-Regolament (KE) Nru 2320/2002 (PE-CONS 3601/2008 – C6-0029/2008 – 2005/0191(COD))

P6_TA(2008)0080 A6-0049/2008

(Proċedura ta' kodeċiżjoni: it-tielet qari)

Il-Parlament Ewropew,

–   wara li kkunsidra t-test konġunt approvat mill-Kumitat ta' Konċiljazzjoni u l-istqarrijiet relevanti tal-Kummissjoni (PE-CONS 3601/2008 – C6-0029/2008),

–   wara li kkunsidra l-pożizzjoni tiegħu fl-ewwel qari(1) dwar il-proposta tal-Kummissjoni lill-Parlament Ewropew u lill-Kunsill (COM(2005)0429),

–   wara li kkunsidra l-pożizzjoni tiegħu fit-tieni qari(2) dwar il-pożizzjoni komuni tal-Kunsill(3),

–   wara li kkunsidra l-opinjoni tal-Kummissjoni dwar l-emendi tal-Parlament għall-pożizzjoni komuni (COM(2007)0475),

–   wara li kkunsidra l-Artikolu 251(5) tat-Trattat KE,

–   wara li kkunsidra l-Artikolu 65 tar-Regoli ta' Proċedura tiegħu,

–   wara li kkunsidra r-rapport tad-delegazzjoni tiegħu għall-Kumitat ta' Konċiljazzjoni (A6-0049/2008),

1.  Japprova t-test konġunt;

2.  Jagħti istruzzjonijiet lill-President tiegħu sabiex jiffirma l-att flimkien mal-President tal-Kunsill, skond l-Artikolu 254(1) tat-Trattat KE;

3.  Jagħti istruzzjonijiet lis-Segretarju-Ġenerali tiegħu sabiex jiffirma l-att wara li jkun ivverifika li l-proċeduri ntemmu kif imiss u sabiex, bi qbil mas-Segretarju-Ġenerali tal-Kunsill, jipproċedi għall-pubblikazzjoni ta' l-att fil-Ġurnal Uffiċjali ta' l-Unjoni Ewropea;

4.  Jagħti istruzzjonijiet lill-President tiegħu sabiex jgħaddi din ir-riżoluzzjoni leġiżlattiva lill-Kunsill u lill-Kummissjoni.

(1) ĠU C 300 E, 9.12.2006, p. 463 (2) Testi adottati, 25.4.2007, P6_TA(2007)0142. (3) ĠU C 70 E, 27.3.2007, p. 21.

Riżoluzzjoni leġiżlattiva tal-Parlament Ewropew tal-11 ta' Marzu 2008 dwar il-pożizzjoni komuni tal-Kunsill fir-rigward ta' l-adozzjoni ta' regolament tal-Parlament Ewropew u tal-Kunsill li jistabbilixxi Istitut Ewropew ta' l-Innovazzjoni u t-Teknoloġija (15647/1/2007 – C6-0035/2008 – 2006/0197(COD))

P6_TA(2008)0081 A6-0041/2008

(Proċedura ta' kodeċiżjoni: it-tieni qari)

Il-Parlament Ewropew,

–   wara li kkunsidra l-pożizzjoni komuni tal-Kunsill (15647/1/2007 – C6-0035/2008),

–   wara li kkunsidra l-pożizzjoni tiegħu fl-ewwel qari(1) dwar il-proposta tal-Kummissjoni lill-Parlament Ewropew u lill-Kunsill (COM(2006)0604),

–   wara li kkunsidra l-Artikolu 251(2) tat-Trattat KE,

–   wara li kkunsidra l-Artikolu 67 tar-Regoli ta' Proċedura tiegħu,

–   wara li kkunsidra r-rakkomandazzjoni għat-tieni qari tal-Kumitat għall-Industrija, ir-Riċerka u l-Enerġija (A6-0041/2008),

1.  Japprova l-pożizzjoni komuni;

2.  Jinnota li l-att qed jiġi adottat b'konformità mal-pożizzjoni komuni;

3.  Jagħti istruzzjonijiet lill-President tiegħu sabiex jiffirma l-att flimkien mal-President tal-Kunsill, skond l-Artikolu 254(1) tat-Trattat KE;

4.  Jagħti istruzzjonijiet lis-Segretarju-Ġenerali tiegħu sabiex jiffirma l-att wara li jkun ivverifika li l-proċeduri ntemmu kif imiss u sabiex, bi qbil mas-Segretarju-Ġenerali tal-Kunsill, jipproċedi għall-pubblikazzjoni ta' l-att fil-Ġurnal Uffiċjali ta' l-Unjoni Ewropea;

5.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

(1) Testi adottati, 26.9.2007, P6_TA(2007)0409.

Riżoluzzjoni tal-Parlament Ewropew tal-11 ta' Marzu 2008 dwar il-proposta għal deċiżjoni tal-Parlament Ewropew u tal-Kunsill dwar il-mobilizzazzjoni tal-Fond ta' Solidarjetà ta' l-Unjoni Ewropea skond il-punt 26 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba (COM(2008)0014 – C6-0036/2008 – 2008/2019(ACI))

P6_TA(2008)0082 A6-0065/2008

Il-Parlament Ewropew,

–   wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2008)0014),

–  Wara li kkunsidra l-Ftehima Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba(1), u b'mod partikulari l-punt 26 tagħha,

–   wara li kkunsidra r-rapport tal-Kumitat għall-Baġits u l-opinjoni tal-Kumitat għall-Iżvilupp Reġjonali (A6-0065/2008),

1.  Japprova d-deċiżjoni annessa ma' din ir-riżoluzzjoni;

2.  Jagħti istruzzjonijiet lill-President tiegħu biex jiffirma din id-deċiżjoni flimkien mal-President tal-Kunsill u biex jiżgura li tiġi ppubblikata fil-Ġurnal Uffiċjali ta' l-Unjoni Ewropea;

3.  Jagħti istruzzjonijiet lill-President tiegħu sabiex jgħaddi din ir-riżoluzzjoni, flimkien ma" l-anness tagħha, lill-Kunsill u lill-Kummissjoni.

