Il-Parlament Ewropew,

–   wara li kkunsidra l-proposta għal emenda tar-Regoli ta' Proċedura tiegħu (B6-0420/2006),

–   wara li kkunsidra l-Artikoli 201 u 202 tar-Regoli ta' Proċedura,

–   wara li kkunsidra r-rapport tal-Kumitat għall-Affarijiet Kostituzzjonali (A6-0206/2008),

1.  Jiddeċiedi li jemenda r-Regoli ta' Proċedura tiegħu kif jidher hawn taħt;

2.  Jiddeċiedi li din l-emenda tidħol fis-seħħ fl-ewwel jum ta" l-ewwel sessjoni parzjali ta" wara l-elezzjonijiet Ewropej tas-sena 2009;

3.  Jagħti istruzzjonijiet lill-President tiegħu biex jgħaddi din id-deċiżjoni lill-Kunsill u lill-Kummissjoni għal skopijiet ta" informazzjoni.

Test fis-Seħħ   Emenda Emenda 3 Ir-Regoli ta' Proċedura tal-Parlament Artikolu 29 – paragrafu 2 2.  Grupp politiku għandu jkun magħmul minn Membri eletti f' minn ta' l-inqas wieħed minn ħamsa ta' l-Istati Membri In-numru minimu ta" Membri meħtieġa biex jiffurmaw grupp politiku għandu jkun ta" għoxrin. 2.  Grupp politiku għandu jkun magħmul minn Membri eletti ta' l-inqas minn kwart ta' l-Istati Membri. In-numru meħtieġ ta" Membri biex jiġi ffurmat grupp politiku għandu jkun ta" ħamsa u għoxrin. Emenda 1 Ir-Regoli ta' Proċedura tal-Parlament Artikolu 29 − paragrafu 2 a (ġdid) 2a.  Meta grupp jinżel taħt il-limitu meħtieġ, il-President, bi ftehim mal-Konferenza tal-Presidenti, jista" jippermetti li l-grupp ikompli jeżisti sas-seduta kostituttiva tal-Parlament li jkun imiss, kemm-il darba jintlaħqu l-kundizzjonijiet li ġejjin: - il-membri jkomplu jirrappreżentaw mhux inqas minn wieħed minn kull ħames Stati Membri; - il-grupp ikun ilu jeżisti għal perjodu ta" aktar minn sena. Il-President m'għandux japplika din id-deroga fejn ikun hemm biżżejjed evidenza li wieħed jissuspetta li tkun qed tiġi abbużata.