ANNESS:

DEĊIŻJONI TAL-PARLAMENT EWROPEW U TAL-KUNSILL

tal-11 ta' Marzu 2008

dwar il-mobilizzazzjoni tal-Fond ta" Solidarjetà ta" l-UE dwar l-applikazzjoni tal-punt 26 tal-Ftehim Interistituzzjonali tas-17 ta" Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba

IL-PARLAMENT EWROPEW U L-KUNSILL TA" L-UNJONI EWROPEA,

Wara li kkunsidraw il-Ftehima Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba(2), u b'mod partikulari l-punt 26 tagħha,

Wara li kkunsidraw ir-Regolament tal-Kunsill (KE) Nru 2012/2002 tal-11 ta" Novembru 2002 li jistabbilixxi l-Fond ta" Solidarjetà ta" l-Unjoni Ewropea(3),

Wara li kkunsidraw il-proposta tal-Kummissjoni,

Billi:

(1)  L-Unjoni Ewropea ħolqot Fond ta' Solidarjetà ta' l-Unjoni Ewropea (il-"Fond") biex tesprimi s-solidarjetà tagħha fir-rigward tal-popolazzjoni ta" reġjuni milquta minn katastrofi.

(2)  Il-Ftehima Interistituzzjonali tas-17 ta" Mejju 2006 tippermetti l-mobilizzazzjoni tal-Fond sa l-ammont annwali massimu ta" EUR 1 biljun.

(3)  Ir-Regolament (KE) Nru 2012/2002 fih id-dispożizzjonijiet li jippermettu l-mobilizzazzjoni tal-Fond.

(4)  Ir-Renju Unit ippreżenta talba bil-għan li jimmobilizza l-Fond, dwar diżastru kkawżat minn għargħar f'Ġunju u f'Lulju 2007,

JIDDEĊIEDU:

Artikolu 1

Fil-qafas tal-baġit ġenerali ta' l-Unjoni Ewropea stabbilit għas-sena finanzjarja 2008, il-Fond ta' Solidarjetà ta' l-Unjoni Ewropea għandu jiġi mobilizzat sabiex jipprovdi s-somma ta' EUR 162 387 985 fi krediti ta' impenn u ta' ħlas.

Artikolu 2

Din id-deċiżjoni għandha tiġi ppubblikata fil-Ġurnal Uffiċjali ta" l-Unjoni Ewropea.

Magħmula fi Strasburgu, 11 ta" Marzu 2008.

Għall-Parlament Ewropew Għall-Kunsill

Il-President Il-President

(1) ĠU C 139, 14.6.2006, p. 1. Ftehima kif emendata bid-Deċiżjoni 2008/29/KE tal-Parlament Ewropew u tal-Kunsill (ĠU L 6, 10.1.2008, p. 7). (2) ĠU C 139, 14.06.2006, p. 1. Ftehima kif emendata bid-Deċiżjoni 2008/29/KE tal-Parlament Ewropew u tal-Kunsill (ĠU L 6, 10.1.2008, p. 7). (3) ĠU L 311, 14.11.2002, p. 3.

Emenda għall-Abbozz tal-baġit ta' Emenda Nru 1/2008 ta' l-Unjoni Ewropea għas-sena finanzjarja 2008, Taqsima III - Kummissjoni (7259/2008 – C6-0124/2008 – 2008/2017(BUD))

P6_TA(2008)0083 A6-0058/2008

Emenda 1

Volum 4 (Taqsima 3) – Kummissjoni

Punt 06 01 04 12 Programm Galileo - Nefqa għall-ġestjoni amministrattiva

Ċifri emendati kif ġej:

--  -----------------------------

Volum 4 (Taqsima 3) – Kummissjoni

Artikolu 06 02 10 Programm Galileo

Ċifri emendati kif ġej:

--  -----------------------------

Bażi legali

Atti ta' referenza:

=-=-=-=-=-=-=-=-=-==-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-==-=-=-=--=-=-

Riżoluzzjoni tal-Parlament Ewropew tal-11 ta' Marzu 2008 dwar l-Abbozz tal-baġit ta' Emenda Nru 1/2008 ta' l-Unjoni Ewopea għas-sena finanzjarja 2008, Taqsima III - Kummissjoni (7259/2008 – C6-0124/2008 – 2008/2017(BUD))

P6_TA(2008)0084 A6-0058/2008

Il-Parlament Ewropew,

–   wara li kkunsidra l-Artikolu 272 tat-Trattat KE u l-Artikolu 177 tat-Trattat Euratom,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(1), u b'mod partikolari l-Artikoli 37 u 38 tiegħu,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2008, kif ġie adottat b'mod aħħari fit-13 ta' Diċembru 2007(2),

–   wara li kkunsidra l-Ftehima Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba(3),

–   wara li kkunsidra l-abbozz preliminari ta' baġit ta' emenda Nru 1/2008 ta' l-Unjoni Ewropea għas-sena finanzjarja 2008, ippreżentat mill-Kummissjoni fit-18 ta' Jannar 2008 (COM(2008)0015),

–   wara li kkunsidra l-Abbozz tal-baġit ta' emenda Nru  1/2008, li l-Kunsill stabbilixxa fl-4 ta' Marzu 2008 (7259/2008 – C6-0124/2008)

–   wara li kkunsidra l-Artikolu 69 u l-Anness IV tar-Regoli ta' Proċedura,

–   wara li kkunsidra r-rapport tal-Kumitat għall-Baġit (A6-0058/2008),

A.  Billi l-Abbozz tal-baġit ta' emenda Nru 1 għall-baġit ġenerali 2008 jkopri l-punti li ġejjin:

B.  Billi l-iskop ta' l-Abbozz tal-baġit ta' emenda Nru 1/2008 huwa li dawn l-aġġustamenti baġitarji jiddaħħlu b'mod formali fil-baġit ta' l-2008;

1.  Jinnota l-Abbozz Preliminari ta' baġit ta' emenda Nru 1/2008;

2.  Ifakkar fl-emenda tiegħu għall-Abbozz tal-baġit ta' emenda Nru 1/2008 bl-iskop li tinħoloq linja għan-nefqa fuq il-ġestjoni amministrattiva li terġa' tistabilixxi l-ammont oriġinali tal-linja operazzjonali għal Galileo;

3.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni.

(1) ĠU L 248, 16.9.2002, p. 1. Regolament kif emendat l-aħħar mir-Regolament (KE) Nru 1525/2007 (ĠU L 343, 27.12.2007, p. 9). (2) ĠU L 71, 14.3.2008. (3) ĠU C 139, 14.6.2006, p. 1. Ftehima kif emendata bid-Deċiżjoni 2008/29/KE tal-Parlament Ewropew u tal-Kunsill (ĠU L 6, 10.1.2008, p. 7).

Riżoluzzjoni leġiżlattiva tal-Parlament Ewropew tal-11 ta' Marzu 2008 dwar il-proposta għal Regolament tal-Kunsill li jikkonċerna l-konklużjoni tal-Ftehima tas-Sħubija dwar is-Sajd bejn il-Komunità Ewropea u r-Repubblika tal-Ginea-Bissaw. (COM(2007)0580 – C6-0391/2007 – 2007/0209(CNS))

P6_TA(2008)0085 A6-0053/2008

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta għal regolament tal-Kunsill (COM(2007)0580),

–   wara li kkunsidra l-Artikoli 37 u 300(2), tat-Trattat KE,

–   wara li kkunsidra l-Artikolu 300(3), l-ewwel subparagrafu, tat-Trattat KE, skond liema artikolu ġie kkonsultat mill-Kunsill (C6-0391/2007),

–   wara li kkunsidra l-Artikolu 51 u l-Artikolu 83(7), tar-Regoli ta" Proċedura tiegħu,

–   wara li kkunsidra r-rapport tal-Kumitat għas-Sajd u l-opinjonijiet tal-Kumitat għall-Iżvilupp kif ukoll tal-Kumitat għall-Baġits (A6-0053/2008),

1.  Japprova l-proposta għal Regolament tal-Kunsill kif emendata u japprova l-konklużjoni tal-ftehima;

2.  Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni, kif ukoll lill-gvernijiet u lill-parlamenti ta' l-Istati Membri u tar-Repubblika tal-Ginea-Bissaw.

Test propost mill-Kummissjoni   Emendi tal-Parlament Emenda 1 Premessa 2 a (ġdida) 2a.  Huwa importanti li jiġi mtejjeb it-tagħrif ipprovdut lill-Parlament Ewropew. Għal dan il-għan, il-Kummissjoni għandha tgħaddi l-konklużjonijiet tal-laqgħat tal-kumitat konġunt imsemmi fl-Artikolu 10 tal-Ftehima. Emenda 2 Artikolu 3, paragrafu 1 a (ġdid) Kull sena, il-Kummissjoni għandha tivvaluta jekk l-Istati Membri li l-bastimenti tagħhom joperaw fil-qafas tal-protokoll kinux konformi mar-rekwiżiti dwar l-irrappurtar. Jakk ma kinux konformi, il-Kummissjoni għandha tirrifjuta t-talbiet tagħhom għal liċenzji tas-sajd għas-sena ta' wara. Emenda 3 Artikolu 3 a (ġdid) Artikolu 3a Kull sena, il-Kummissjoni għandha tippreżenta lill-Parlament Ewropew u l-Kunsill rapport dwar ir-riżultati tal-programm plurijennali msemmi fl-Artikolu 8 tal-protokoll, kif ukoll dwar il-konformità ta" l-Istati Membri mar-rekwiżiti ta" rappurtar. Emenda 4 Artikolu 3 b (ġdid) Artikolu 3b Matul l-aħħar sena ta" validità tal-protokoll u qabel ma tiġi ffirmata ftehima ġdida biex il-protokoll jiġi mġedded, il-Kummissjoni għandha tippreżernta lill-Parlament Ewropew u lill-Kunsill rapport dwar l-applikazzjoni tal-Ftehima u l-kundizzjonijiet li fihom din tkun ġiet implimentata. Emenda 5 Artikolu 3 c (ġdid) Artikolu 3c Fuq il-bażi tar-rapport imsemmi fl-Artikolu 3b, u wara konsultazzjoni mal-Parlament Ewropew, il-Kunsill għandu jagħti, jekk ikun il-każ, mandat ta" negozjar lill-Kummissjoni bil-għan li jiġi adottat protokoll ġdid. Emenda 6 Artikolu 3 d (ġdid) Artikolu 3d (ġdid) Il-Kummissjoni għandha tgħaddi lill-Parlament Ewropew il-konklużjonijiet tal-laqgħat tal-kumitat konġunt imsemmi fl-Artikolu 10 tal-Ftehima.

Riżoluzzjoni leġiżlattiva tal-Parlament Ewropew tal-11 ta' Marzu 2008 dwar il-proposta għal regolament tal-Kunsill li jirrigwarda l-konklużjoni tal-Ftehim tas-Sħubija dwar is-Sajd bejn il-Komunità Ewropea minn naħa u l-Kosta ta' l-Avorju min-naħa l-oħra (COM(2007)0648 – C6-0429/2007 – 2007/0226(CNS))

P6_TA(2008)0086 A6-0054/2008

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta għal regolament tal-Kunsill (COM(2007)0648),

–   wara li kkunsidra l-Artikolu 37 u l-Artikolu 300(2) tat-Trattat KE,

–   wara li kkunsidra l-Artikolu 300(3), l-ewwel subsubparagrafu, tat-Trattat KE li bis-saħħa tiegħu ġie kkonsultat mill-Kunsill (C6-0429/2007),

–   wara li kkunsidra l-Artikoli 51 u 83(7) tar-Regoli ta' Proċedura tiegħu,

–   wara li kkunsidra r-rapport tal-Kumitat għas-Sajd u l-opinjonijiet tal-Kumitat għall-Iżvilupp u tal-Kumitat għall-Baġits (A6-0054/2008),

1.  Japprova l-proposta għal Regolament tal-Kunsill kif emendata u japprova l-konklużjoni tal-ftehim;

2.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni, kif ukoll lill-gvernijiet u l-parlamenti ta' l-Istati Membri u tar-Repubblika tal-Kosta ta' l-Avorju.

Test propost mill-Kummissjoni   Emendi tal-Parlament Emenda 1 Premessa 2 a (ġdida) (2 a)  Huwa importanti li tkun imtejba l-informazzjoni pprovduta lill-Parlament Ewropew. Għal dan il-għan, il-Kummissjoni għandha tibgħatlu l-konklużjonijiet tal-laqgħat tal-Kummissjoni Konġunta msemmija fl-Artikolu 9 tal-Ftehim. Emenda 2 Artikolu 3, subparagrafu 1 a (ġdid) Il-Kummissjoni għandha tevalwa kull sena jekk l-Istati Membri li l-bastimenti tagħhom joperaw fil-qafas tal-Protokoll kienux konformi mar-rekwiżiti dwar id-dikjarazzjoni. Jekk dan ma jkunx sar, il-Kummissjoni għandha tirrifjuta t-talbiet għal-liċenzji tas-sajd għas-sena ta' wara. Emenda 3 Artikolu 3 a (ġdid) Artikolu 3a Il-Kummissjoni għandha tippreżenta kull sena lill-Parlament Ewropew u lill-Kunsill rapport dwar ir-riżultati tal-programm settorjali plurijennali deskritt fl-Artikolu 7 tal-Protokoll kif ukoll dwar ir-rispett min-naħa ta' l-Istati Membri tar-rekwiżit tad-dikjarazzjoni. Emenda 4 Artikolu 3 b (ġdid) Artikolu 3b Matul l-aħħar sena tal-validità tal-Protokoll, u qabel ma jiġi konkluż ftehim ieħor għat-tiġdid tiegħu, il-Kummissjoni għandha tippreżenta lill-Parlament Ewropew u lill-Kunsill rapport dwar l-applikazzjoni tal-ftehim u dwar il-kundizzjonijiet li fihom dan kien implimentat. Emenda 5 Artikolu 3 c (ġdid) Artikolu 3(c) Fuq il-bażi tar-rapport imsemmi fl-Artikolu 3a, u wara konsultazzjoni mal-Parlament Ewropew, il-Kunsill għandu jagħti lill-Kummissjoni, fejn ikun xieraq, mandat ta" negozjar bl-għan ta' l-adozzjoni ta" protokoll ġdid. Emenda 6 Artikolu 3 d (ġdid) Artikolu 3 d Il-Kummissjoni għandha tibgħat lill-Parlament Ewropew il-konklużjonijiet tal-laqgħat tal-Kummissjoni Konġunta msemmija fl-Artikolu 9 tal-Ftehim.

Riżoluzzjoni tal-Parlament Ewropew tal-11 ta' Marzu 2008 dwar politika Ewropea tat-trasport sostenibbli li tqis il-linji politiċi Ewropej dwar l-enerġija u l-ambjent (2007/2147(INI))

P6_TA(2008)0087 A6-0014/2008

Il-Parlament Ewropew,

–   wara li kkunsidra l-Konklużjonijiet tal-Presidenza maħruġa wara l-Kunsill Ewropew tat-8 u d-9 ta' Marzu 2007, rigward l-adozzjoni mill-Kunsill Ewropew ta' 'Pjan ta' Azzjoni tal-Kunsill Ewropew (2007-2009)' bl-isem 'Politika dwar l-Enerġija għall-Ewropa' (7224/1/07),

–   wara li kkunsidra l-Komunikazzjoni tal-Kummissjoni bl-isem 'Komunikazzjoni dwar politika Ewropea għall-portijiet (COM(2007)0616),

–   wara li kkunsidra l-Komunikazzjoni tal-Kummissjoni bl-isem 'Lejn Netwerk tal-ferroviji li jagħti prijorità lill-merkanzija' (COM(2007)0608),

–   wara li kkunsidra l-komunikazzjoni tal-Kummissjoni bl-isem 'Pjan ta' azzjoni għal-Loġistika tat-Trasport tal-Merkanzija' (COM(2007)0607),

–   wara li kkunsidra l-komunikazzjoni tal-Kummissjoni bl-isem 'L-aġenda ta' l-UE fil-qasam tat-trasport: Intejbu l-effiċjenza, l-integrazzjoni u s-sostenibbiltà tat-trasport tal-merkanzija fl-Ewropa' (COM(2007)0606),

–   wara li kkunsidra l-Green Paper tal-Kummissjoni bl-isem 'Lejn kultura ġdida għall-mobilità urbana' (COM(2007)0551),

–   wara li kkunsidra l-Green Paper tal-Kummissjoni dwar strumenti bbażati fuq is-suq għal skopijiet ta' ambjent u ta' politiki relatati (COM(2007)0140),

–   wara li kkunsidra l-komunikazzjoni tal-Kummissjoni bl-isem 'Qafas regolatorju kompetittiv tal-karozzi għas-Seklu 21 - Pożizzjoni tal-Kummissjoni għar-Rapport finali tal-Grupp ta" Livell Għoli CARS 21 - Kontribuzzjoni għall-Iżvilupp ta" l-UE u l-Istrateġija ta" l-Impjiegi' (COM(2007)0022),

–   wara li kkunsidra l-komunikazzjoni tal-Kummissjoni bl-isem 'Riżultati tar-reviżjoni ta' l-Istrateġija Komunitarja għat-tnaqqis ta' l-emissjonijiet tas-CO2 minn karozzi tal-passiġġieri u vetturi kummerċjali ħfief' (COM(2007)0019),

–   wara li kkunsidra l-komunikazzjoni tal-Kummissjoni bl-isem 'Limitazzjoni tal-Bidla Globali fil-Klima għal 2 gradi Celsius - it-triq 'il quddiem għall-2020 u lil hinn' (COM(2007)0002),

–   wara li kkunsidra l-Komunikazzjoni tal-Kummissjoni bl-isem 'Politka dwar l-Enerġija għall-Ewropa' (COM(2007)0001),

–   wara li kkunsidra l-komunikazzjoni tal-Kummissjoni bl-isem ''Pjan Direzzjonali għall-Enerġija li Tiġġedded - Enerġiji li jiġġeddu fis-seklu 21: nibnu futur aktar sostenibbli' (COM(2006)0848),

–   wara li kkunsidra l-komunikazzjoni tal-Kummissjoni bl-isem 'Rapport ta' Progress dwar il-Bijokarburanti: Rapport dwar il-progress miksub fl-użu tal-bijokarburanti u karburanti oħra minn sorsi rinnovabbli fl-Istati Membri ta" l-Unjoni Ewropea' (COM(2006)0845),

–   wara li kkunsidra l-komunikazzjoni tal-Kummissjoni bl-isem 'Pjan ta' Azzjoni dwar l-Effiċjenza fl-Enerġija: It-Twettiq tal-Potenzjal' (COM(2006)0545),

–   wara li kkunsidra l-komunikazzjoni tal-Kummissjoni bl-isem 'Inżommu lill-Ewropa miexja – Il-Mobilità Sostenibbli għall-kontinent tagħna – Reviżjoni f'nofs il-perjodu tal-White Paper ta" l-2001 tal-Kummissjoni Ewropea dwar it-Trasport' (COM(2006)0314),

–   wara li kkunsidra r-riżoluzzjoni tiegħu ta' l-24 ta' Ottubru 2007 dwar l-Istrateġija Komunitarja biex jitnaqqsu l-emissjonijiet tas-CO2 mill-karozzi tal-passiġġieri u mill-vetturi kummerċjali ħfief(1),

–   wara li kkunsidra r-riżoluzzjoni tiegħu tal-5 ta' Settembru 2007 dwar il-loġistika tat-trasport tal-merkanzija fl-Ewropa - is-soluzzjoni għall-mobilità sostenibbli(2),

–   wara li kkunsidra r-riżoluzzjoni tiegħu tat-12 ta' Lulju 2007 dwar inżommu l-Ewropa miexja - mobilità sostenibbli għall-kontinent tagħna(3),

–   wara li kkunsidra l-pożizzjoni tiegħu fl-ewwel qari tal-5 ta' Settembru 2006 dwar il-proposta għal Direttiva tal-Kunsill dwar it-taxxi relatati mal-karozzi tal-passiġġieri(4),

–   wara li kkunsidra d-Direttiva 1999/62/KE tal-Parlament Ewropew u tal-Kunsill tas-17 ta' Ġunju 1999 dwar il-ħlas li jrid isir minn vetturi ta' merkanzija tqila għall-użu ta' ċerti infrastrutturi(5) (Direttiva Eurovignette),

–   wara li kkunsidra l-Artikolu 45 tar-Regoli ta' Proċedura tiegħu,

–   wara li kkunsidra r-Rapport tal-Kumitat għat-Trasport u t-Turiżmu u l-opinjonijiet tal-Kumitat għall-Industrija, ir-Riċerka u l-Enerġija u l-Kumitat għall-Ambent, is-Saħħa Pubblika u l-Sikurezza ta' l-Ikel (A6-0014/2008),

A.   billi l-iżvilupp sostenibbli - objettiv ta' l-UE li japplika għal kulħadd - huwa maħsub li jġib miegħu titjib kontinwu fil-kwalità tal-ħajja u fil-ġid tal-pjaneta tagħna għall-ġenerazzjonijiet ta' issa u dawk futuri,

B.   billi madwar terz tat-total tal-konsum ta' enerġija fl-UE25 huwa marbut mas-settur tat-trasport, esklużi t-tbaħħir u linji tal-pajpijiet, u billi t-trasport fit-toroq, li jakkonta għal 83%, huwa l-mezz ta' trasport li juża l-akbar volum ta' enerġija,

C.   billi s-settur tat-trasport jakkonta għal 70% tat-talba għaż-żejt fl-UE 25; billi s-settur jiddependi fuq il-fjuwils fossili għal 97% tal-forniment tiegħu, u b'hekk jibqa' biss 2% għall-elettriċità (li ħafna minnha hija ġġenerata b'mod nukleari) u biss daqs 1% għall-bijofjuwils,

D.   billi fis-snin riċenti l-effiċjenza fl-enerġija ta' metodi ta' trasport differenti ttejjbet ħafna u billi dan ippermetta li l-emissjonijiet tas-CO2 korrispondenti kull km tnaqqsu b'mod sostanzjali; billi dan it-titjib, madankollu, qed ikun bilanċjat mill-effetti ta' domanda li dejjem qed tikber fis-settur tat-trasport,

E.   għallhekk, billi l-emissjonijiet fis-settur tat-trasport, meta kkunsidrat kollu, qed ikomplu jiżdiedu: fl-2005 biss, is-settur tat-trasport kien responsabbli għal 24.1% tat-total ta' l-emmissjonijiet ta' gassijiet b' effett serra (CO2, CH4, N2O) fl-EU 27 u skond previżjonijiet tal-Kummissjoni, it-talba tiegħu għall-enerġija se tiżdied b'mill-anqas 30% minn issa sa l-2030,

F.   billi l-emissjonijiet ta' ħsara li qed jipproduċi t-trasport fit-toroq naqsu bħala riżultat ta' innovazzjonijiet teknoloġiċi u sforzi estensivi ta' l-industrija tal-karozzi; billi r-riżultat intlaħaq b'mod speċifiku permezz ta' l-introduzzjoni ta' konvertituri katalitiċi, filtri tal-partiċelli fini, u teknoloġiji oħra li għenu fit-tnaqqis ta' l-NOx u ta' l-emissjoni ta' partiċelli li jniġġsu b'medja ta' 30% u 40% fl-aħħar ħmistax-il sena; billi, minkejja li sar dan it-titjib, il-miri tat-tnaqqis fl-emissjonijiet tas-CO2 li jirriżultaw mill-ftehima volontarja tal-manifatturi tal-karozzi intlaħqu biss parzjalment,

G.   billi t-traffiku urban jiġġenera 40% ta' l-emissjonijiet tas-CO2 u 70% ta' emissjoni oħra li jniġġsu minn vetturi u billi l-konġestjoni fit-toroq, kkonċentrata l-aktar fil-bliet il-kbar, tfisser spiża għall-UE ta' madwar 1% tal-Prodott Gross Domestiku,

H.   billi 70% tal-proġetti prijoritarji tat-trasport trans-Ewropej approvati fl-2004 jirrigwardaw it-trasport bil-ferrovija u bil-baħar, li huma rikonoxxuti bħala l-modi ta' trasport li l-anqas iniġġsu,

I.   billi fil-Konklużjonijiet tal-Presidenza tal-Kunsill Ewropew msemmija hawn fuq, l-UE impenjat ruħa sew u b'mod unilaterali li tnaqqas l-emissjonijiet tal-gassijiet b'effett serra b'mill-anqas 20% meta mqabbla mal-livelli ta' l-1990,

1.  Jemmen li l-mobilità kienet waħda mill-akbar kisbiet u sfidi ta' l-aħħar seklu u li trasport sostenibbli għandu jsib bilanċ ġust bejn interessi differenti u spiss f'kunflitt, filwaqt li jfittex li jirrikonċilja l-mobilità, dritt bażiku li jgawdi ċ-ċittadin, l-importanza tas-settur tat-trasport f'termini ekonomiċi u ta' impjiegi, ir-responsabilità għall-ambjent lokali u globali u d-dritt taċ-ċittadini għas-sikurezza, għall-kwalità tal-ħajja u għas-saħħa;

2.  Jenfasizza li s-settur tat-trasport ukoll irid jilħaq il-miri ta' l-UE fit-tnaqqis tal-konsum taż-żejt u ta' l-emmissjonijiet tal-gassijiet li joħolqu l-effett ta' serra b'mill-anqas 20% meta mqabbla mal-livelli ta' l-1990 sa l-2020;

3.  Jenfasizza l-importanza tas-settur tat-trasport għall-impjiegi, it-tkabbir u, l-innovazzjoni u jikkunsidra li l-mobilità sikura u bi prezz li jista' jintlaħaq għandha tkun sine qua non ta' l-istil ta' ħajja tagħna; għalhekk jemmen - rigward il-prijorità li għandha tingħata lill-mobilità sostenibbli mil-lat ambjentali - li x'aktarx li ċ-ċittadini jappoġġaw miżuri li jiggarantixxu l-mobilità tagħhom fuq perjodu ta' żmien twil(6);

4.  Huwa ta' l-opinjoni li sabiex jintlaħaq l-objettiv ta' trasport sostenibbli fl-Ewropa f'termini enerġetiċi u ambjentali, huwa neċessarju li jkunu kkombinati medda ta' linji politiċi li jappoġġjaw u jikkoreġu lil xulxin, u b'hekk ikun żgurat l-involviment ta' aktar u aktar partijiet interessati li jirrappreżentaw is-settur tat-trasport, il-gvern u ċ-ċittadini; huwa konvint li biss bl-applikazzjoni tal-kombinazzjoni t-tajba ta' miżuri jkun possibbli li jkunu mitigati l-effetti kuntrarji ta' azzjonijiet individwali u ċ-ċittadini jikkonvinċu rwieħhom li jaċċettaw dawk l-azzjonijiet;

5.  Jikkunsidra li kombinazzjoni ta' politika ta' dan it-tip għandha tikkomprendi b'mod partikulari dan li ġej:

6.  Isostni li l-UE u l-Istati Membri jridu jiffukaw l-isforzi tagħhom fuq l-elementi prinċipali tas-sistema, jiġifieri:

7.  Jenfasizza l-importanza ta' l-iffirmar mill-Kunsill tal-Protokoll dwar it-Trasport tal-Konvenzjoni Alpina mill-Kunsill f'Diċembru 2006; jenfasizza l-fatt li, minħabba r-ratifika tal-protokoll, jeħtieġ li l-Kummissjoni tniedi minnufih miżuri tanġibbli ta' implimentazzjoni biex tippromwovi t-trasport sostenibbli f'reġjuni sensittivi tal-muntanji u f'żoni b'popolazzjoni għolja.

8.  Isostni li bl-istess mod għandhom jitħaddmu strumenti bbażati fuq is-suq biex ikunu promossi vetturi b'konsum baxx ta' fjuwil u emissjonijiet baxxi billi, bħala eżempju, isir użu minn eżenzjonijiet fiskali, riformi fid-dazju fuq il-vetturi li jikkunsidraw l-emissjonijiet li jniġġsu u l-effiċjenza tal-fjuwil, inċentivi biex jintremew vetturi li jniġġsu ħafna u jinxtraw karozzi ġodda b'emissjonijiet aktar baxxi; jikkunsidra li dawn huma miżuri importanti li għandhom jgħinu wkoll lill-manifatturi tal-magni biex jirkupraw l-ispejjez ta' konformità ma' l-obbligi imposti taħt il-qafas leġiżlattiv il-ġdid;

9.  Għalhekk, iħeġġeġ lill-Kunsill u lill-Istati Membri biex juru l-istess determinazzjoni li wrew fil-laqgħa tal-Kunsill ta' l-Ewropa tat-8 u tad-9 ta' Marzu 2007 billi:

10.  Tappoġġa l-kwistjoni mqajjma mill-Kummissjoni fil-Green Paper msemmija hawn fuq dwar strumenti bbażati fuq is-suq għal skopijiet ta' ambjent u ta' politika relatata, rigward l-għażla li tintuża proċedura ta' koordinazzjoni u skambju ta' esperjenza u ta' l-aħjar prassi sabiex, filwaqt li jkun hemm aktar skrutinju attiv, jkunu promossi riformi nazzjonali tas-sistemi ta' ħlas għat-trasport u ta' taxxi ambjentali; jistieden lill-Kummissjoni sabiex tieħu passi biex tilħaq dak il-għan;

11.  Jistieden lill-Kunsill u lill-Istati Membri biex iżidu l-investiment tagħhom fl-infrastruttura u f'sistemi ta' trasport intelliġenti (ITS's), partikularment bil-għan li:

12.  Iħeġġeġ lill-Kummissjoni sabiex tressaq, mhux aktar tard minn Ġunju 2008, mudell li jiftiehem, trasparenti u ġeneralment applikabbli għall-evalwazzjoni ta' spejjeż esterni tal-modi kollha ta' trasport, li fuqhom għandhom jiġu bbażati kalkoli ta' tariffi futuri li għandhom jitħallsu għall-użu ta' l-infrastruttura; josserva li, skond id-Direttiva Eurovignette, il-mudell irid ikun akkumpanjat minn analiżi ta' l-impatt ta' l-internalizzazzjoni ta' l-ispejjeż esterni għall-modi kollha tat-trasport u minn strateġija biex il-mudell jiddaħħal ftit ftit f'kull mod tat-trasport; u jistieden lill-Kummisjoni, biex, flimkien ma' l-inizjattiva msemmija hawn fuq, tipproduċi proposti leġiżlativi mar-reviżjoni tad-Direttiva ta' l-Eurovignette;

13.  Huwa konvint li l-problema tal-konġestjoni urbana, li tikkawża 40% ta' l-emissjonijiet tas-CO2 u 70% ta' emissjonijiet oħra li jniġġsu minn vetturi, jeħtieġ tkun affrontata b'mod aktar ambizzjuż mingħajr il-ksur tal-prinċipju ta' sussidjarjetà, billi tkun applikata koperazzjoni madwar l-Ewropa u strateġija ta' koordinazzjoni;

14.  Jistieden lill-Kummissjoni u lill-Istati Membri biex janalizzaw il-mod li bih l-infrastruttura tat-trasport u t-tariffi applikati fuqha jinfluenzaw l-iżvilupp urban u d-domanda futura għas-servizzi tat-trasport;

15.  Huwa ta' l-opinjoni li politika effettiva ta' mobilità urbana għandha tkun ibbażata fuq metodu integrat kemm jista' jkun, li jġib flimkien is-soluzzjonijiet l-aktar adattati għal kull problema individwali; jemmen bis-sħiħ li z-zoni urbani għandhom potenzjal ekonomiku sod li joffru aktar linji politiċi ta' trasferiment modali favur it-trasport pubbliku, il-mixi u r-roti; f'dan ir-rigward, jikkkunsidra li hu importanti li jkun hemm iffukar fuq l-innovazzjoni teknoloġika (użu akbar ta' ITS's), sfruttament aħjar ta' l-infrastruttura preżenti, speċjalment permezz ta' miżuri għall-kontroll tad-domanda (tariffi ta' konġestjoni u prezzijiet tat-toroq (road pricing)), u soluzzjonijiet innovattivi għall-aħjar integrazzjoni ta' flussi ta' merkanzija urbana; u, fl-aħħar, modi ġodda kif isir l-aħjar użu ta' karozzi privati u "car-sharing", "carpooling" u arranġamenti biex isir ix-xogħol mid-dar;

16.  Jenfasizza l-importanza ta' miżuri ħfief fl-ilħuq ta' l-għan ta' trasport aktar sostenibbli u jikkunsidra li huwa importanti li għandu jkun possibbli għaċ-ċittadini li jieħdu deċiżjonijiet infurmati rigward il-metodi ta' trasport u l-imġieba fis-sewqan; jistieden sabiex ikun hemm aktar informazzjoni għall-konsumatur u għal aktar edukazzjoni attiva u kampanji ta' promozzjoni li jappoġġaw mezzi aktar sostenibbli ta' trasport u mudelli ta' trasport;

17.  Jemmen li t-trasport bil-ferrovija – mod li għandu konsum enerġetiku u emissjonijiet tas-CO2 aktar baxxi - għandu potenzjal konsiderevoli li għadu mhux sfruttat mhux biss f'dak li jirrigwarda l-loġistika tat-trasport tal-merkanzija, imma anki f'dak li jirrigwarda t-trasport tal-passiġġieri fuq vjaġġ qasir u medju;

18.  Jistieden lill-Kummissjoni, lill-Istati Membri, u lill-industrija tal-ferroviji sabiex:

19.  Jikkunsidra li, għalkemm il-linji ta' l-ajru naqqsu l-konsum tal-fjuwil tagħhom b'1% - 2% għal kull passiġġier kilometru f'dawn l-aħħar għaxar snin u l-emissjonijiet tal-ħoss tnaqqsu ħafna, l-impatt ambjentali globali ta' l-avjazzjoni ċivili żdied minħabba ż-żieda sostanzjali fit-traffiku; għalhekk jistieden sabiex:

20.  Jinnota li fit-trasport bl-ajru, it- trasparenza tal-prezz tal-biljett u l-ispejjeż riflessi fil-prezz huma importanti ħafna għall-interess tal-passiġġier u għall-kompetizzjoni ġusta fis-settur tat-trasport, u għalhekk jappoġġja lill-Kummissjoni biex tieħu aktar inizjattivi f'dan ir-rigward;

21.  Jinnota li l-emissjonijiet min-navigazzjoni qed ikomplu jiżdiedu u jirrakkomanda b'mod partikulari li:

22.  Jistieden lill-Kummissjoni u lill-Istati Membri biex jinvestu fl-immodernizzar tal-faċilitajiet tal-port kemm għall-portijiet tal-baħar ta' l-UE u kemm għal dawk li jinsabu f'passaġġi ta' l-ilma interni, biex ikun possibbli li l-merkanzija u l-passiġġieri jinġarru malajr minn sistema ta' trasport għal oħra, u b'hekk ikun possibbli li jitnaqqas il-konsum ta' l-enerġija fil-qasam tat-trasport;

23.  Jikkunsidra li huwa essenzjali li jittejjbu l-loġistika, il-fatturi tat-trasport tal-merkanzija, u t-trasport intermodali; għalhekk jappoġġa t-tlestija sħiħa tas-suq intern fit-trasport u jħeġġeġ lill-Kummissjoni biex tibni mill-aktar fis possibbli fuq il-pjan ta' azzjoni msemmi hawn fuq għal-loġistika tat-trasport tal-merkanzija fl-Ewropa, waqt li jitqiegħed enfasi partikolari fuq l-iżvilupp tal-kunċett ta' 'green corridors';

24.  Jistieden lill-Kummissjoni u lill-Istati Membri biex jinvestu aktar fir-riċerka fil-qasam tat-trasport, sabiex ikunu żviluppati l-mezzi tat-trasport li huma l-aktar effiċjenti f'termini ta' enerġija u fit-tnaqqis ta' l-emissjonijiet tas-CO2; jistieden lill-Kummissjoni sabiex, fir-reviżjoni ta' l-2009 tal-qafas finanzjarju plurijennali, iżżid sew l-allokazzjoni finanzjarja globali għar-Riċerka u l-Iżvilupp dwar l-ambjent, l-enerġija u t-trasport;

25.  Jappoġġja lill-Kummissjoni f'inizjattivi li jgħaqqdu t-trasport sostenibbli u t-turizmu b'mod aktar effettiv, bħal l-użu ta' mezzi tat-trasport li jirrispettaw aktar l-ambjent, bħal per eżempju l-kombinazzjoni ta' l-użu tat-trasport pubbliku u l-użu tar-roti;

26.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni u lill-gvernijiet u lill-parlamenti ta' l-Istati Membri.

(1) Testi Adottati, P6_TA(2007)0469. (2) Testi Adottati, P6_TA(2007)0375. (3) Testi Adottati, P6_TA(2007)0345. (4) ĠU C 305 E, 14.12.2006, p. 85. (5) ĠU L 187, 20.7.1999, p. 42. Direttiva kif emendata l-aħħar bid-Direttiva 2006/103/KE (ĠU L 363, 20.12.2006, p.344). (6) Ara 'Attitudnijiet dwar kwistjonijiet relatati mal-Politika tat-Trasport ta' l-UE', Flash Eurobarometer Nru 206b, Politika tat-Trasport ta' l-UE.

Dikjarazzjoni tal-Parlament Ewropew dwar twissija kmieni għaċ-ċittadini waqt emerġenzi kbar

P6_TA(2008)0088 P6_DCL(2007)0100

Il-Parlament Ewropew,

–   wara li kkunsidra l-Artikolu 116 tar-Regoli ta' Proċedura tiegħu,

A.   billi huwa importanti li jkun hemm twissija kmieni effiċjenti għaċ-ċittadini f'każ ta' emerġenzi kbar imminenti jew li jkunu qed jiżviluppaw, bil-għan li jitnaqqsu t-tbatija u l-imwiet,

B.   billi l-Parlament talab kemm-il darba għall-istabbiliment ta' twissija kmieni u ta' sistemi ta' twissija u dan huwa stipulat f'ħafna atti leġiżlattivi eżistenti u f'oħrajn li se jsiru,

C.   billi s-sistemi ta' twissija kmieni jinvolvu t-twissija lill-awtoritajiet permezz ta' netwerks reġjonali għall-prevenzjoni ta' riskji (naturali, teknoloġiċi, soċjali) u t-twissija liċ-ċittadini permezz ta' netwerks tat-telekomunikazzjoni (radju, TV, sireni, mowbajls, eċċ.),

D.   billi l-UE m'għandhiex sistema ġenerali, multilingwa, simplifikata u effiċjenti biex twissi liċ-ċittadini dwar emerġenzi imminenti jew li qed jiżviluppaw u billi l-implimentazzjoni ta' sistemi bħal dawn hija direttament relevanti għal ħafna politiki ta' l-UE (telekommunikazzjonijiet, ambjent, saħħa, sigurtà interna u protezzjoni ċivili) u wkoll taffettwa oħrajn (trasport, enerġija u turiżmu),

E.   billi l-UE għandha tistabbilixxi sistema bħal din, f'kumbinazzjoni ma tagħrif xieraq u kampanji ta' taħriġ, biex tħeġġeġ imġiba li ssalva l-ħajja fost ċittadini fil-periklu,

1.  Jitlob lill-Istati Membri u lill-Kummissjoni biex jimplimentaw il-proċessi u r-riżorsi neċessarji għall-iżvilupp ta' sistema effiċjenti ta' twissija kmieni għaċ-ċittadini fil-każ ta' emerġenzi kbar imminenti jew li qed jiżviluppaw fl-UE;

2.  Jitlob lill-Kummissjoni biex tressaq proposti leġiżlattivi xierqa f'dan il-qasam, billi tqis ir-riskji u l-politiki kollha involuti;

3.  Jagħti istruzzjonijiet lill-President tiegħu sabiex jgħaddi din id-dikjarazzjoni, flimkien ma' l-ismijiet tal-firmatarji, lill-Kunsill u lill-Kummissjoni.